|
|
راح أدخل بالموضوع علي طول
ياليت اللي صارلها فتره متزوجه وحياتها الزوجيه ناجحه وسعيده فيها تقول لنا شنو اسرار استمرار نجاحها والله يخليكم لاتبخلون علينا خل يستفيدون اللي مو عارفه تستقر في حياتها او فيها مشاكل احنا حريم ونعرف بعض وطبايعنا تقريبا تشابه
وآنا طبعا بكون اول وحده اتكلم عن اسرار نجاح حياتي الزوجية مافي زوجين مابينهم مشاكل بس الدنيا علمتني الصبر والسكوت وطبعا اهم من هذا هدوء الاعصاب ينولج اللي تبين صارتلي مشاكل شكثر وتهورت في بعضها وتصرفت تصرفات غلط بس للامانه مااستفدت اللا الشماته بس بعدين عرفت ان الصمت و الصبر والهدوء كنوز لازم ماتستغني عنهم اي زوجه صدقوني انا الحين ولله الحمد اشكر الله علي نعمته من اسعد الزوجات ما قولكم زوجي ملاك لا طبعا بس صار بعيني ملاك لاني قمت انظرله نظرة امل وتفائل بأن كلشي باذن الله يتصلح ويتعدل وبالفعل صارت الدنيا بعيني حلوه وراحه نفسيه ماتصورونها والحمدلله
وثاني شغله انا كنت قبل زواجي عصبيه حييييييييييييييييييييييييييييييل لابعد حد وما اطوف شي لكن من بعد الزواج وايد هديت واحاول امسك اعصابي واكون هاديه
على فكره انا صارلي سنه تقريبا من زواجي ولكن للاسف اهوه من سفره لي سفره يعني هالفتره اهوه كان دوام والحين مسافر يعني تخيلي صارلي شهر ما شفته فيه غير يومين بدال لا يقول انا راد من دوامي خل اقعد مع زوجتي واعوضها صبرها يحجز تذكرته من ثاني يوم ويسافر ويخليني
لا تقولين انا هاملته لا والله حشى ربي العالم انا شنو الكل يقول انتي احلى منه بمليون مره ما احب امدح نفسي بس ابين لج وثاني شغله اذا كان موجود ما اخليه يشوفني الا وانا توب بالكشخه بس شسوي اكثر من جذي مدلعته اخر دلع تخيلي يقولي لا تقولين لاحد اني مسافر مايبي احد يعاتبه يقولي قوليلهم انا بالدوام للحين وانا معدتيها له لا تقولين غصبا علي لا والله بكيفي هالشي لانه ابي هالحياه تمشي وتعدي
فعشان جذي اللي تبي الحياه تنجح لازم المره تتنازل عن وايد شغلات وانا متنازله عن شغلات واااااااايد مع اني ما كملت السنه والله يهدي ازواجنا يا رب
2 – الابتسامه دايما
3 – الطبخ .. طريق الوصول الى قلب الرجل هي معدته
4 – لا تردادينه وقت العصبيه و صيري دوم المسكينه راح ينكسر خاطره و يراضيج >> كيدهن عظيم
5 – وقت الي اهو بالدوام دقي عليه و قوليله ولدك او بنتك اشتاقولك و خليه يكلمهم و يسمع صوتهم .. راح يستانس و يقول مرتي حتى بغيابي تحبب عيالي فيني ..
6 – دايما انتي غسلي ملابسه لا تخلين الخدامه تجيس ملابسه عشان لمن يلبسهم يحس ان فيها ريحة مرته ..
7 – قد ما تقدرين خلي مكانه نظيف يعني سواء شقتج او بيتج و العياره الزايد يعني انتي اشتغلي جدامه مو الخدامه عشان يحس انج مهتمه بالبيئه الي اهو و عيالج عايشين فيها ..
8 – وقت يتسبح زهبيله ملابسه و لمن يطلع نشفي شعره و حطيله عطوراته و لبسيه ..
9 – عوديه ان كل يوم لمن يقعد من النوم يكتبلج رساله و يحطها لج تلقين قلبه يفرفر من عبال ما يرد البيت عشان يشوفه رسالتج …
10 – دايما انتي كوني الماي البارد الي يطفي عصبيته ..
11 – لمن ايي يشتكيلج من احد من اهله على الافتراض اخوه لا تشيشينه اكثر بالعكس هديه و قوليله هذا اخوك مهما صار مالكم غير بعض راح يرد يهدا و يرجع مع اخوه و راح يتذكر موقفج انج هديتيه و ما شيشتيه عشان يعرف انج اصيله بنت اصل ..
وايد قرقت و في وايد اشياء اسويها .. وانشالله لي عوده ..
مثلا
انتي تسوقين وكل شي بس قولي انتا اليوم ودني بيت اهلي
عشان يتقيد بردتج ويمرج غصب
الشي الثاني السوق اذا قالج روحي مع خواتج ولا رفيجاتج قوليلاا لا ما احب مالي خلق مطارد هالمصبنااا ابيك انتا معااي وغصبي حتاا لوو اهوا مايتحمل السووق راح يتعود مع الايام
ماجلت البيت لاتروحين الجمعيااا بروحج جنج قطووو اخذي معاج قولي مو بيتي بروحي بيتنا انا وياك لازم ناخذ راي بعظ
وثاني شي مالا داعي نتهاوش مع ريااييلنا علا اي شي
يعني الاشياء الي تسواا زعلي عليهااا وتغيري بس زعلي اف بيتج عشان يراظيج بسرعاا وماتكبر السااالفا
وبس الدلااال يخلي الرياال يمووت فبيتااا
انا لاحظت هالشي قبل كنت عبالي اقظب الزووج اذا حس اني ذكيااا وقويااا
بعدين اكتشفت ان لمن اتدلع كل شي اييني مثل ما ابي واكثر وكلا جدااماا اسوي روحي خبلا ما افهم شي يعلمني مثل الياااهل معني عارفا الشي عدل مذل
نفس ماقالو البنات بس اضيف الروح الحلوه وخفه الدم واخلاقج مع اهله امه وخواته لانهم يمدحونج عنده او يذمونج وهو يتاثر انا اهله يمدحوني عنده ويخبرني وهو مبسووط (:
ومثل ماقلتي اهم شي الصبر ومسكة الاعصاب والتنازل على سنع