يابنات ابي مساعدتكم قبل صلاة العشاء بليزز موضوع هام بالنسب لي

بنات حماتي اخت زوجي من ابوه عازمتني على عشاء الملكة
وهذا اول ظهور لي بعد زواج زوجي علي
خايفه من نظرة الناس
وغيره طبعا سوف اقبل ام زوجي واخواته هن اللي سعوا وفرحوا لزواج زوجي
وهن عدوات لي
ولا اقدر اقبلهن
مدري
افكر اني مااسلم عليهن
واخاف من زوجي يسوي سالفه
واماابي اسلم لاني كرهتنهن
وش رايكم

روحي وكشخي احلي كشخه…. بس خلج طبيعيه وسلمي عادي وبيني لهم انج مهتزيتي ولا شي وبعديين اخته من ابووه حشمتج وعازمتج روحي…و لوو راده لهم كل يووم بيزوجونه علشان يحرقوون مرت ها الولد الفقيره
الله يسر امرج يارب

يااقلبي السلام لله
سلمي وصفي قلبج
مهما كانت العداوات خلج طيبه ترا الدنيا زواله
خليج كبيره بعين زوجج

لا والله روحي وكشخي واتزكرتي وحطي ريل على ريل
الحين فرصتج لان بيصير مقارنه بينج وبين مرته الثانية
بينيلهم انج الاحلى والاسنع
كسبيهم بالعكس
لان اذا كسبتيهم راح يوقفون معاج
واهم شي كسبي ريلج
ولا تخلين للثانية مجال تدخل حياتج وتستملك زوجج واهله
فرضي نفسج عليهم
انتي الاولى انتي المعززة المكرمة
ولا تدخلين عليهم بانكسار
بالعكس رفعي راسج وسوي نفسج مو مهتمة

روحي و كشخي و سوي نيو لوك و بطي عيونهم بعد خليهم ما يشوفون جدامهم

عادي روحي ووجبي اخت ريلج
وسلمي على خواته الباجين بحدود وطلعي حق الناس انتي مو اول وحده ولا اخر وحده ريلها تزوج عليها لا تحبسين نفسج
وكشخي بعد وحطي مكياج وغيري استايلج

روحي احلى كشخة واحلى ميك اب وشقي الحلج من الضحكة هذي فرصتج علشان تحرينهم وتاخذين حقج حسبي الله عليهن خرابات البيوت

اكشخي احلى كشخة وسلمي عليهم وخليج رسمية معاهم وبجذي راح تغثينهم لانج جبل ما يهزك ريح ومردة لج وابتسمي وحسسيهم انج سعيدة وقلبج بارد وعسى ربي يبرد قلبج ويسخرة لج ويرد كيد اعدائج في نحرهم
ورددي عليهم هذا الدعاء ( اللهم اكفني بهم بما شئت )

روحي وكشخي وسلمي عليهم السلام الرسمي وما عليج فيهم

مثل ماقالوا البنات روحي وكشخي ………………………خل أقول لج وحده انحطت بنفس موقفج اشسوت ………………………سلمت على عمتها وهمست باذنها من سوى سوي به !!! ونفس الشي لحمواتها همست لهم الدنيا حق ودين ومن سوى سوي به يعني قهرتهم وبنفس الوقت لو بيقولون لأخوهم محد راح يصدقهم لأنها دخلت وسلمت ومبتسمه وكاشخه لكن بالحقيقه قهرتهم

هذا وقته تبينين معدنج وانج طيبه وبنت اياويد وتعرفين السنع شلون ماتسلمين عليهم

سلمي واكشخي واضحكي معهم بعد << يرتفع ضغطهم بالمره ههههههههه

والله انا مع البنات قالولج روحي روحي وصفي النيه وخليج رسيمه حيييييييييييييل معاهم

وهذا واجب عليج تروحين اذا مو على شانهم لشان زوجج

يالله موفقه في الزواره

والله مدري وش اقولك الصراحه بس شوفي اذا انتي تحسين انك مو مرغوبه منهم لاتروحين خير شر اقعدي ببيتك احسن واذا العكس لاوالله روحي وخوي وحده من خواتك تونسك وتوسع صدرك

حبيبتي روحي وباركيلهم والبسي احسن شي عندكـ وحطي ميك اب
واشتري هديه كبيره او حلاو واهديه للعروسه
وسلمي عليهم
وخليك طبيعيه ولا كان شي صاير
والله كذا حدهم ينقهرون

وخوي=خذي