|
|
السلام عليكم
اشلونكم بنات شخباركنم فديتكم كلكم
بنات بقولكم عن خالتي وحركاتها العجيبة الي ما ادري اشلون صايرة
يابنات اهي زينة معاي ليلحين ماحاشني منها موقف قوي
بس في شغلات تسويها وايد تنرفزني
وانا احبها صدقوني لان اموت في ولدها
بس وايد كشيت منها في مواقف اصدمتني فيها ايام الملجة بس ظليت خايفة منها
المهم اخر فناتك خالتي ام ريلي
تخيلوا يابنات ان بعد عرسي بيومين بطلع مع ريلي وانا توني عروس
مطرشة لناحماتي الصغيرة وتقوله ودها اشتر لها اغراض حق المدرسة (حدي انصدمت)
وانا ساكنة عندها بنفس البيت بس مدخلي معزول تخيلو يابنات لما اقعد معاه بالليل ساعة 12 تتصل تقوله روح الجمعية اشتر لاختك كاكاو كندر.gif "Eh S(10)")
وكل يوم على هالحالة يبلها وسو لها
ماتراعي انه متزوج وانه ملتزم مع زوجته
والمشكلة الاكبر والامر ان عنده اخوان مو متزوجييييييييييييييييين وماعندهم لا شغل ولا مشغلة
المهم
تخيلوا يا بنات بطلع مع ريلي بروح السالمية جان تتصل تقوله روح السالمية ييب الخدم معاك لانهم بالسوق يتسوقون وارجع البيت قطهم طبعا بغيت اموت وقتها
تخيلوا اربع خدم مقعدهم بالسيارة وري ورايحين ورادين
واخته مرة رايحة بيت امها تخيلوا حاجزين انا معاه سينما تتصل عليه تقوله روح بيتنا اللي باخر الدنيا وييب معاك خدامتي لاني محتاجتها والمشكلة ان اهي عندها سايق
حدي يا بنات متنرفزة من هالحركات
تخيلوا ادخل الحمام واطلع ما الاقي ريلي اتصل عليه يقولي رايح الجمعية اشتري كتكات حق اختي
يعني مو عيب عليهم يقومونه بعز الليل واهو قاعد معاي وانا عروس عشان كندر وكتكات
شسوي يابنات ابي حل 
بس والله مو غشمرة صج
ليش ماتشترين كرتون كتكات وكندر وتخشينه متى ماقررت تطلعة طلعي حق حماتج الصغيرة من كل شي حبة وخليها تسكت
شرايج بالفكرة الجهنمية
^^
^^
نفس راي السكرتيره اشتري كرتون كندر وكتكات وخشيهم عندج واشتري كرتون جلكسي اخاف تبي تغير لوووول ولاتقولين انه عندج كرتوون عشان مايغيروون الطلب
الله يعينج
شريت لها جيس الكاكاو الي يصير صغير وفيه كتكات وسنيكر و بونتي
بكل وقاعة تقوله ابي الكبييييييييييييييييييييير ابي اكبر شي هذا ماحبه
المشكله يا بنات ان البنت عمرها 11 سنه ووزنها 75 والله حرام على امها الي قاعدة تسويه في بنتها
يليت سالفتي مع اهل زوجي كندروكتات كان اترسلهم الثلاجه بدون تردد والحل قالته الاخت لك مالك الاتجيبين وتحطينه بغرفتك
شكلها ناطره تنبطين علشان جذي لا تعطينها الي تبيه
حقريها و ضحكي و على طلبات اخر الليل لومي ريلج شنوو ما عنده كلمة
خل يقولها انا معرس وبالليل مشغول مع مرتي
واذا طلعتو طلعو بسكات ولا اذا اتصلت حقروها
يعني حرجوها شوي
ولكن لله الحمد ما اثر على علاقتج بزوجج
بالنسبة لحماتج الصغيره
يبا اشتروا لها كراتين خل تطفح منه
ولما تطلعين مع زوجج سكروا النقال لزوم الخصوصية
وخل زوجج يتعلم انه يصير عنده اولوليات للطلبات
يعني فيه اهم -مهم -مو ضروري
الشي المهم ممكن انجازه وقت طلعتككم
والباجي يتأجل عقب طلعتكم
وبالنهاية اقولج
اذا الامور بينكم بهالمستوى قولي لله الحمد
بسيطه اهون كثير من المشاكل الجايده
فوفو
هاذا اللي يقولون طرار ويتشرط هاذي زين مايجيها مرض السكر من هالي تبلعه الشره على زوجك بس شكله خاروف امه نفس اللي عندي
تييب لبنتها الامراض من الحين
واعليا الياهلة ..
الصراحة مادري شقولج
بس الله يعينج على مابلاج
بس شنو راي ريلج مايقول شي؟
و اذا تم ساكت بيتمادون اكثر
بس مرات الواحد يصير عقلاني مو بليل اقوم الجمعيه اجيب حلويات
وعمج وينه؟؟؟؟؟؟؟؟؟ الظاهر تغار
طنشي ومرد ولدها بيمل من الحركات
اتفقي مع ريلج ان بعد الساعه 11 بليل تخلون تلفوناتكم سايلنت لو منو يتصل عليكم لا تردون تحججو بالدوامات و انكم تنامون مبجر و اتفقي مع ريلج ان نحد فيكم يرد على اي احد سواء كان اهلج او اهله علشان لا يزعل و يقولج بس اهلي انا اللي ما ارد عليهم و انتي بعد
حاولي انج تنصحين خالتج بالنسبه لبنتها حرام بهالعمر و متينة حيل بعدين يجيها مرض السكر و اهيه صغيرة بالعمر
مسكين ريلج اللي يسمع كلامهم بكل شي
بس معقولة ما طقت جبده من مشاوير الجمعية ، ولا أهو يحب المطراش ؟؟؟؟؟؟
بس والله أحسن حل إذا صرتوا مع بعض بأي مكان أو حتى بالدار سكرو الجهاز
عشان محد يطلبه شي ولا يخربون عليكم الطلعة