عندي مشكلة و مالقيت غيركم :(

يبيلج دروس برمجه لغه عصبيه عشان تقدرين تسيطرين على نفسج وقت الغضب,,,,,,,,,,,,,دوري بجوجل

والله ما ادري ان شاء الله البنات يفيدونچ

حبيبتي عيزت من هالدروس ماكو فايده

الا بذكر الله تطمئن القلوب

عليج بقراءه القران وخاصه سورة البقرة

واكثري من الاذكار والاستغفار

الله يتمم عليج زوجج ويسعدج ويهنيج

الحياة ما تخلي من المشاكل

وساعات نفقد اعصابنا وواضح انج ما قمتي تسيطرين على نفسج

للرسول صلى الله عليه وسلم نصيحه لمن يعضب وهي

1 – الاستعاذه من الشيطان الرجيم

عن سليمان بن صرد – رضي الله عنه – قال : كنت جالساً مع النبي ـ صلى الله عليه وسلم ـ, ورجلان يستبان, وأحدهما قد احمر وجهه, وانتفخت أوداجه , فقال رسول الله صلى الله عليه وسلم :" إني لأعلم كلمة لو قالها لذهب عنه ما يجد, لو قال : أعوذ بالله من الشيطان الرجيم؛ ذهب عنه ما يجد" فقالوا له : إن النبي صلى الله عليه وسلم قال:" تعوذ بالله من الشيطان الرجيم " (رواه البخاري, حديث رقم 3282, ومسلم , حديث رقم 2610).
وعن أبي هريرة – رضي الله عنه – قال: قال رسول ـ صلى الله عليه وسلم ـ : "إذا غضب الرجل فقال: أعوذ بالله سكن غضبه" صحيح رواه ابن عدي في الكامل , انظر(الألباني , 1408هـ, ص180).

2 – أن يتذكر الأجر والثواب فيمن ضبط نفسه وكظم غيظه

3ـ السكوت عند الغضب :
عن ابن عباس ـ رضي الله عنه ـ ، قال : قال رسول الله ـ صلى الله عليه وسلم ـ : " علموا ويسروا ، علموا ويسروا ، ( ثلاث مرات ) ولا تعسروا ، وإذا غضبت فاسكت ( مرتين ) " . ( أخرجه البخاري في الأدب المفرد ، صحيح الأدب المفرد ، ص 109 ، 501 ).

4ـ تغيير الهيئة .
فإذا كان الإنسان قائماً فليجلس , وإذا كان قاعداً فليضطجع , وإذا كان يتكلم فليسكت ؛ لأن تغيير الهيئة في حال الغضب تساعد في زواله . ولقد أرشد إلى هذا النبي ـ صلى الله عليه وسلم ـ .
عن أبي ذر – رضي الله عنه – قال : قال رسول الله ـ صلى الله عليه وسلم ـ " إذا غضب أحدكم وهو قائم فليجلس ؛فإن ذهب عنه الغضب وإلا فليضطجع " . رواه أحمد,. وأبو داود , وابن حيان , وصححه الألباني (1408هـ, جـ3, ص180).
وعن عمران بن حصين – رضي الله عنه – قال : قال رسول الله ـ صلى الله عليه وسلم ـ ، :"إذا غضبت فاجلس" (رواه الخرائطي في مساوئ الأخلاق وصححه الألباني "في صحيح الترغيب والترهيب , جـ3, ص180).

أتمنى انج تطبقين بعض هالنصايح وان شاء الله انها تنفعج

اسمها دروس برمجه لغويه عصبيه مثلا فيه حركات تسويها مثلا تجيسين نبض ايدك وتقولين كلمات عشان عقلك الباطن يستوعبها ,,,,,,,,,,

انا مره سمعت فوزيه الدريه تقول اللي عندهم مشاكل ثقه يسوون حركه معينه وهم يقولون كلام معين يستوعبها المخ ووايد تنفع ,,,,,,,,,,عن تجربه بس بالنسبه للعصبيه مادري

اسمعي قراان على طوول والله يخليكم لبعض يارب

حبيبتي رحت عند الكتور مختص بالهشي وسوالي تقريبا 6 جلسات بدا معاي من اكتشاف الطاقه الكامنه

لما جلسات تنويم مغناطسي عشان يبرمج عقلي عالهدوء بس بدون نتيجه

شفي استشاري نفسي حالتج عصبية

تعوذي من الشيطان

ودربي نفسج ان انفعالاتج تحاولين تكتمينها

عشان ماتخسرين زوجج

ترا الزوج يمل

تدرين لو انا مثلج

والله كان زوجي طلقني من زمان

بس ماشاء الله عليه زوجج متحملج عسى الله يخليه لج

شفت حبيبتي بس ما استفدت كلش

عليج بالاستغفاااار وكثري من لا حول ولا قوة الا بالله وقراءة القران وبتشوفين النتيجه بلا دكاتره بلا هم
والله يساعدج

الله يعين ريلج عليج
شنو تكسرين !!! هذا بيتج يا حظي
شوفي انتي لازم ضروري وحيل بعد تشغلين قران وحبذا لو سورة البقره
لا تزعلين مني سووووري
يمه
يمه
لا تطقيين

عادي انا اشوف ان حياتج جدا طبيعيه عادي ياقلبي
اصلا ظروفج تشبه لحد كبير ظروفي الفرق انا ريلي عصبي بعد مثلي وازود لكن اللي يعصب بالاول الثاني ببرود يتعامل معاه ..
المهم وين مشكلتج انت نفسيا يعني تعبانه من طبعج هذا
انا اشوف انها حاله طبيعيه مضايقه من شي ؟؟ يمكن وحطيتي حرتج بالموقف هذا … عادي ياروحي والله عادي الله يديم عليكم الحب والحنان ……
بس ودي اقولج شي ليش سويتها مشكله وبجيتي كل هالبجي والصراخ …عيللو قالج وين حطيتيه شنو بتقولين …
لا تروحين بذاك الراي ان فيج شي او عين لاسمح الله ترا الكل عايش وكلن لاهي بمشاكله وامور دنياه واللي يسر امرج بهالسنين اللي فاتت اكيد بيحطكم بهالموقف يختبر صبركم ….. تكفون مو كل شي يصير نقول عين مع انها حق ولا كل شي معناه *** والعياذ بالله ..
يمكن لخبطه هرمونات تراها عادي تصير … برمضان اللي فات انا اول اسبوع اشزيني واشحلاتني والاسابيع اللي وراه انقلبت فوق تحت …. لا لي خلق اطلع ولا لي خلق اتابع شي وكله ملل بملل الحمدلله اني كنت على صلاة وعباده والا كان ينيت بعد …. والله حتى العيد ماشريت لنفسي شي واخر يوم برمضان شريت لبنتي وولدي للعيد واذكر قبل الفطور رديت البيت من الافنيوز وطالبه فطور من برا … لو كان رمضان 29 مايعيدون بملابس توني شاريتها وكله اقول عندهم ملابس ليش اتشرى …
وشنو السبب …… السبب كنت ابي اروح للعمره واخذت حبوب ترفع الدوره وانا اصلا عندي لخبطه بالهرمون … خربطت لي نفسيتي بعد …. واخذتها قبل لا احج ونفس الشي بعد مارديت من الحج …………. بس عرفت انهم سبب بعصبيتي وضيقه خلقي ..
حمدي ربج واستغفريه وان شالله مافيج شي ويااختي مو بس ريلج وعيالج يحبونج حتى احنا نحبج بعد ونبيج تفرفشين معانا وتردين وتمدين ايد العون لللي مشاكلها اكبر واكبر من جذي …..
طالعي المنتدى وانت تعرفين ان البنات لو ما يحبونا ما يطرحون مشكلتهم …. واحنا لو مانحبهم ما نرد ومن يقول يمكن نحتاجهم بيوم الله لا يقوله الا بالخير ………
ربي يحفظج اكثري الدعاء والصلاه والاستغفار وماعليج خلاف ان شالله