خطه جهنميه تخلي زوجك يموت من الغيره وانت تنغرين (:

اليوم طالعه انا وزوجي نتمشي بالفنار وتعشينا وطلعنا واحنا راجعين بالسياره ولا داق عليه رفيجه يقوله يا بختك معرس (( قولو ماشاء الله )) ويتحرش فيه ها شهالرومنسيه وشهل النفس الحلوه وينها بالدوانيه من قدك ياعم طبعا طلع ولد عمه الي قايله وشايفنا اهني طرتة علي فكره ودزيت حق رفيجتي قتلها تكفين بدزلك مسج وارجعي دزيلي اياه نفسه ؟؟؟؟

كتبت (( وصلني كلام انك مع زوجك اليوم بالفنار وعلقو انك حلوه وجذابه وتلفتين النظر بستايلك ورزتك وزوجك كانه اخوك الكبير حتي شكو انه ماخذك عروس علي زوجته ))

طبعا لما وصلني قلت امبيه )))))) شوفو الخبث واااي شوف شكاتبتلي رفيجتي وخليته يقري
هههههههههههه مسكين قام يناديني يعروووس يبيبي وحدي كشخت واهو يمدح وطيرني بالسما والله كان نيتي اقوله مقلب بس لما شفت كل هالمدح قلت خله يحس بجمالي

تري والله كذب ابيض ولا ضريت احد فلي حابه تسوي بهارات بحياتهم الزوجيه اي يوم تطلعين مع زوجك كتبي الي فخاطرك حق رفيجتك وقوليلها ردي دزيه مسج وشوفو شلون المدح بيصير علي سنع وانت يحقلك ساعتها تنغرين