هل زوجي مريض ولا شنو بالضبط ؟

شلونكم بنوتات
انا قصتي اني توني متزوجه صارلي سنه ونص وعندي الحمد الله ولد بس اللي حاصل انا زوجي احسه مو طبيعي من جم يوم طحت عليه يطالع افلام مو شي بالنت مع اني مو مقصره معاه بنات مهما البس مهما اكشخ له واتعطر ما يقرب صوبي نهائيا عادي يعني يطوف ثلاث اشهر ولا شهرين مايقرب صوبي فكرت اييبله احبوب اقص علييه بس خفت يصير فيه شي رقعه بالقلب ولا شي وابتلش فييه واتحسف بعدين على قد شعر راسي واذا كنت مثلاا مو لابسه ويعني كلش حزة انها مو بمزاجي يعني مالي خلق راده من الدوام يفجأني انه يبي اللي خبري خبركم بس من داخلي مفتشله اقووله وخر احس نفسي وصخه شلون تقرب لي يقولي انا احب شكلج جذي بس انا مو مقتنعه بنفسي اللي عندها خبره بهالسوالف ولا مجربه هالموقف بلييز تعلمني انا ناطره ردكم وادعولي ان الله يهديه لي

والله مو بس انتي

انا شفت وحده هم نفس حالتج تقول كلي ريحة طباخ وبصل ويبيني ولما اكشخ واتعطر مايقرب صوبي

يعني انتي مو بس نفس هالحاله فلا تخافين

اما سالفة الافلام انهيه عنها وذكريه بربه عسى الله يهديه

الله يهديه

غريب الموضوع

بس نصيحه كلمي الدكتورة فوزيه الدريع اهي متخصصه بهالشي واكيد مار عليها هالسوالف وراح تفيدج واااااااااايد لان هذا مرض اكيد

لحقي عليها باجر الساعه 9ونص الراي

والله يعينج

انشاء الله بحاول الحق عليها

صديقتي قالت لي نفس السالفة اكشخ ما يهتم ريحتي طباخ يموت علي الظاهر مريض يحب الاشياء الموطبيعية شذوذ

موشي ..؟؟
بس مدام اهو يحب جذي خلاص شتسوين واي عاد صج تحسين روحج وصخه وانتي توج راده من الدوام انا على طول تلاقيني تحت الدش افرك جسمي قبل لا احط الغدا اخاف يقرب ويشم ريحة عرق ولا شي ..
ماترتاحين جذي

حبيبتي وايد رياييل نفس حالة ريلج بس مو معنى هذا إنه مريض

في ريال يحب زوجته 24 ساعة كاشخة ومتعطرة وناطرته

في ريال ما يهمه لبست كشخت تعطرت المهم يخلص شغله !!!!!!!!!!!!!

في مثل قديم أمي دايم تقوله لنا بس يلوع الجبج ما أحب أقوله _03ba:_03ba:

بما معناه إن الريال إذا حب زوجته يحبها بكل الأشكال مو بس إذا لبست له

وعسى الله يخليه لج ويخليج له

امين يارب

لا عادي لامريض ولا شي …

شي طبيعي حبوبه

الله يخليكم لبعض

في وحده بعد نفس سالفتج

تقول اذا ريحتي عرق وطبخ يبيها واذا كانت متعطره ينفر منها

سبحان الله طبايع الريايل

بنت خالتي جذيه يحب ريحة الطباخ فيها هههههه

بس ياربي اذا انا مو راغبه نفسي شلون اهوه يرغب فيني حده مو شي اللي حاسه فيني تتكلم بلييز حدي قاعده احاتي

————–

الله يريح قلبج ان شاء الله ويهديه