وبعدين مع هالرجال طفشت ساعدوني

خواتي الله يجزاكم خير كلكم وخصوصا اللي ردو امس ع النقش الزفت كرهته وكرهت الزفت اللي قالي حطيه
بنات قمة القهر من جاء من السفر قال شرايج تروحين عند اهلج اسبوعين قلت ليش انت ماوديتني وانت مسافر مخليني لحالي المهم فتحت الايفون دخلت الصور الا بنات متسدحات بنقش واشياء حسبي الله ع اللي ارسلهم
من غير البلوي اللي بالملاحظات والمصيبه ان اخوه اللي يدز البلاوي المهم مسحت نصهم والملاحظات كلهم وهو مايدري ولايعرف اني اعرف الرقم السري
قبل لايطلع تو قال جهزي اغراضج باجر نسافر للمعلوميه اهلي بالرياض بس نويت ماروح الا و اكسر الايفون مصدق نفسه 3 اجهزه الشخصيه المهمه
واكيد بيشوف الممسوح من جهازه
طلبتكم اكسر ه ولا شسوي ميته قهر معقوله يكون نقص فيني ولا مايملا عينهم الا التراب تكفون اللي تقرا الموضوع تساعدني هي فيني فيني السفره مع اليتم غربه واللي عندي قلبهم مافي رحمه

لا تكسرينه ولا شي
لا تبلشيين عمرج
اهل رياض اعرف اسلووب ازواجهم ميهمه زعلها
تركيه بسسس لوو صلتي بيت هلج علميه انج داريه عن الي شفتيه

ممم مادري يمكن كنتي منزله موضوع من قبل انا مو شايفته فما فهمت شالسالفه بلضبط .. بس ليش بتكسرين جهازه علشان لقيتي في صور بنات منسدحات و هلسوالف ؟ ..
ماعتقد تنحل الأمور جذي .. الموضوع يبيله تفكير و هدوء و سعة صدر مو شغل يهال اكسر تلفونه و يكسر تلفوني هلشي بيصغرج بعينه بس كلشي ينحل بلنقاش الهادي و الكلام المنطقي و الهدوء ..

الله يهدي سركم و يهنيكم و يخليكم لبعض انشالله ..

لاتكسرينه ديري بالج …زين ليش بوديج ماسالتيه ؟؟؟ الله يهديه يارب ويبعد عنه بنات الحرام

الله يعييينج لا تكسرين تلفونا. لا شي بكره يسويلج مصيبه أنا بوجهة نظري خلي يوديج بيت اهلج مدام امعزم يمكن يبي يسافر هني ولا هناك خليه يشتاقلج قبل ما يجي ياخذج تكشخي واشتري ملابس جديده واشتري قمصان نوم وحطيه مكياج ونقش وسشوار وتدلعي وعيشي حياتج اشرايج اوكي @@@@

الله يصلحه ويسخره لج ويعمي عيونه عن بنات الحرام

الصراحه والله أخوه مصيبه حمد الله والشكر لا تكسرينه لان لو كسرتيه بيشتري غيره وبجذي ما حليتي المشكله بس حاولي اتقطين نغزات وتبينين له أنج فاهمه ومو نايمه على أذونج واااااي الله يعينج بس أهم شي لما أتصلين تدعين له بالهدايه وأن الله يسخره لج

السلآم عليكم ورحمة الله وبركاته
أختي لاتكسرينه وتبلشين عمرج ولاتحاولين تبين له انج دريتي عن الموضوع
تدرين ليش عشان لو قلتي له راح يتماده وماراح يسوي لج اعتبار راح يقولي ايه عادي بتزعل يوم يومين و مردها لي..؟
تعآملي مع الموضوع ولاكانج جفتي شي..! ادري صعبه شوي بس اصبري ان الله مع الصابرين( وقومي قيام الليل وادعي في سجودج اللهم اني اسئلك رضاك اذا الله رضا عليج تاكدي كل خلقه بيرضون عليج وربي يبيسخرهم لج ( , واستغفري)
وحآولي تحتوينه قبل لاتحتويه وحده غيرج …!
مثل ما تكرمتي وقلتي جفتي صور بنات ومسوين حركآت ..؟ حآولين انج تقلدين نفس الي في الصور من نقش وحركات معآه
وتصدقي حتى لو كان بمبلغ بسيط بنية ربي يهديه واسئلي الله ان يريه الحق حقا ويرزقه اتبعاه وان يريه الباطل باطل ويرزقه اجتنابه ويسخره لج )
باذن الله بتتغير حياتج للا افضل

لا حبوبه لا تكسرين جهازه هذا مو الحل ادعي ربج يهدي و حاولي تتفاهمين معاه باسلوب حلو وبدون ماتكونين معصبه

وعسى الله يهديه ويصلحه ويسخره لج

ع الردوالله يجزاكم خير د
بس الحين اذا جاء وقال من ماسح الصور شقول اقسم بالله اني اكتب وارجف مو من الخوف لا من القهر ودبلت الجبد
زين وان رحت اكيد يبي ياخذ راحته ياربي بيتمي وبفقري اليك سخره لي وابعد عنه رفقاء السوء
حسبي الله ونعم الوكيل

الله يجزاج خير ويسخر لج عباده وربي قعدت ابجي لما قريت ردج

انا اقوووول حبوووووبه وجهيه وقووليله
لاتسكتين شنو يوديج اسبوووعين جذيه
وبعديا وجهيه علي الصووور
وركبي براسه ليما يبيعه

اعررف وحده بسم الله عليه
درت انه شاري
وزعلت عليه ومااكلمته ووقفت برائيه ليما باعه
فاانا انصحج لاتروحين لاهلج عقب لاتفهمي سالفة التلفون
والصوور
ولاتكسرينه لانج راااح تكبر مشكلتج
وش دعوووه خايفه وترتجفين
من القهر ولاتحرين نفسج هذولي ريااجيل
مايملي عينهم غير الترررراب
حتي لو تجرررررري جري الوحوش

ان كسرتيه شنو بتستفيدين؟

البلا بريلج مو بالتلفون

الله يهديه

اذا عالصور .. آغلب الشبآب تلفونآتهم تلآقين فيهآ هـ السوآلف ..!
بس ليش يبي يوديج لآهلج ..؟!
حبيبتي مآفي آحلآ من المصآرحه .. بس هآ اذا تقدرين تنآقشينه مآتكونين من النوع الي يقتنع ويسكت ويلآ ينآقش ..؟!

انا معا البنات لا تكسرينه ولا تبلشين روحج معاه الله يهديه بس لا اتروحين بيت اهلج واهو موجود خلج قاعده على قلبه