قصة زوج تزوج على زوجته ويذكر الاسباب .لاتفوتكم حدها عجيبه

(وقبل القصه أنا طمعانه فيكم وأبي دعوة من قلبكم إن الله يرزقني الزوج الصالح )

هذي قصة رجال تزوج على زوجتة … و يذكر الأسبااااااااب

(( منقول ))
………………………… ……….

تزوجت و انا عمري 24 سنة و كانت زوجتي أصغر مني بـ5 سنين

كنت اموت فيها و احبها وهي كانت بعد تحبني كنت أشوفها ملكة جمال هذا العالم رغم انها متوسطة الجمال كانت تعبجني بكل النواحي مرتبة نظيفة تهتم بلبيت و بنفسها ..
من كثر حبي لها و حبها لي كانو الاقارب يسموننا كناري الحب

و من حبي لها فرضت أحترامها على اهلي … و بنفس الوقت حبوها من حبي لها…
تعلقو فيها و خاصة امي لان كمان زوجتي كانت محترمة و تحب اهلي و اشوف طريقة تعاملها معهم و كيف كانت تطلب مني اننا نروح لاهلي نزور لانه امشتاقة لامي او خواتي..

أستمرينا في حياتنا كأي زوجين … انا كنتي في بداية مشواري العملي و كان مدخولي متوسط
فمرة من المرات جتني تبي مصرووف لها وقلت لها كم تبين..؟قالت ابي 2000 اذا امكن و كنت لسة مستلم راتبي الكان وقتها7000 ريال فعطيتها 5000 و اخذت انا ال2000 كنت احب اكرمها و ادلعها لان كان دلعي لها يبين عليها لما اعطيها المصرووف ماكانت تضيعة على خرابيط كانت تشتري عطور قميص نوم لها عشاني مفرش جديد للسرير كريمات . و اشياء ثانية
كنت احب انها تدلع نفسها عشاني …
و الحمد لله مع الوقت فصلت من وظيفتي لاني لقيت لي مشرووع و توسع عملي شوي شوي
صارت عندي عقارات و محلات و صرت من اكبر التجار..
و صار عندي 4 أولاد و بنتين
بس مرة السنين بسرعة لدرجة اني ملاحظت التغير الي صار في زوجتي في السنين الي راحت
انشغلت عنها شوي و مو شوي كثيييييير بس ماكنت ابخل عليها
انشغلت لاني كنت ابي اامن مستقبلنا الي وصلت لة الحين و لله الحمد
في السنيني الي راحت كانت في مشاكل بيننا
تغيرت حبيبتي

تغيرت زوجتي

تغيرت قلبي

سبب تغير زوجتي و الله أعلم وحدة تعرفت عليها كنت ألاحظها تتكلم معاها واجد في التلفوون تروح لها كثير طلعات و دخلات معاها

كنت اجي للبيت تعبان قبل لاتتغير زوجتي رجليني ماتشيلني من الدوران في الأراضي و المخططات
فكانت تجي تقول لي لية تغيرت
لية ماصرت رومنسي زي اول
و كانت تسألني بأستمرار انت تحبني…؟
كنت اكرهه هل سؤال …. كنت اكرهه نقها بأستمرار ابي رومنسية ابي تقولي انك تحبني
و لية تغيرت على

كانت تعلق على دايم انتم يا السعوديين كيذا تطلعون رومنسيتكم اول شهر من الزواج بعدين خلاص

كانت تزلعني و تعصبني من هل كلاااااااااااااااااام و كثير نتخانق عشان هل موضوع

تبي رومنسية …………..

انا صحيح رجل شرقي ماتعودنا على الرومنسيات بنسبة لي انا كارجل و رجل شرقي

أبي حبي لزوجتي بطرق عديدة غير الرومنسية
كنت ابين اني احبها اني ما اطالع غيرها و ما احب افكر اني اخونها

كنت ادلعا و اعطيها الي تبي

كنت اهتم فيها لما تمرض اوديها بنفسي رغم ان جايب لها سواق و اكون انا مشغول بس اكنسل كل مواعيدي و ارتبطاتي عشانها

كنت امدحها قدام الناس و اثني على طبخها ولا شكلها و سنعها

بس هي مثل النااااااااااااار هل من مزييييييييييييييييييد

حبيبتي زوجتي

كانت مثل النار…هل من مزيد

شوي شوي صارت تقلل اهتمامها فيني و لما اقول لها وراك اليوم مالبستي مثل العادة ولا مسويتي كيذا
تقول و ليش ماراح تشوف ولا تلاحظ…!

كيف ما الاحظ و انا الحين ملاحظ انك ماتزينتي زي اول
تقول انت كل مالبست و تكشخت ماتعلق ول اتقولي شي….

قلت لها بأسلوب حلووو الزين مايحتاج نثني علية و انتني واثقة من عمرك فماتحتاجين احد يمدح

و انا ياقلبي مدتك كم مررررة و اثنيت على لبسك و تكشخك

بي مو داااااااااااااايم ..الواحد ينسى يجي تعبان .. او تعود خلاص على تكشخك و تزينك مايحتاج امدح…

كانت حبيبتي تزل واجد مني لانه اتعرف غلاتها عندي كانت تحب التغلي بدلع
و كنت اراضيها و أضمها ما احبها اشوفها زعلانة

بس لما انشغلت كانت تزعل علا قولتها و انا ما انتبهت انها كانت زعلانة
كنت اقولها وش فيك تقولي مافية و تطلع و تخليني

انا تعبان ابي انام مالي جلد اطلع الحقها

شوي شوي بعدنا عن بعض

كانت صديقتها تنصحها و الله اعلم نصايح مو من مصلحتها لاني لاحظتها لما تكلمها ذاك اليوم تتغير على نتقلب عاقدة احجاجها الكلام من طرف خشمها

و لما اكون معها ذاك اليوم غير اسلوبها حلو و لسانها عسل و تقولي ما ابي شي من الدنيا اهم شي اننا مع بعض

عرف ان صديقتها مأثرة عليها

كم مرة انصحها اقولها يابنت الناس انا الحين بلحظة انتقال اصبري على شوي و شوفي الدلع انا الحين اامن لمستقبلك انتي و وولدنا و النونو الي ببطنك هذا قبل لا ننرزق بباقي اولادي

قلت لها انا راسي مليان و تعبان و داخل مشاريع فراعي ضغوطاتي
كانت تسمع كلامي اسبوع و اسبوعين تراعيني و تهيء جوي و تريحني لم ااجي للبيت
بعدين ترجع حليمة لعادتها القديمة .. تنكد علي عيشتي و تبي و تبي

و تفاجئت لما عرفت انها تشتكي عند امي على لما رحت لها قالت ياوليدي تراك مهمل زوجتك و ولدك وهي حامل

ترى الحامل نفسياتهم تتعب …
طيب يا يمة من يراعي انا نفسيتي

انا ماقصرت عليها بس الضغوط الوحيدة الي في حياتها تبي رومنسية و طلعات و مطاعم

انا ضغوطي عمل و عمال و بنى و كرف و مشاريع من يراعيني

زعلت على زوجتي و تهاوشنا لان ما احب انها تتكلم عن حياتنا الشخصية عند احد

تفاجئت لما تخانقت معاها انها بليوم الثاني راحت عند اهلها و قالت بروح عند اهلي كم يوم ارتاح قلت براحتك

خليتها يوم يومين و ثلاثة مادقيت عليها ولا دقت لحد ماكملت اسبوعين
صارت ترسلي لي مسجات حب و شوق و انها تتأسف على تصرفها

مارديت عليها …دقت على و كنت اكلمها و انا تعبان منها ماني قادر احكي معها لانها اجرحتني كارجل
قالت ماتبي تجي تاخذنا قلت لها الي طلع من نفسية يجي من نفسة
و زعلت و سكرت السماعة بوجهي
و حلفت عقبها ما احاكيها ولا ارجعها

كملت عند اهلها شهرين و ولدت زوجتي في الثامن و حطو الووم على اني انا الي تعبتها نفسيا و اني خليتها تولد ولادة مبكرة
و ان حالتها النفسية تدمرت
ما انكر اني حسيت بذنب بس كنت اكابر كارجل و هذا غلط مني .. و كنت اقول هي غلطت و انا مامنعتها انها ترجع بس كل الي قلتة الي طلع من نفسها يرجع من نفسة
وهي بعد بدورها كابرت مثل ما انا كابرت و كانت غلطتنا أحنى الأثنين..
دخلت عليها و كانت تعبانة مرررررة ولا سألت عن بنتي سألت عن زوجتي حبيبتي و حبيت راسها و تحمدت لها على السلامة … و كانت لحظة صفى بيننا عاتبتني و عاتبتها و تراضينا ….

رجعت زوجتي مثل ماكانت حلوة و مرتبة و مهتمة في بيتها و عيالها و فيني

بس على طول رجعت لحركاتها القديمة طنشتها قلت احسن من الهواش

فجئة هدت قلت اكيد اعقلت فهمت انا رجال مشغوووووووووووووووووووول

بس ماكان عقل منها لاااااااااااااا
كنت لما ادخل البيت تجيبلي الاكل لحالي و تتحجج في الأطفال و انها مشغولة
عديتها كم مرة

في وقت النووم تتحجج انها نايمة كل العصر و مافيه انووم و تسهر لحالها

و لما اصحى تنام
و لما اطلع من البيت تكون في البيت و لما ادخل البيت تطلع مع اهلها لجارتها مع صديقاتها

اهملتني … بس ما اهتميت في هل موضوع قلت تعدي ان شاء الله بس اخلي من الشغل الي داخل انا فية

صرت اجل للبيت مافية جوو في البيت كئابة وجة معبس نكد زن
طلباااااااااااااات

كئني مو توني جاي من عمال نفس الطريقة وجية معبسة و نكد و مشاكل في العمل و طلبات مواد لاتنتهي

صار عملي برى البيت نفس جوى البيت
كنت احس اني كازوج مرجرد عمل و دوام لي لازم اكون في البيت و البي الطلبات

صرت اسهر في الاستراحات رغم اني قبل الزواج كنت انتقد الرجال المتزوجين الي يروحون للأستراحات اقول الأسترحات هذي للعزابية الي ماعندهم زواجت

الواحد اذا صارت عندة زوجة حلوة و يحبها و تحبة و مبسوط معها لية استراحة..؟
صرت اسهل مع اصدقائي و كانت جلسات حلوة
ضحك و تعليق و سواليف و و ناسة

كان فية كم رجل في الأستراحة للأسف متزوجين كانو يعرفون بنات من ورى زوجاتهمو راعين علاقات محرمة

ان ماعجبني الموضوع و نصحتهم و قالو بكرى تصير زينا و الواحد لو شافلة شي يفتح النفس بلبيت مادور غيرة..

بس انا كان عندي وجهة نظر في الموضوع

اول شي الواحد اذا ماكان مرتاح مع زوجتة و محتاج انثى ثانية يجيبها بلحلال مو الحرام

ثاني شي كنت اعتبر الزوج الي يحط العلة في زوجتة عشان يكون غذر له عشان يغازل هذا انسان كذاااااااااااااااااااااب ولا حبها اصلا

لان الواحد لاحب زوجتة يخاف الله فيها ولو قصرت في حقة يتزوج عليها و ماينقص من غلاتها شي

هددت زوجتي كم مرة اني راح اتزوج عليها

و كان ردها اني ما اقدر و تقولي اتحدااااااااااااك

ولا تقولي لو تزوجت علي بروح و اخليك و اطلب الطلاق اصلا ما اعاد ابيك لاتزوجت علي

و من هل كلام

قلت لها ارجعي لعقلك و ارجعي حبيبتي القديمة .. بس مافي فايدة

اشتكت لناس على
خلت امي و خواتي ضدي لانه اغالية عندهم

نكرت كل الزين الي اسوية لها

و كنت افهمها الحياة مو كلها حلوة و بس حلو الواحد يتذكر الشي الحلو فيها

و انتي الله يهديك مايهمك الي راح و الي سويتة معك اهم شي عنك اللحظة و بس

كانت تحب تنبس في لحظتها و لما تخلص هل لحظة تنساها و يجي بكرى و تبي نفس الأمس

و طاقتي ماتقدر على مجاراتها

اهملت نفسها و شكلها

سريرنا الي كانت كل اسبوع تغيرة صار يجلس في الشهرين و الثلاثة

ملابسي ماكانت على اكمل وجة كان كويها مو مرتب
ملابسي وصخة
مرة من المرات طلعت في فنيلة داخلية من امس لابسها لانه اماغسلت الملابس ولا لقيت شي نظيف البسة

لما قلت لها ابي اهتمام في شكلك و بلبيت قالت ما الحق ابي خدامة

صراحة ان اما احب احمل زوجتي فوق طاقتها

انا مو راعي عزايم ولا كنت اتشرط في اكلي و شربي اي شي تطبخة اكل
لدرجة انها كل يوم تسولي نفس الطبخة ولا كانت عندي مشكلة اهم شي اكل نظيف و لذيذ و لما امل و المح لها تغير تقول ما الحق انا تعبت
جبت لها خدامة و بعد الخدامة الاولى جبت خدامة ثانية

خدامتين في البيت

برغم اني اشوف اجنبيات ببيت و اطفال و ماشاء الله مهتمة في بيتها و بلبسها و عيالها و ماعندها خدامة

بس معليش عشان خاطر زوجي قلبي حبيت اريحها

لقيت في تطور

البيت نظيف و الاكل صار فية تنوع الملابس نظيفة و مكوية

الا شي واحد ماتغير…

زوجتي لسة بجلابيتها رغم انها صغيرة و جسمها حلووو

لسة بشباشب البيت

ادخل عليها الاقيها قدام التلفزيون ولا تكلم بتلفوون ولا نايمة ….. و تتعل انها تعبانة ولا اعذار ثانية

و في الاخير قررت أسوي نفسي اني راح اتزوج عليها بس عشان أأدبها

خليت واحد من اصدقائي اخوة يعرف اخوها و يقولة قل لفلان ان فلان نسيبك خاطب من عندنا

عشان يوصل لها الكلام

و فعلا وصل لها و تغيرت اسبوع كامل وهي بكامل زينتها و حلاوتها و رجعت عروسي الجميلة
و سألتني اني كنت ناوي اتزوج و انكرت عشان اقلقها

بس اصرت و قلت اية

توقعت انها بتترجاني اني ما اتزوج او تقولي وش مقصرة عليك عشان تفكر تتزوج

بس قالت طلقني و ودني بيت اهلي و صارت تصيح و تصارخ زي المجنونة

و على فكرة هي مو اول مرة تزاعق و تخبط في الاثاث ولا تكسر شي قدامها كم مرة و صبرت عليها

المهم حاولت اهديها و وقفتها و مسكتها بقووة و قلت بس قولي لا تتزوج و ماراح اتزوج
قالت لا اتزوج اصلا انا ما ابيك
و راحت لبيت اهلها و خطتني مانجت و خليتها و طلبت الطلاق و قلت لها ماراح اتزوج .. بس اصرت علية

و طلقتها

بعد الطلاق اسودت الدنيا فعلا بعيني كنت اشوف صورة زوجتي في كل زاوية و كل ماتذكرتها قلت الله يهيدك ياحبيبتي يانور عيني وشلون هنت عليك

بس من برى كنت مثل الاسد
مايهمني شي و كنت اكابر و اقول بدال المرة 100
و كل ماقال لي احد نبي نصلحكم اقول لا مايحتاج بدور لي بس على زوجة ثانية و هذي خليها يجيها نصيبها و انا قلبي يتقطع من جوى
رحت لفترة عمل في بلد عربية و كان شريكي في التجارة متزوج من وحدة في هذيك البلد زواج مسيار لا اهلة ولا زوجتة تدري

المهم كانت عندها بنت اخت حلوة و كان عمرها 20 سنة و كان صديقي يقنعني اني اتزوجها

و فعلا تزوجتها لاني كنت محتاج زوجة

كانت مؤدبة خلوقة
ترضى بلقليل و كانت تقولي ما ابي غير الستر
و كانت موافقة اننا نخلي الزواج بسر و مسياااااار

بس انا ما منت احب هل نووع من الزواجات و انتقدها

سويت اوراقها و جبتها معاي لمدينتي و دخلتها على اهلي و كانت صدمة و ماتقبلوها

كنت احاول افرض احترامها مثل ماسويت مع زوجتي الاولى بس ماكان في تقبل
سكنتها في نفس السكن الي كانت فية زوجتي الأولى و كانت زوجة مطيعة
فجئة قسى قلبي على الاولى لما انستني الثانية ذكراياتها
اخذت اطفالي منها و خليتهم معاي في البيت
كانو 4 أطفال ولا فية في البيت خدامة و مع ذالك قامت فيهم و نوعت في اكلي و نظفت البيت و ملابسي نكوية و نظيفة

انا ماكن همي في البيت كثر ترتيب الزوجة و ابتسامتها

من تزوجت الثانية ماقلت لها احبك … و مع ذالك مبسوطة معاي و قايمة في واجبي وهي الي تقول احبك

حسيت اني ملك من معاملتها

اول ما ادخل شالت شماغي و اخذت ثوبي و قابلتني بكاس عصير باااااااار ابرد فية اعصابي بعد حر الجو برى

انام ولا اسمع اصوات اطفال برى عكس حبيبتي الاولى الي كان الاطفال يدخلوت غرفتي ن انا نايم و يصيحون

كانت تاخذهم فترة قيلولوتي لغرفة ثانية اخر البيت و تجلس تلعبهم

و مرة و انا في الدوام جتني رسالة و قلبي الي كان قاسي و حجر صار يبكي شوق و لهفة

كانت رسالة من زوجتي الاولى

كانت تسأل عن احوالي و كيفهم العيال و قالت انها مشتاقة لهم و تبي تشوفهم

على طول رحت للبيت و اخذتهم و وديتهم لها

طلبو مني ينامون عندها خليتهم عندها الا الكبير رجع معاي و انا بسيارة أسألة كيفها امك ..؟ و ماناقصها شي

و بعطيك فلوس بس لاتقول انها مني و عطها امك كئنها مني

صارت كل ليلة افكر فيها و بأول ايام زواجنا صرت اتذكر الأيام الحلوة و قلبي صار يلين شوي شوي
و قررت اني ارجعها

حبيت أرجعها … بس ماعرفت كيف كانت كبريائي تمنعني لحد ماجت من الله

عمها قابلني في مكان عملي و قال وش رايك ترجع بنت اخوي و من هل كلام على طول قلت برجعها بس عشان جيتك لمي و عنوتك

و انا قلبي كانت طبول و اعراس من جواتي ..
رجعتها .. و سكنتها في نفس البيت

و بدت المشاكل الضرتين

صراحة كانت المشاكل اكثرها من زوجتي الاولى الله يهديها

كنت اقسى عليها و اعرف انها تعبانة داخليا بس ماكنت ابيها تتمادى في اخطائها

و للأسف ماتغير شي كثير من شخصيتها

بس زادت

كانت تجلس معي و تقول من تحب اكثر انا ولا هي

و من احلا انا ولا هي

صراحة زوجتي الثانية لاتقارن جمالها بجمال الاولى بس كان قلبي يهوى الاولى و يحبها
بس هي ماكانت تفهم هذا الشي

كانت مستحيل و من سابع المستحيلات زوجي تطلع من البيت و انا موجوود

لانها ماكانت تبيني اخذ راحتي مع الثانية على الاخير … و صراحة كنت مبسوط داخليا لانها تغار…

زوجتي الثانية قررت تسافر عند اهلها كم يوم لانها اشتاقت لهم و خليتها تروح
فكانت فرصة اقوي علاقتي مع زوجيت الاولى مرة ثانية و يفضالنا الجووو

بس ماصار الي في بالي

صارت زوجي لاهية في طلعات و دخلات مثل اسلوبها اول
كنت اتمنى انها تجلس مثل ماكانت تجلس عندي ولاصقة فيني 24 ساعة لما كانت زوجتي الثانية موجودة

و اذا قلت لها لا تطلعين اجلسي جلست بس بدون نفس طيبة مكشرة و حالتها حالة

يالله يازوجتي متى تفهمين رغبات الزوج … صحيح انا اناني و الرجال انانيين يبون الوحدة كاملة

بس انا من جهتي ماقصرت عليك … فياليتك عطيتيني نص ماعطيتك

حتى لو انا مقصر في بعض النواحي من وجهه نظرك

……………..

جتني مكالمة في الليل من الدولة العربية قالو لي ان زوجتك تعبانة مرة سافرت لزوجتي الثانية و كانت تعبانة مرررررة
لما كشفو عليها لقو عندها سرطان و في الثدي …

و انشغلت فعلا عن زوجيت الاولى مع الثانية المريضة

رغم مرض زوجتي الخطير زوجيتي ماراعت هذا الشي منعتني اني اسافر انا وياها لحالنا للخار لعلاجها
و ماكان مني الا اني اخذها معانا هي و الاطفال
و تخيلو الثقل و المسؤلية شلتها معاااااااي
كنت اتركها في البيت و اروح للمستشفى لمواعيد الثانية فلما ارجع نفس الطريقة ترجع وش رايك نطلع نتمشى و نغير جو حنى و الاولاد و انا طفشانة و الاولاد طفشانين
انا كنت معصب توين جاي من المستشفى فصرخت عليها و قلت محد قالك تجين معانا و تراك مثقة على و محملتني مسؤليتك انتي و بزرانك…. قلت هل كلام و انا في كامل غضبي
بس ما انلام كنت مضغووووووووووووووووووووووووووو وووط
زعلت و سوتلي هواش في ذاك اليوم و قدام الأطفال و كلمة مني و كلمة منها ضربتها كف
و قلت تشافرين الاسبوع الجاي و تنقلعين لبيتك
سفرتها و جلست 5 شهور و حالة زوجتي كل مالها تدهور للأسوء لحد ما انشر المرض و طلبت مني اوديها لاهلها و فعلا وديتها و توفيت الله يرحمها و يسكنها جناتة

رجعت لديرتي و كنت من بعد هل تجربة تحولت لانسان ثاني مايعرف الصبر
ولا الكلام اللين و تغيرت 180 درجة
صرت عصبي على زوجتي لاتفه الاسباب
صرت ازعلى على الكبيرة و الصغيرة

لانها و بكل بساطة استنفذت صبري
اتستفذت رصيد احترامي لها
أستنفذت كل شي

…………….

و مع هل اسلوب و التوتر بيننا قررت اتزوج مرة ثانية بس هل مرة من نفس ديرتي…

و بفترة البحث عن عروس جديدة كانت زوجتي الاولى تلبس لي
و تغيرت
و طلبت مني اني اسفر وحدة من الخدامات
و كانت تبتسم لي و تغير اسلوبها معي

بس ماكنت اسوف هذا التغيير
لاني كنت اخاف انها ترجع مثل كل مرة تتغير اسبوع او شهر او شهرين و ترجع لعاداتها القديمة

بس مرة شهر شهرين و ثلاثة و زوجتي مازالت كما هيا
مهتمة فيني و بلبسي
و كانت تسوي مثل ماكانت زوجتي الثانية الله يرحمها ماتسوي كانت تستقبلني بكاس العصير لما اجي من برى
كانت تاخذ الاطفال لاخر البيت تخاف يزعجوني

بس كانت هل مرة الاخطاء مني انا

كنت قاسي معها… بارد في كلامي…ما القي لها اي اهتمام.. كان هل اسلوب يضايقني بس ماكنت عارف ليش مستمر في نفس المعاملة رغم اني ملاحظ التغيير….

و لقيت العروس الثانية و خطبتها و قررنا وقت للملكة
و رحت لزوجتي الأولى عشان اعلمها
و لما قلت لها
توقعت ذيك المجنونة الي تطلع من طورها تكسر كل البيت و تصارخ و تتلفض بألفاض ماتناسبها كا أنثى
بس لااااااااااااا

دمعت عيون حبيبتي .. و كانت دموع بدون اي صوت
و قالت بصوت مخنوق الله يوفقك..و يوفقها
قلت لها و انا اتصنع القساوة ترى ملكتنا الخميس الجاي
و جاء يوم الاربعاء و انا طالع للعمل جت زوجتي و قالت بزواجك الثاني قلت لي لو ماتبيني اتزوج قولي لا تتزوج

انا الحين اقولك لا تتزوج و بكت بصوت عالي و قالت لو ماتراجعت عن قرارك ماراح الومك لاني انا اخطيت كثير في حقك .. بس راح ابتل لك زوجة مخلصة . و ماراح اطلب الطلاق هل مرررررررررة

جاء يوم الخميس الي هو يوم الملكة كنت متضايق مو فرحان

ما ودي اقهر عمري روحي حياتي الي ماتدري وش كثر انا حابها و اغليها
ما تدري ان دموعها ماتهون على .. و طلباتها بنسبة لي اوامر
بس الشكوى لله انا عطيت الكلمة للرجال و الملكة اليوووم مايصلح …
ركبت السيارة مع اخوي الله يصلحة شوي مطيووور و رجة و جريء و علمتة و قلت والله ام فلان ماتهون علي و بيني و بينك ماودي اتملك اليوم قال اكيد ماودك قلت اية

قال طيب قل انك استخرت و ما ارتحت …. قلت لة لا صعبة يا رجال مو حلوة قدام الرجاجيل

قال خلاص انا عندي الحل .. قلت وشلون قال لا بعدين تعرف المهم دخلنا بيت ا اهل العرووس
و اخوي كان يحكي مع اخوهم برى و كنا تحتر المملك شوي و اخوي يجلس و عقب كيذا ربع ساعة الولد نادا ابوة
و انا ما ادري وش السالفة
المهم نحتري المملك ماجاء و قال الابو اننا نتصل على جوالة مايرد
على العموم تفضلو على العشى و اذا ماتملكو اليوم يتملكون بكرى

بعد ماخلصو الرجال من العشى جاء لمي ابو البنت و قال والله ما ندري وش نقولك
.. بس البنت عييت تقول انها مو مرتاحة

انا فرحت داخليا و بنفس الوقت مصدوم ما ادري وش المشكلة …

و دريت ان اخوي هو السبب و الي فركش الدعوة و خلاهم هم الي يرفضوني

رجعت لبيتي و دخلت على زوجتي و كانت فارشة سجادتها و تدعي و ضميتها لصدري و علمتها اني ما اتزوجت فجئة اسجدت وهي تصيح و انا جلست اصيح معها….

عرفت ان زوجتي اول مابتدت تتغير للأحسن كانت قاطعة علاقتها مع صديقتها الي كنت شاكة انها ورى تغيير زوجتي

رجعت لزوجتي و حبيتها اكثر من الاول
و الحين الحمد لله مافية دولة الا مسافرين لها لاني ارتحت الحين ماديا ولا فية شي يشغلني عنها زي اول

و نصيحة لك زوجة اصبري على زوجك و ساعدية في كفاحة في عملة
و الشكوى لله ترانا متطلبين و غثيثين بس استحملونا

و هذي قصتي