اشياء صح سويتيها بحياتج الزوجيه ؟

توني كنت قاعد اقره هلموضوع

اكبر اخطائج بالحياه الزوجيه

وبصراحه ردود البنات كلها سلبيه وتضيق الخلق

والحين ابي العكس ابي اعرف شنو الاشياء الي سويتيها وانتي مستانسه فيها الحين

ايجابيات حياتج الزوجيه

لا يمكن اسلمه بطاقتي البنك

وعلمته انه عليه المصروف وانا مساعده بس ..

ومن غير ما يحس اجيب اللي ناقص وهو على باله للحين ما خلص

اللي اشتراه ..لوووووووول

على شان اذا درى راح يعتمد علي ..

Up

up

فووووووووووووووووق

انا بعد كنت اقرا هالموضوع وشوي وابجي لان جم غلطة
بس الحمد لله انه الشي اللي سويته صح اني ما طيييحت الميانه مع خواااااته وامه متوفيه الله يرحمها
بس خوااته احااجيهم رسمممي وربي يا بنات اني مرتاحه من هالناحية
والشي الثاني انه فلووووسي ماله شغل فييهم عرفتو اول ما تزوجت مسكين كان يسال انتي اي بنك عاد اعطييه ذيج النظررة كااااك يعني شكو
وانه اذا جات سالفه ان وحدة عطت زوجها فلوسها اقووله شنو هذا مو رجال ما عنده كرااامة وهو بعد مايحب هالطاري وانا زدت عشان اتاكد
والشي الثالث انه مو اي شي يقوله اقوله اي صح صاج لا كذا مررة اعارضه وحتى لو اهو يفوز بالنقاش بس اكون مبينتله انه مافاز بالسااهل
واخر شي والحمد لله اني مو معودته عالالفااظ يعني لو قال لفظ مو حلو ومو لي طبعا يعني يعلق شي بالتلفزيوون اقووله ويي لا لا تقول جذي
واهم شي بعد اني مااا انتقده عشان ما يتعوود انه يقولي نفس الشي بعد اقوله اللي لابسه حلوو بس هذا احلى جذي باسلووب حلوو وبس
ويالله بناات نبي اشيااء ايجابية

الصمت

واني اخليه يرتاح بنومته ما اخلى عياله يزعجونه ابدا

واحافظ على خصوصية علاقتي بأهلي و بدوامي

الثقة العالية بالنفس حتى لو بس جدامه

و طريقة شعرة معاوية

متى ما شد رخيت ومتى ما رخى شديت

والله انا ما أأيد ردود بعض البنات واعتبر عالشغلات الي سويتوها غلط مو صح غلط ان فلوس الزوجه تكون للزوجه وبس للدرجه هذي ان حتى ما تبون يعرف باي بنك اشدعوه اشصاير انا بالعكس كل شي يخصني عنده واهو بعد يعني مافي حزازيات بيني وبين ريلي وهذا احلى شي وكافي لما ريلي ايي عندي ويقولي تصدقين رفيجي يتسلف من مرته فلوس ويقولها اخر الشهر اردهم لج … اشدعوه بنات هذا ريلي وفلوسي فلوسه وفلوسه اهي فلوسي واخسي والله اقوله مالك شغل في معاشي الحين انا سلمته نفسي وحلي وحلالي ابخل عليه بمعاشي .. انا بالعكس الشغلات الصح الي سويتها بحياتي الزوجيه اني احسس ريلي اني مو بس زوجته اني رفيجته وحبيبته علشان لا يمل مني والشغله الثانيه اني حدي مطيعه

بصراحه عين العقل كلامج درر بس تتوقعين ارياييل مايستغلةن الصراحه الزايده بالمره

ممكن اسالج انتي جم سنة صارلج متزوجه ..؟؟

والسؤال الثاني .. زوجج ملتززم بالصلاة والدين ولا عادي ..؟؟

الحمدلله أهم شــي سويته ( ترك التدخــــين )

مايتدخل بعلاقتي مع أهله إلا بالأشياء الجايده ,,, مثل ليش مانزلتي لأهلي اليوم ليش مارديتي ع اختي اليوم لما احرجتج بهالسؤال,,

انه مايسافر إلا أنا معــــاه ( لوووووووووووول هذا اهم شي

*تفاديا للمشاكل كل واحد فينا عرف شنو له وعليه من مسئوليات ومسئو عنها مسئوليه تامه

*تعلمت ايام العطل والسفر ابتعد عن اثارة المشاكل

*تعلمت افكر كثيرا قبل التفاهم بأي موضوع

فوفو

حبيبتي اسمحي لي اعارضج بالراي
اهو الزوج من يحط عينه على فلوس مرته
هذا الغلط بعينه وعلمه وحتى لو عنده الاف الالاف اهو
مجبور يصرف عليها مو يحط عينه عالفلس الواحد اللي عندها
اوكي الثقه ما قلنا شي على عيني وعلى راسي اهو يروح يخربط بفلوسه ويجي يتسلف مني
لا اهني اعووده كل ما نقص منه شي جاني يتسلف وباسم الحب انا اعطييه !!؟ غللللط
وبعدين على شهامة الريال شلوون يرضاها على نفسه يطالع فلوس مرته بالعكس
اهو اللي يزيدها ما ينقصها
بس حبيت اووضح وجههة نظري

اني ما اقارن نفسي باحد ولا اصدق كل شي ينقال مثلا اعرف وحده كله تقول ريلي مايطالع غيري ويموت فيني وانا ماليه عينه وكله اشوفه قاعد بكوفي شوب الافنيوز وعيونه تتلاقط عالبنات

عودته ع نظامي من اول يوم زواج ..
عودته كل ويك اند يطلعنا ..
عودته يعطيني ومايفكر بجم عطاني ومتي عطاني ..
اذا شرالي او اهداني شي غالي ماقول لا حبيبي غالي ومادري شنو بالعكس انا غنيه واحب الهديه ..
احب اغتنم الفرص مرات اذا دشينا مجمع يقولي يالله حبي المجمع اليوم مكتوب بأسمج عاد انا ماااصدق خبر
او اذا كان مستنانس افاتحه بموضوع معين ..
اذا يبي يروح مكان قريب البس ولدي بسرعه واخليه يروح مع ابوه عاد يجي ولدي محمل بالالعاب والهدايا لوووول
ماله شغل باللي اعطيه امي او اشتريه لها او اهديه لها ..وبالمقابل ماالي شغل باللي يعطيه خالتي او يشتريه لها
كلن امه لها حق عليه ..
ماااادخل بخصوصياته ولا يدخل بخصوصياتي
علاقتنا مو زوج وزوجه … علاقة عشق ..

واهم شي واللي احسه مفتاح السعاده الزوجيه هو انج ماتعطين زوجج وجه وتخلينه محور حياتج
ومو تروحين تتخلين عن رفايجج ووظيفتج عشان زوجج .. بالعكس خليه يحس انج مستقله ولج كيانج الخاص
واعرفي ان الزوج مايكملج انتي اللي تكملين روحج

وملاحظه اللي تبي هالشي تعود زوجها من اول يوم زوااج مو بعد سنتين تبي زوجهاا يتغير معاها ..
لان الزوج ع ماتعودينه

روووووووعه الموضوع