|
|
السلام عليكم حبيباتي شخباركم ان شاء الله طيبين
بصراحه انا مثل غيري من المتزوجات حياتي الزوجيه مرت بأشياء حلوه واشياء موحلوه
يوم وناسه وعشره زعل
يوم ضحك ويوم صراخ
بصراحه انا دايما أقول اني مو غلطانه بشي وإن اليهال وإهمال الزوج لي أهو السبب وإهتمامه بربعه وهواياته
ودي أغير أشياء وايد بحسيتي ودي أبطل صراخ ونجره وخصوصا مع اعيالي لان وايد وايد اتنرفز منهم وأصرخ بدون سبب بعض المرات بس لما أهدا وافكر أقول ليش صرخت أصلا
عموما بدخل بالحمله وودي اسولف عنها
خلونا نتكاتف مع بعض حتى لو كنا ما نعرف بعض معرفه شخصيه بس من خلال النت
وانا وحده من الناس ما أقعد عالنت دايما يعني من وقت لي وقت
أولا: نبي نحدد وقت معين كل المشتركات بالحمله يدخلون فيه ويتناقشون بإلي صار باليوم إلي فات عشان إقيمون نفسهم.
ثانيا: بنسوي جدول وهذا الجدول كل وحده تحفظه على جهازها.
ثالثا: في نهاية كل اسبوع كل وحده تعرض جدولها( يعني ما نشوف جداول بعض إلا مره وحده وكلنا بنفس الوقت) ويتم تقييم الجداول وإلي تحصل على أعلى نقاط يتم تتويجها ملكة السعاده الزوجيه لمدة اسبوع لي موعد التقييم التالي.
رابعا: نبتدي نشوف من خلال عرض الجداول منو عندها مشاكل ونحاول نحلها ونتناقش فيها لمدة يومين من بعد عرض الجدول ونحط الحلول باليوم الثالث ونعطيها باجي الاسبوع للتطبيق وما يتم تقييم مشكلتها خلال التقييم القادم يعني انطوفها اسبوع ( بس الجزء الخاص بالمشكله مو كل الجدول ) ونشوف النتيجه بالاسبوع إلي وراه.
خامسا: والله ياخواتي هالطريقه احس انها راح تساعدنا وايد لاني مثل ماقلت لكم حياتي طبيعيه بس المشاكل بدت تغزوها ولازم نتحرك عشان ما يفوت الفوت
والجدول نحطه كلنا مع بعض ونصوت على بنوده ونعتمده بالنهايه
ملاحظه مهمه: الحين احنا في مرحلة تأسيس الحمله لمدة 3 أيام وبعدها نبدي التطبيق يعني الجدول بعد 3 أيام غير قابل للتعديل إلا إذا إحتاج التعديل فعلا وبتصويت أغلبية المشتركات بالحمله
يلا خلونا نتعاون مع بعض ونساعد بعض
والله يازوجي مل من كثر مازعل وعصبيتي الزايده
مادري وش الحل
اهم شي بنظري الحركة والرياضه عشان تحطين حرتك بالرياضه و يصير مزاجك حلو و تتفرغين لزوجك و عيالك
عطونا اقتراحات لمواضيع الجدول وأهم شي تكون مواضيع تشمل الجميع وأشياء يوميه
مثلا
1- نحط وحده من خانات الجدول " مشاده كلاميه مع الزوج " وهذا شي ممكن يكون كل يوم فإذا الوحده حطت "صح" بهذي الخانه كل يوم معناها عندها مشكله فنبدي نفهم منها شنو بالضبط يصير وشلون تبدي هذى المشاده الكلاميه بينها وبين زوجها وراح نعرف وين الخطا ونحط لها الحلول والاقتراحات وتبدي بالتطبيق ونقيس النتائج وإذا فادة معاها نعمم الطريقه والخطوات كحل لهذي المشكله.
أتمنى تكونون فهمتوني يابنات
وفي نقطه ثانيه مهمه وهي إن بم إن أغلبنا موظفات فما ودنا إن النت ياخذ كل وقت عملنا فاقول إشرايكم نحدد ساعه ندخل فيها كلنا نكون موجودين نقرأالأفكار والإقتراحات لوضع الجدول
وأقترح يوميا من الساعه 11الظهر إلى الساعه 1 الظهر
ومن الساعه 9:30 الليل وحتى الساعه 10:30 بالليل
يلا شدوا حيلكم
ترت بدونكم مافي حمله
بعد وياكم
أبي أدش هالحمله الاني طفشت من عصبيتي
ملاحظة:أنا ماعندي عيال عادي أدش بالحملة
انا اقترح وحدة من النقاط بالجدول "لفته طيبه" اممممممم يعني تكونين سويتي شغلة لو بسيطة و ريلج استانس منها حيل او قدرها لج حتى لو سويتيله ريوق مثلا او بخرتيه ( امثله )
حلو الاقتراح ولا ما ينفع ؟ 
وروعة الأمومه النقطه إلي قلتيها عجبتني وحلوه وايد وراح تنضاف للجدول إذا بلشنا نحطة
يلا أبي أفكار ومواضيع بعد مهمه للجدول
وبليز بنات خلونا نلتزم بالوقت وإلي الوقت ما يناسبها تقترح وقت ثاني ونشوف نصوت على الوقت المناسب للأغلبيه
ها وين اقتراحاتكم ومشاركاتكم بالحمله
أجدد دعوتي لكم للمشاركه بالحمله عشان ننقذ زواجنا من الروتين والمشاكل
وعلى فكره الجدول مو بس يتكلم عن الزوج بعد عن اليهال وعلاقتج فيهم
يلا شاركوني ترا بدون المشاركات ماراح نبدي الحمله