لا تقولين يارب عندي مشكلة كبيرة قولي يا مشكلة عندي رب كبير>>>ابي اشوف تفاعلكم

السلام عليكم،

وايد قريت مواضيع بهالقسم عن مشاكل الزوجات مع ازواجهم، والي زعلني عليكم طبعا مو على ازواجكم انه هالمشاكل تأثر على نفسيتكم وايد وبعضكم توصل فيها مرحلة الاكتئاب انه تفكر بالطلاق ولا تروح بيت اهلها.

انا مو طبيبة نفسية ولالي خبرة كبير في الزواج لكن قلت تشاركوني عشان الي عندها مشكلة معينة وتقرا هالموضوع تستفيد وهم احنا نفيد بنصايح وافكار لحل المشاكل كثر مانقدر، طبعا وقبل اي كلام ماننسى التقرب لله والمواظبة على الصلاة والاستغفار والدعاء بعد كل صلاة وحتى لما تصير مشكلة صلي ركعتين شكر لله على الحال الي انتي فيها وتذكري جم مطلقة ندمت على هالقرار وجم ياهل تحطم من انفصال اهله وشلون هالشي يولد البغض والكره بينج وبين ابو عيالج ولا تخلين كلمة الطلاق سهلة عندج.

المشكلة الاولى>>>زوجي جاف ومايقول كلام حلو
رأيي الشخصي>>> اغلب الرياييل الشرقين كذا ومن صغرهم متربين على هالشي الرجل ممنوع انه يعبر عن مشاعره ولا الاصح انه مايعرف يعبر عن مشاعره يقالي والعهدة على الراوي انه السبب البيئة الصحراوية الي متربين فيها
نصيحة>>> انتي مطريه بالكلام الحلو طرشيله مسجات وحتى لو مارد عليج على الاقل يتعلم منهم او قوليله احبك تقولي كذا او تناديني كذا او استعملي اسلوب الهنود وكتبيله رسالة وحطيها له في مكان مايقراها الا اذا كان بروحه

المشكلة الثانية>>> الي متضايقة زوجها يطالع لقطات بالتلفزيون ولا حتى افلام جنسية
رأيي الشخصي>>> بعد استفسارات واستبيان من اغلب رفيجاتي اتضح انه هالشي عادي عند الرجل تدرين ليش لانه بفترة المراهقة كان يطالعهم وينفس عن الي بداخله.
نصيحة>>>انا من رأيي لا تدققين وخلي المركب تسير بس ذكريه بنوتة حطيها على الكمبيوتر ولا على
الثلاجة طبعي ورقة تذكير بعذاب زنا النظر ومن هالكلام

المشكلة الثالثة>>>الي ريلها يروح الدوانية ولا عند ربعه
رأيي الشخصي>>> طنشي وخليه مرده يمل ويجابلج
تجربة شخصية>>>انا زوجي كان مايقعد في البيت والله من شهر العسل وربعه كلمن يدق عليه يستغربون انه في البيت وايد صاير بيتوتي وهالشي مونسني وللعلم انا ماطلبت منه ساعات ودي حتى يسافر مع ربعه عشان اشتاقله ويصير شوية تغيير
نصيحة>>>استغلي فرصة لج تشتاقينله وتتعدلين وتتسنعين

ابي عاد كل وحدة منكم ذات تجربة زوجية تقولنا شنو المشاكل الي مرت عليها او على اي احد في حياتها وشنو رايها الشخصي وشنو النصيحة الي تنصح فيها البنات

خلو هالموضوع في كتاب اعمالكم ماتدرون يمكن ننقذ بيت ولا طفل ولا حتى نهدي النفوس والله يبارك فيكم وفي اهلكم وازواجكم وابنائكم قولو آمين

السلام عليكم ورحمة الله وبركاته

موضوعج حلووو وهادف
وبصراحا ماعندي اي شي اقوله على كلامج
لان كل شي قلتيه
والله يجعله في ميزان اعمالج ياااارب

والنعم بالله

الف الف شكر اختى على الموضوع

حبيت اضيف شي على كلامج لازم ما ندقق على اي شي وكل شي يعني اذا سوى شي وضايقني استغفر ربي كثر ما اقدر وبعدين ابدي اتناقش بس مو شرط عندي وقتها ان يقتنع بكلامي المهم اوصله وجهة نظري ورايي بالموضوع وصدقيني معظم الرياييل اييون بالكلمه الطيبه واشرايك بهالشي واهم شي موافقتك يعني من هالحجي هذا لاني عن تجربه شخصيه كل شي كنت اطنقر عليه لا والمشكله اطنقر ولا اقول السبب صج عوبه ) بعدين عرفت ان المشكله فيني وما قمت ازعل على شي ابد واطوف اللي اقدر عليه واللي ما اقدر اطوفه اتناقش فيه والعجله ماشيه .

شكرا على المرور

صاجة يا منارة لا تدققون على كل شي>>> ترا احنا الي ندقق بكل شي ونحرق اعملرنا وهم وايد عندهم شغلا عاديييييييييييييييييي

وانا ماقول انتي اكليها وسكتي بس حبيت اقول انه القيلج الوقت المناسب تكونين هادية لانه اغلب الرجال وح ماشوف من النتدى وزوجي واحد منهم يدرون بغلطهم لما تواجهينهم بس هم يكابرون وصعبة عليهم انه يردون عليج فيتهربون بانهم يرفعون صوتهم والي يزف ولا يمد ايده ولا يغلط>>>ليش نوصلها لهالمواصيل احنا نجيبها من طريق ثاني ولا نطري مناسبة تشوفينه رايق قوليله او سوي مثلي اول ماتزوجت>>> تقولين هندية كل ماتضايقت كتبتله رسالة وحطيتها بالصالة عشان يقراها خخخخخ

الوحده لازم تطوف وتطنش
ومافيه بيت مثالي 100 بالميه
يعطيج العافيه يا قلبي

صاجة بريتي ماكو بيت مثالي والبنات المقبلين على الزواج لازم يهرفون انهم مو راحيشوفون الزواج مثل الافلام والمسلسلات كله حب ورومانسية مع فارس الاحلام الي تتقعين انه يكون على هواج
الزواج مسئولية واليهال مسئولية اكبر يبيلها طولة بال

للرفع جود وحدة تقرا ويهدا بالها

سبحان الله وبحمده سبحان الله العظيم

جزااااااااااك الله خير وجعل في ميزان حسناتج اضعاف اضعاف كل حرف كتبتيه يااااااااااااارب

الله يسخر لج زوجج ويسعدج وكل البنااااااااااااااات

كيدي عظيم ونستيني والله دمعت عيني حسستيني اني ممكن اساعد احد وانا طمعانة بالثواب من الله ومشكورة على الدعوة والله يهدي بال الجميع

للرفع

سبحان الله وبحمده سبحان الله العظيم

للرفع

سبحان الله وبحمده سبحان الله العظيم

تسلمين حبيبتي ام دعيج على الموضوع الروعه
وفعلا مافي بيت ما يخلا من المشاكل ومافي شخص كامل

ومهما كان في ازواجنا عيوب لازم نشوف الجانب الزين من شخصيتهم واطباعهم

عن نفسي وعن تجربه شخصيه الريال اذا عصب وطنقر وكان يبي يتناجر لا تشدين معاه
طنشي وسكتي خليه يتكلم بروحه ويقول اللي يقول مرده بيسكت
وصدقوني السكوت أبلغ من الكلام

بتلقينه راح يتحسف قد شعر راسه انه عصب وتنرفز ويمكن غلط عليج وهو ما يدري (خو اذا طنقروا ينسون نفسهم)
وراح يعتذر ويتأسف ويتحسف قد شعر راسه لأنج صرتي احسن منه وما رديتي عليه

لازم واحد يشد وواحد يرخي علشان يمشي المركب ويوصل بسلام

ومشكوره يا الغاليه مره ثانيه على الموضوع
والله يكافينا شر الهم والحزن

لازم واحد يشد وواحد يرخي علشان يمشي المركب ويوصل بسلام

صدقتي ورب الكعبة

جزاج الله كل خير ومشكورة فعلاااا يعطيج العافيه

مافي احد مرتاااح ابد لكن مثل ماقلتي

لي رب كبير

وان شاءالله راح يحلهااا يارب تدعولي يسخرة لي ولبيته وعياله يارب اني محتاجة هالدعاء يارب