|
انا زواجي فـشل فشـل ذريييييع لي شهرين تقريبا متزوجه
وراح اتطلق والسبب يفشـل ،،، طبعا من طرفه هـو عنده عجر وانا لازلت بـكر كنت البس انواع اللبس قصير شورتات
قمصان نوم مشخلع ولاحتى يطالع فيني وعلى فكره ماني شينه بالعكس يقولون اني حلوه بس بعد هالموقف فقد الثقه بنفسي
انا ماهمني هالموضوع تحملت وكان عادي عندي بس اللي خلاني افكر اطلب الطلاق شي مستحيل اقوله
المهم مشكلتي اني متحسفه على اشياء كثييير بذكرها لكم بالترتيب بس ارجوكم ساعدوني ابي نصيحتكم شنو اسوي :
1. متحسفه على التحضيرات اللي استمرت اربع شهور للزواج شوبنغ ليل نهار – جلسات عنايه بالبشره والجسم والشعر وبالأخر ماملى عينه وحتى مايطالع فيني
2. تخيلت الزواج غيييير حب ودلع ووناسه ماتخليت ولا 1 بالميه ان هالموقف راح يصيرلي
3. تخسرت فلوووس كثييير غير المهر ماكان يكفي انا زدت من عندي مبالغ وصارت عندي ديون حالتي الماديه ماراح تتحسن لين سنه ورا
4. كنت احلم اني اصير ام لكن بعد سنه من الزواج ( على بالي باستمتع بحياتي بأول سنه زواج )
5. بصعوبه تزوجت ماكنت انخطب كثير
شرايكم يابنات لدرجه اني فكرت اتحمل ومااتطلق بس عشان هالخساير
مادرى بس الله يعينج
الله يعوضج يارب
بس اصبري توج ماصارلج شهرين
يمكن عنده خايف او مرتبك
بعدين لا تشكين بروحج
اصلا الرجال بهالموضوع
ماله شغل الشكل مو لهدرجه
لمده شهرين اهو عنده مشكله
بس اصبري يمكن تنحل ؟
وحبيبتي العاجز يحاول لكن كل محاولاته تنتهي بالفشل اما اللي ما يطالع صوبج بمعناته في شي ثاني راده لا تستعجلين وانطري وخليه اهو اللي يقرر توج شهرين
MzMzq8
الأميرة جوري
داريني
قطوووة
منيرة خالد
شكرا يابنات على ردودكم بس انتم فهمتوني غلط انا السبب بالطلاق مو انه عاجز هذا عادي نقول يمكن له حل
شي ثاني هو كان يبي يسويه ( حتى اهلي انجنو لما دروا وقالولي ارجعي البيت)
بس لحدالان انا متحسفه مررره مع ان السبب قوي والمفروض اتركه بدون حسوفه
يمكن انه يبي يجامعج من الدبر ..!!
سوري تجرات شوي بس احساسي يقول جذي >> طسي انتي واحساسج
ولا تنسين انكم كل واحد فيكم طالع من بيئه مختلفه عن الثانيه فيبيلهم شوية وقت على ما الحياة تمشي عدل
وعلى طاري العجز حمدالله الطب تطور قوليله ان انتي معاه تروحون الطبيب وخل يفحص
واذا ما كو فايده شوفي رب العالمين شنو قاسم والخيره ما اختارها الله بس الفلوس لكش لاتندمين عليهم تراهم وصخ دنيا
والله يكتبلج اللي فيه الخير يارب
انزين ما حلولتي تقعدين معاه تشوفين شفيه؟
ومثل ماقالوا البنات يمكن يكون مستحي أو خايف