|
|
السلام عليكم
بنات هذا رابط مووضوعي اللي قبل محد راح يفهم كلامي الا اللي تقراه وفاضيه لول
ادوس على كرامتي؟ ولا اسامح
بنات مثل ما قلتلكم انه حماي تكلم بشرفي وخالتي اللي اهيا امه اهيا اللي قالتلي عن الكلام اللي قاله
دقت علي اتسولف جان اتقولي اي يحليليه فلان اللي اهوا حماي بنسميه خالد سوالي ويابلي وقعدت اتسولف عنه بنات انا انقهرت يعني قبل جم يوم اتقوليني خالد متكلم عنج ويقول انج بنت شوارع الحين اتسولفين عنه وعندي انا شكو فيه انا مو شايفته الا بالعرس ولا اعرفه قلتلها خالتي عفيه لاتيبين طاريه جدامي سولفي عنه عند احد غيري
جان اتصارخ والله عاد هذا ولدي واللي مايحب ولدي يعني مايحبني جان ترقعه بويهي
ياربي يعني اهيا تسولف عنه انا شقول يحليله والله خوش واحد واهوا متكلم عني؟ ولا انا طوفه ما عندي احساس اهيا امه ما اقدر اغلط عليه جدامها فقلتلها لاتييبين طارييه
جان ادزلها مسج قلتلها خالتي ولدج تكلم عن شرفي وانتي اللي قايلتلي هالحجي انا ماغلطت عليه بس ما ابي اسمع طاريه ولا ابيه يسمع طارييي لاتسولفين عني عنده ولا تسولفين عنه عندي
المهم اهيا منفصله عن عمي جان اتقولي لا والله وليش ماتروحين تقاطعين ابوه حتى ابوه كان مايبيج
قلتلها والله عمي ريال كبير وانا محترمه انه اهوا بدوي وله عاداته وتقاليده وله خبرته بالدنيا ولمن ما رضى على زواجنا ماكان يعرفني والحمدالله الحين حبني ويسأل عني وحب اهلي وغير فكرته بس ولدج اللي ليلحين يتكلم عني وعن شرفي وانا على ذمة اخوه
خلصت السالفه على جذي هالحجي قبل اشهر
وردينا انكلم بعض عادي عقب ما قطعنا جم اسبوع
طبعا ما يازت ظلت تسولف عنه وكلمن زرناها قالت خالد وخالد خالد راح وخالد رد انا سكت قلت ختسولف خلاص انا عقب ما اسمعت كلامكم ما قام يهمني كلامه
عمي الله يرحمه ان شاءالله صار فيه غرغرينا ودش المستشفى العنايه وكنت ازوره كل يوم انا وريلي
طبعا كل مره انصادف اخوه لاتشوفون اشلون يخزني والله اني خفت نظراته اتخرع جني قاعده امشي مفصخه نظرته وصخه على احتقار على مادري شنو
انا البس عبايه وحييييييييييييييل وسيييعه بس مو متنقبه ومرته نقاب بس عبايتها ظييجه استرج وماشاء الله خلفيتها واااااااااايد كبيره وعبايتها لمعه وفظيحه لمن تمشي بس كيفها الله يحاسبها انا مالي شغل
المهم ما سلم علي ولا جني موجوده وانا طاف ياربي شكو فيه يايه ازور عمي
اي ولمن ودو عمي الجناح لمن ادش الغرفه عند عمي اهوا يطلع جنه شايف يني وهم مايشوف شر
عمي حبيبي توفى الله يرحمه يااارب صج كان طيب
وييت العزا طبعا
دش علينه الصاله كنا انا وامه
امه منفصله عن ابوه بس طبعا يت العزا
بنات فشلني دش جان اقوله انا عظم الله اجرك آخر الاحزان ان شاء الله حقرني جان يطالع امه جان يقولها السلام عليكم يعني بس السلام حق امي بنات انا حساسه والله لاشعوريا رحت الحمام ابجي انحرجت حدي عمري محد عاملني جذي
هم سكت شقول بالله كيفه
بنات انا ريلي بدوي واهله كلهم بدو حيل والنعم فيهم
بنات عمه ماشافوني من العرس فقاعدين يطفروني كل شوي وحده فيهم اتقولي بنوديج البر تحلبين بعير واللي تقولي بنلبسج برقع
وجذي يعني سوالف ظحك وانا قاعده اظحك وعادي
امبيه لاتشوفون مرته شتقول اهمه يطفروني وانا اظحك واهيا تظحك علي بصوت عالي جنه استهزاء انا انحرجت حسيتهم كلهم علي ويهي قام يقط الوان انا حتى اساميهم ما اعرفهم واهمه ماقطو براقعهم حتى بالعزا فمااقدر اثبت منو
وتخيلوو اهمه يتغشمرون عادي بس اهيا جنها ناقده اتقولي اي البرقع ستر ستر شنو يعني انا مفصحه انا ماقدرت اتكلم خفت اقط كلمه غلط واهمه قاعدين يتغشمرون
بعدين حطو العشا اهمه كلهم بصحن واحد الكبير وقاعدين ياكلون بايدهم انا ابوي الله يرحمه واخوي ياكلون بيدهم عادي بس انا ما اعرف ولا مره جربت وماحب اكل من احد بصحن واحد
وقاعدين هم يطفروني عطوني صحن بروحي وكل وحده اتقط علي لحمه بايدها واهيا ماكله بايدها بنات انا ماقدر اتلوع جبدي ياربي ناس ما اعرفهم
واهيا تظحك بصوت عالي حسيت جني جلب حشاكم يقطونله الاكل
اهمه يهبلون ادري يتغشمرون بس اهيا حركتها كان حقيره سألوني شنو تلبسين لمن اتروحين البر جان اقولهم ترييننق جان اهيا اتقول بصوت عالي احنا عندنا عيب البنطلون حق البنيه
ياربي انتي شكووووووووووووو ريلي راضي مالج شغل انتي والبر احنا انروح مع اهلنا مافي احد غريب وريلي رااااااااااااااااااااااااضي
امبيه سوري سوري وايد قرقت
الحين اللي ابيكم فيه الموضوع الاساسي ادري بتطقوني.gif "Eh S(4)")
بنات انا كرهتها نفسيتها خايسه وتطالعني من فوق لي تحت حتى امي وخالتي ما ارتاحولها لمن شافوها بالعزا قالولي شفيها جذي تطالعج
بنات اهيا استغفر الله جيكره اشويه عليها اللهم لا شماته
ولمن شافت صوري بملجتي اهيا ماكانت حاظره
خالتي دقت علي الفير قالتلي اقري على روحج المعوذات انا وريت صورتج حق مرت خالد واشهقت قالت يمه تاخذ القلب
المهم للمره المليون
خالتي وايد تسألني متى اتخرج تبيني اتوظف مادري منو شاكيلها الحال حتى ريلي معصب من أسألتها
دقت علي سلمت عالسريع جان اتقولي متى اتخرجين قلتلها هالكورس ان شاء الله ليش جان اتقولي مرت خالد تسأل كانو عندي وقاعدين انسولف عنج جان تسأل
انا انقهرت جان اقولها وليش تسألج ليش ماسألتني بالعزا واهيا شعليها انا متى اتخرج
وقلتلها خالتي الله يهداج انا قلتلج لاتسولفون عني ولاتسولفينلي عنهم جان اتقولي يبه احنا آسفين ماراح اسولف معاج عن شي مره ثانيه وكيفج وانتي بعد لاتسألين عنها قلتلها انا متى يبت طاريها من كثر ما حبيتها يعني
جان اتقولي لاتحبينها كيفج وبس خلاص يلا انا تعبانه
للعلم بنات انا وياها ملجنا بنفس الاسبوع بس اهيا تزوجت وانا تزوجت عقبها اب 4 اشهر يعني دخلتها كانت قبل
واهيا طولت 8 اشهر على ماحملت وانا حملت قبلها بشهرين وانا ولا مره سالت خالتي عنها اذا حملت ولا لأ
واهيا كله تسال خالتي عني حملت ولا لأ معني شهرين من زواجي وحملت الحمدالله مادري شتبي
الحين انا وخالتي ما انكلم بعض
وريلي يقولي تبين الصراحه جذي احسن واريح امي مادري شفيها الله يهداها
بنات انا على وي ولاده
شنو اسوي
ادق عليها اكلمها ولا خلاص اخليها واسوي مثل ما قال ريلي جذي احسن ؟
سوري طوولت
عليكم ببس حبيت تفهمون موقفي اكثر
وسوري عالبدليات
وعظم ااالله اجركم في عمك عساها اخر ا لاحزان يااارب
ااماا عن حماك وزوجته .. ف انااا اااقول لك طاااااااااااااااااااااااااااااااااف من قلب وخللك بعيييدة ورسمية حيلل معااهم وحمااك وربي حقير وبتشوفين حوبتك فيه ..ترى رمي المؤمناات المحصنات ذنب عظييييييييييييييييم حسبنا اللله ونعم الوكيللل .. كللنا واحد جداااام ربنا . لا فرق بين عربي ولا اااعجمي الا بالتقوى. بشوف شلون بداوته بتنفعه يوم االحسااب. ااماا زوجته والضحك ااالمفتعل ف هذاا دليل وااضح اانهاا تبي تحسسك بعكس ااالي اانتي فااااهمته. يعني ااانتي كنتي تضحكين ومستاااانسة وعلى اسااس غشمرة معااهم .. بس هي تعبت نفسهاا عشااان تحسين اان ا لموضوع ترى طناازة وضحك عليك ومو معاااك . ربي يهديهاا لا تلومينهاا وغيرة االحريم شينة اللهم ياكااافي . خليهم اوت من حياتك . ولا تزعلين ترى انتي عملتي باااصللك .. واجرك عند ربك حبيبتي .
. واام زوجك لا تقطعينها خير شر . ااتصلي بين وقت واالثانيي ساالي عنهاا . من باب الواجب وعشاان مااا تكونين مقصرة في حق ربك . بس بعد خلك رسمية معاها .. لااا تعطينها اخر الاخبااار وحتى لو سااالت غيري الموضوع .. ولا تطولين معاااهاا بالكلام . بس ااسئلتهاا كلش ما لهااا معنى ولا منطق. و زوجة خالد شعليهاا متى تتخرجين . !!
وااانتي حبيبتي .. عليك من زوجك وبيتك .. لا تدخلين ااحد بحيااتكم لا مشاكل هله ولا االماضي . وابتعدي عنهم بس خلك حريصة ان
زوجك يواصـلهم وما يقطعهم .. لا تنسين ترى االدنياا دوارة .
وقولي الحمدلله ان ربي رزقك بشخص يعوضك عن االلدنياا وماا فيهاا . ولا االنااس لايهمونك داامك ااانتي وزوجك مع بعض وبخير .
ربي يهنيكم ويوفقكم ويسخركم لبعض ويبعد عنكم شياطين الاانس والجن.
والله يسهل ولادتج ويهون الطلق ان شاءالله
واذا على مرت حماج وحماج حبيبتي والله اكبر طااااااااف ولا جنهم موجودين اذا اهما مايبونج بالطقاق لاتعبرينهم لأنهم ماعبروج و اهيا تسوي جذي مبين انها محتره وعلى خالتج اللي قالج عليه ريلج سويييييه لأن اذا صارت سالفه بيقول انتي رحتي وكلمتيها وانا ماقتلج خلج مثل ما انتي وبس والله يوفقج حبيبتي