موضوعي معقد بالنسبه لي ويمكن بسيط بالنسبه لكم بس محطمني :(

السلام عليكم

ابي احد باااله طوووويل معاي ويقرا كلامي ويفهمني ويحس
بناااااااات انا متضايقه حيل

شبتدي فيه وشخلي
انا متزوجه صارلي سنه ونص
حملت وطرحت والحين انا حامل …
مشكلتي زووجي اناا متزوجته عن حب وادري انه يحبني وانا بعد احبه بس حيييييييل جااامد وانا حيييل رومنسيه… عمره ماادلعني عمره ما طاار فيني ويحسسني انه طاااير من الفرحه معاي يمكن يفرح معاي من داخله بس كلش مايعبر … الي ايشوووفنه والله يقول متزوجين من 10 سنين موو تونا متزوجين من اول ماتزوجنا احنا جذي … عمرنا ماطلعنا يووم كامل لناا لازم طلعتنا تكون قصييره حيييل ونرد اهوا يروح حق ربعه وانا اقعد بالبيت او ابيت اهلي
مشكلتي معااه بحصرها بصفاات

ماايدلعني كلللللللللللش
الكلام الحلووو اندر من النااادر بالمقااابل انا كثر ما كنت اقووول واعيد بكلام الحب وادلعه قمت ازهق وقمت اخذ طبعه لان كل مااا احاااول ادش بكلام حب يقلبها غشمره ويستعبط او يغير السالفه لان كلام الحب بنظره شي تافه ومضيعة وقت ..
الروووتييييين مشكلة بحياتي متقيد بروتين معين من اول ماتزوجنا يبي يعودني عليه وتعوود عليه ولا اقدر اغيره بكل الاحوال بكل الطرق الي اهيا دوااام بيت اروح بيت اهلي ويروح عند ربعه ونرد البيت بليل انام
ولي بغينا نطلع يكون روتينا دوااام نطلع نروح نتغدا بره يقطني بيت اهلي ويروح حق ربعه او اقعد بالبيت بروحي ويروح حق ربعه ونرد البيت حده دايخ وبينام وكل يوم كل يوم جذي
المصييييييييييييييبه الاكبر الي اعتقد الاغلبيه بيتعجبووون منها

يقدر يصبر عن العلاقه الزوجيه بشكل انتوا ماتتخيلوونه يعني من اول ماتزوجنا صارلنا سنه ونص
اول ثلاث اربع شهوور علاقتنا الزوجيه ممتازه بعدين عقب ما حملت ما قام يقربلي وطرحت ولا قام يقرب لي وعدت 3 شهوور تقريبا على هلسالفه واهوا ولا يهمه المووضوع اصلا بعدها ردينا بس قامت تصير مره بالاسبووع وبعدها حملت الي اهيا حملتي هاذي وصارلي 5 شهوور حامل تخيلوا 5 شهوور ولا يا صووووبي والعذر انه يخااف علي !!!! انزين اوكي نلغي الجماع ممكن ايكون في اشياء ثانيه مثل الحضن وغيره من الاموور يكرها وكله ماله خلقها وكله يوخرني لدرجة قمت اندقر واكره قربه … وولااا همه

والله يا بنااات والمصحف ان الناااس عباالها انه طااير فيني وفرحان اني زوجته لاني جميله والحمدالله عنايتي بنفسي ممتازه وانيقه بعطوري ومكياجي وملابسي واهوا بنفسه يشهد هلشي يعني موو قصوور فيني فاا ليش يدقرني انا مادري لدرجة قمت اكرهه واكره قربه
وانا والله ضاامنه ماعنده خرابيط لا بالصج ولا بافلام وصور وهلسوالف يعني شالمانع مادري

والمشكله ما اقدر اقول ضعف لان لمن اناااا اتحرش فيه طبعا اذا خلااني اتحرش فيه يكوون طبيعي 100% بس مايبادر ولا يحب ابادر لان اهوا عموما العلاقه الزوجيه ماتهمه كلش …

استغرب لمن يقولون ان الريال مايقدر يصبر عن زوجته ايام فا اقول فا ما بالي انا بالاشهر عادي عنده استغرب من الي يقولون ان اذا كشختي ريلج يراضيج لان شكلي مايهمه كلش استغرب من الي يقولون الريال يحب يشوووف زوجته كااشختله لان انا ان كشخت ولا لبست بجامه نفس الشي عنده لدرجة قمت انسى اني زوجه
كلمته بهلموضوع يقولي انا بالعكس ابيج بس اخاف عليج انزين لي متى !!

بنات العلاقه ماتهمني بس احسها تقربه مني وتقربني منه تخلي بينه موده وعدم وجودها يخلينا خواااان

انحرجت اني اقرب صوبه واني اكلمه بهلموضوع

ولمن انكون مع بعض احط ايدي عليه اني بلمه يقول فلانه ترى صج مالي خلق دقراته مو صج

عاد استحي واوخر

ولمن اقووله بطلع هم يقول مالي خلق بس الظليمه شينه كل يومين ثلاث ايطلعني يوديني مطعم على الغداا ويردني مستحيييييييييل نتعشى بره لانه مااايحب يقول زحمه وانا بس احب الغدا بره .. السينما مااايحبها وين ووين نروح لها .. تمشي على البحر مايحب يقوول شنو زلمات !! وعلى هلمجره كل شي لا ومالي خلق وما احب .. زههههههههههههههههققققققققققققققققققققققققتتتتتتتتت تتتتتتتتت والله اكتب لكم وانا ابجي جد زهقت

ما اقوول اهوا مو زين بالعكس قايم فيني وباهلي كل شي ابيه يشتريلي ياه مهما كان سعره ايمع ويشتريه لي مااايقولي لا باي شي بخاطري يخاف علي واذا تعبت يخدمني ولا يخلي علي قااصر بس هم هذا مو كل شي الاشياء الي فووق تزهق وتخلي نفسيتي زفت وتتعب …

ومساعه اخر شي تهاوشنا … قالي خنروح نطلع نتغدا بره قلت له لا خلها عشى ملينا واحنا كل مره نتغدا بره .. قال لا اليوم ويك اند وزحمه وانتي تعرفيني قلت اووكي بدلت وتكشخت ورحت معاه وداني مطعم قريب حيل من بيت اهلي وقعدنا وتغدينا وسولفنا والله يا بنات والله من طلعنا وردينا وقعدنا بالمطعم كله لوو احسبه يطلع ساااعه بس والله بس ساعه وحده اول ما احط شوكتي واهوا يخلص على طول يطلب الحساب انزين انا مو طالعه اكل انا طالعه استانس طلعت وانا فيني البجوه اقوووله ليش جذي يقول شنو ؟؟؟ اقوله ليش يعني احنا طالعين نستانس ولا بس ناكل اقدر اطلب مطعم وانا ابيت اهلي يقول انا مطلعج تغيرين جوو وانتي تعباانه لازم تقعدين وترتاحين ماتجهدين نفسج قلت اووكي بس مو لي هلدرجه وعصبت جان يعصب يقول انتي مايبين بعينج وانتي دلووعه بزياده وتدورين المشاااكل ماكو شي عاجبج لاتخليني اتغير عليج عدل عاد …
قلت له يعني كل هذا بس لاني قلت ابي نقعد مع بعض جان يقول انتي تبيني 24 ساعه اجابلج قلت شكووو يعني انا قعدت معاي ساعه وانت تقعد مع ربعك بساعات ولا تمل ولا اقولك شي جان يقول انتي ماتحاسبيني لو بقعد معاهم ماني راد عليج وعناد عليج بقعد اليووم وبتاخر عندهم قلت اوكي وانا بنام عند اهلي وقال انتي كثر ما اسوي مايبين فيج !!!!!!!! احسه مااانتبه انه قلت بنام عند اهلي واحسه انتبه وماعبرني مااااااادري شنو بضبط

وبس نزلت بيت اهلي واهوا رااح يقط اخوي الصغير عند ربعه ويرووح اهوا عند ربعه

بنااااااااااااات يقهر وانا مو عارفه اتصرررررررررررف كلش معااه احس بديت اكرهه
ابي حل شسوي

يا اختي طبيعة الرجل غير عن المرأة متى تفهمون هالشي !!

وانتي يا اختي ما صارلج الا سنة ونص زواج ليس مستعيلة ع كل شي !!!!

مشكلة جيل هالوقت من جم شهر تتمشكل مع ريلها واهله وع اربع شهور بتطلق !!

وبعد سنة والا سنتين ريلي ما يدلعني !!

وتحط العقدة بالمنشااار

هونيها وتهون في امور بالحياة اهم من هالتوافه والله دام اهو يحبج وتزوجج فخلاااص سكري باب سوالف

غصب طيب يتحول الى رومانسي وخلي تصرفاتج وكلماتج ويته رقيقة وحلوة

ومع الوقت بيقلدج وبيتعلم يعبر عن مشاعره لكن يبي وقتتتتتتتتتتتتتتتتتتتتتتت

وانتي تبين صبرررررررررررررررررر

حاولي واصبري وعيشي حياتج

احس الريال اللي يصبر شهور عن العلاقـه فيه شي او غير طبيعي لان الفترة حيـل طويلـه اذا المره ما تصبـر كل هالفترة شلون الريال اللي اهو المفـروض بزيادة عن المـــــره … مـا ادري شقووولج لاني ما ادري ان كان هالشي فعلا غير طبيعي او طبيعي بس بالنسبة لي زوجي ما يمر يومين الا و لازم هالشي يصيــــر صارلي 10 اشهور متزوجـة .. لازم تحاولين اتعرفيـن اهو ليش جذي بارد هل طبيعته جذي من قبل و الا اهو كان غير و تغير ما ادري الله يكون بعووونج

بس بقولج شغله لا تركزين على عيوب زوجج مدام تدرين ان يحبج وشاريج التفتي للشغلات الايجابيه فيه راح يهون عليج يعني انا ريلي فيه عيب امتعبني بس بصراحة ايجابياته اكثر فكلما احس بكآبة من هالشي على طول اتذكر ايجابياته اقول الحمدلله الله رزقني بواحد مثله و لا اخلي هالعيب يأثر علي

شنسوي مالنا الا جذي و لا تنسين كلنا فينا عيوب ومو كاملين

أغلب الرياييل جذي..وناستهم مع ربعهم.. مع إن تلاقين حريمهم قمة الجمال و السنع بس تلاقينه ما يجابلها كثر ما يجابل ربعه..
وإذا على سالفة العلاقة الزوجية..هم عادي حبيبتي..
البرود الجنسي ممكن يحوش الريال والمرة لفترة مؤقتة..خصوصا فترة الحمال..
أعرف واحدة زوجها ما قرب منها خلال حملها نهائيا..يقولها ما أرتاح..أحس إني قاعد أحوش الياهل و أعوره..
يعني فترة و تعدي إنشالله..
لا تشيلين هم يا حبيبتي..اشغلي نفسج بالبيبي اللي ياي بالطريج..طلعي مع أهلج و مع رفيجاتج..غيري جو..
لا تربطين حياتج اليومية بحياته أهوا..جذي وااااايد تتعبين و أهوا يتعب معاج..
عيشي حياتج و نظميها على مشتهاج..وخليه أهوا عايش حياته على راحته.. وخلي طلعاتكم وقعدتكم مع بعض جزء من حياتج مو كل حياتج..
موفقة خير إنشالله..