كرهت العطل والسبه زوجي

اشلونكم كويتيات

بدش بالموضوع

زوجي راعي بر درجه اولى تخيلوا كل نهايه اسبوع قاطني عند اهلي و رايح المخيم والحين بالعطله رايح مو جاي الا ليله الوقفه بليل شوفو جم يوم مخليني وانا مره عندي دوام يعني ما استانس معاه بالعطل كرهت العطل والسبه اهو قولولي شنو الحل؟ واذا ناقشته يقولي انتي ما تبيني استانس؟؟؟؟؟؟؟؟؟؟؟

عندج وعندنا خييييييييييير

بس انا قاعده له قعده مثل العظم بالبلعوم ههههههههه

الله يعيييييييييييييييييينج

حبيبتي ارسلي له مسجات شوق

وقوليله ياشين البيت بدونك .. ومن هالكلام

وعساه يتشفق ويجي ..

والله يهديه يارب

ههههههههههه كلنا مثلج

وفوق هذا بعد يخرب نومه وينآم متأخر وغير السهر يالله من فضلك
مآيرد الا علا وجه الفجر

اهو مو سالفه يتشفق اهو يحبني واحبه بس اهو قناص عنده طيور ومخيم وهاذي هوايته بس انا تعبت منها .

يوبا خليه يروح ويستانس وانتي روحي طلعي مع ربعك واهلك ..عادي اذا طبعه جذيه ما تقدرين تغيرينه والله احسن من خرابيط وسوالف بنات

‘انا اقول لا تعلقين على روحته المخيمات ولا شي ثاني في حريم مساكين رياييلهم يروحون اوصخ الاماكن واهما مو قادرين يمنعونهم او يسوون شي والريال ما يتحمل الحكره بالبيت ينفجر صدقيني انا اشوفه السالفه عاديه
تدرين ريلي وين يتيمع مع ربعه ؟؟؟ كل يوم بالمجمعات بعز الزحمه الافنيوز ومارينا واقوله انا مو متقبله هل شي يقولي تبين اقول حق ربعي زوجتي ماترضى اقعد مناك غيروو مكانكم ؟؟ انا اقول حمدي ربج شي اهون من شي ولا كل بين فتره وفتره يروح ويسافر صدقيني الريال ما يتحمل ينحكر خليه بلبر ولا شي ثاني

الله يعيينج ويصبرج واشوه انه البر مو شي ثااااني الحمدلله

والله يهديه

قوليله اسبوع طلعه انا وياك اسبوع حق ربعك

او مثلا خميس بر وجمعه طلعه معاج او العكس

انتي كل مره لما يروح اتكلمينه وتقوليله وتزعلين صح __ او حتى تتنرفزين صح

جربي اسلوب البروح خليه يتحرقص يفكر شفيها

اذا قال لج بروح البر قوليله اي توني بقولك قطني بيت اهلي ودي اقعد معاهم

ولا تسألينه متى بترد

واذا قعد يوم او يومين قوليله ويي ليش ما طولت كان ودي اقعد زياده ابيت اهلي وناسه وضحك وتغيير جو اذا قالج هاا لايكون تبين الفكه مني قوليله حشى والله مابي الفكه بس احب القعده ابيت اهلي

واذا كنتي من النوع اللي ادقين عليه وادزيله مسجات >> غطي مره وحده اذا قالج وينج ما سألتي قوليله حبيبي ما حبيت ازعجك قلت اخليك على راحتك وبسس لا تكثرين حجي

خلج غامضه خليه يفكر شفيها خليه بينه وبين نفسه يقول اشهالتغيير لا يكون روحاتي خلتها تتعود عالقعده بروحها

يعني الزبده حرقصي قلبه خليه يفكر يعني تغيري 180 درجه عشان اتصيرين تفكيره وشغله الشاغل

أما باجي الطرق : سوالف ادزيله مسجات وسوالف تزعلين سئلي امجرب هالسوالف تأثيرها ما يطول مرده بيراضيج ويرد حق طبعه
جربي طريقتي وان شاء الله تنفع

مستحيل يتغير خلاص هوايته …….

الـحاال من بعضه وياليت على البر بس
الدواانيه بكبرها ودي افجر فيها

انا والله نفس الشي مايطلع ايام اخر الاسبوع ويقولي ماحب الزحمة مشاكل ومسخرة الشباب كل مرة جذي واذا يبي اطلع معاه يطلعني من الصبح او الفير