|
|
مشكلتي اهي اني تعبت من التمثيل يمكن تستغربون او ما فهمتوا قصدي….القصد انه طبعي كتومة جدا في مشاعري السلبية يعني اذا كنت متضايقة او مكتئبة ادوس على نفسي جدام التاس اكون مبتسمة ومفرفشة وفي احسن حالاتي لكن من داخلي نيران تغلي في صدري….. وتعودت على جذي ،،،، او ساعات اكون متهاوشة في البيت او في السيارة وادخل عقبها مباشرة عند حمولتي او اهلي والابتسامة شكبرها والوضع تمام والحالة مفرفشة ….علشان جذي الكل حاسدني و يظن اني في سعادة وهنا ما يخلص في حياتي بس ما حد يدري بالنيران في قلبي …يمكن في البيت اطلع حرتي واصيح بس ساعات اتعب اقول خاطري اكون على طبيعتي يعني اذا متضايقة على الاقل اكون ساكتة مو شرط امشي واتهاوش مع خلق الله مثل غيري …..هالشي قاعد يأثر وايد علي لاني الحين قاعدة اطلع حرتي في الاكل ووزني قاعد يزيد بسبب اني مو متعودة اطلع اللي بخاطري من ضيق لانه دائما اقول الناس مالها ذنب انكد عليها مثل ما اشوف غيري يسوي اذا حتى وجع راس تنكد على الكل …قعدي في بيتكم وفكينا
كلامي يمكن مخربط بس احس نفسيتي زفت
بالعكس !
في ناس و بنآت انا آعرفهم ودهم يصيرون مثلج : ) !
و انا وحده تقريبا نفسج ! بس مع زوجي لا طبعا اذا متضايقه يعرفني من عيوني
و اذا مستانسه هم يعرفني من عيوني : **
ترا هالطبع حلو وآيد لا تغيرينه 
هذا باختصار كوني نفسج او كوني الشي الي انتي تحبينه ولا يهمج الناس لان الناس مهما سويتي ماراح ترضين احد وليش تكابرين وتمثلين
لو متضايقه من احد قوليله وقطي بالويه لا تخلين بقلبج ترااااااااااااااا بيصير فيج امراض من هالطبععع
وطنشي ترا صج صج صج ماكو احد مرتااااااااااااااااااااااااح
دمعة مني وابتسامة مني
تقولين فيني انفصام بالشخصية مو صاحية
بس شنسوي ولا حجي الناس
ويقولج يا خلي لا تشكي همك لكل مخلوق
في من يفرح لي شافك مهتم ..!!
يعني الشكوى لله بس
والي اثق فيهم من رفيجاتي
اما الباجي ضروري نجاملهم لو كل واحد بيقابل الناس بنفسيتة كل الدنيا مكشرة
بس مرات ما اقدر تصير صج نفسيتي خايسة ولو يحوشني اي احد اتناجر معاه واطالع الناس من فوق لي تحت .gif "Eh S(14)")
واتأفف
اطلع حرتي بنضراتي.gif "Eh S(2)")
اذا قمتي بنفسج وكودتي شي على شي بييج يوم تنهارين .. وتنفجرين واي شي لو بسيط ينرفزج .. بالعكس حلوو انج تكتمين اشياء وفي اشياء اذا متضايقه شاركي الناس فيها … شوفي منو عندج قريب وفضفضي .. امج اختج الناس الي يوقفون معاج وعمرهم مايقلبون ضدج .. زوجج بعد …
فضفضي حق ناس وكتمي عن ناس …
حلو التوازن بكل الامور
بس انتي سوي لج نظام غذائي وامشي عليه
واذا تبين تطلعين حرتج خليها بالسووائل حليب عصير كووفي من هالحجي ،،
كالشمعه التي تحترق
تنوًر للغير وتحرق نفسها
كنت مثلج وقدرت اتغيًر
افضل شي للتخلص من المشاعر السليية
هي التعبير عنها لفظي
سواء بالنت او بالموبايل او لصديقه
بمعنى الفضفضه
جزء كبير من الحل
فوفو
بس بقولج شغله وحده بس الكتمان سبب الامراض الي انتي بغنى عنها نفسي لو شويه
ترا الكل بيفتح قلبه لج
او لخواتج الكبار او امج ترا مو زين الكتمان والتحمل لأن في وحده بعيد الشر عنج من كثر ما تكتم وسااكته على كثر القهر اللي فيها انفجر عندها عرج داخلي وصار فيها نزييف حااد وطاحت بغيبووبه وهذي قصة معروفه ومنتشره هني بالنت وهذا رابطها الله يسلمج
اهم شي انتي الي تحسين فيه طلعيه يعني ان عصبتي طلعي عصبيتج وان كنتي مستانسه بيني وناستج لان اذا تميتي بهالحاله راااح تتعبين واكثر
بس ملاحظة ترى انا حرتي وضيقي اطلعهم ساعات بس تكون على زوجي مسكين الله يعينه