|
|
بنات شلونكم طبعا اغلبكم قروا قصتيييي بقولكم احداث يديده صارت بس مالها شغل بسالفه الي تكلمت عنهااا
امس تهاوشناا على سبب تااافه الي اهوا اني كنت فبيت اهله وكنت يوعانه قتله يوعانه اطلبلي اكل
قالي روحي ييبي التلفون فوق وبنات انا توني كنت نازله مع بنتي ومالي خلق اصعد فووق كلش وامه تقول على ضحك " اي خلاص عيل ماكو اكل" واااي شفتوا اللعانه ؟؟؟ بدال ما تقول حق ولدها الريال روح انت ييب المهم قتله خلاص مابي
جان يقول عشاني قتله خلااص مابي اكل قتلك
المهم الاخ كبر السالفه وقلبهاا عليييييييييي وصار زعل كبيييييييير
واهوا من امس منفس عليي المفروض انا ازعل بس اهوااا زعل تدرون الرياييل لما تصيدون عليهم شي يقلبونه ضدكم
المهم سكت صار باجر قالي شفيج منفسه قتله مافيني شي جان يقولي انا لما ازققق فييج تمشين سيده صح انتي ما ينفع معاج الا هلأسلووووووب بناااااات شفتواا الوقاااااااااااحه شفتواا الاسلوووووووووب فوق اني متحملته ومتحمله عيووب الخايسه شوفوا شلون يحاجيني
عاد انا ما سكت قتله تحجى عدل وخلك على طبايعك الخايسه جان يقولي اي ادري لانه انتي هذا الي يمشي معااج
المهم طوفت ونزلنا تحت لان كان يمعتهم اليوم
قتله متى نروح البيت؟؟ الي اهوا بيت اهلي لاني ساكنه عند اهلي مؤقت على ماتكبر بنتي وندخلها حضانه (للعلم احنا كنا فبيت امه نايمين اسبوع) جان يقولي راح اودييج باجر. قتله شنو اوديج يعني منتى ياي معاي؟؟
جان يقولي لاا ماااااني ياااااااي وبضل اهني ومالي شغل لا فيج ولا فبتنج ومصروفقج بيوصلج انا حدي انقهرت قتله انت لي متى بتضل جذي ؟ يقولي كيفي لما ابي
قتله اول مره اشوف ريال نفسك ؟؟
شوف الباجي شلون يعاملون حريمهم يدلعونهم ويحبونهم ويدرون رضاهم ؟؟ جان يقولي انتي مو كفو
قتله لا والله انا مو كفو شوف اخوك شلوون يموت على مرته واهيا لاعبه فيه لعب جااان يسكت
جان يقولي انتي لساانج طوييل ؟ بنات انا لساني مو طوييل والله بس لما يغلط علي ما اسكت اكيد كلكم جذي
المهم قتله تبي تعرف لسات طويل لما تحصل وحده لسانها طويل راح يبين منو لسانه طويل وسكتتتتتتتتتتت
الحييين شسويييييييي؟؟؟؟
اسكت واخليه يقطني بيت اهلي وما اناقشه ؟؟؟ راح يحس بقيمتي ويرد ؟؟؟ ولا شسيوي علموني
انا تعبت مع هالريال الي من اول ما تزوجته وعيشتي كله بجي وضيقه خلق وزعل بنااااااات تبعبت والله شسوي؟؟
بس بعد المفروض اتسايسينه من البدايه وبلا عناد علا شي مايسوا شوفي اكبرت السالفه
الله يهديه
انتي روحي بيت اهلج أبرك لج واحسن لج ماتسمعين لج كلمتين يهزوا بدنج وديري بالج ع بنتج ترا اهيه الحين اهم من ريلج وايد ولاتخلين مشاكلكم توصل لها ترا الاطفال يتأثرووووووون حيييييل بنفسيات امهاتهم ,,,
ومالج غير ربج ,,, فارج الهم ومزيل الكرب ,,, ادعي الله يسخره ويهديه ويعقله واقري سورة البقرة بنية هداية ريلج وماخاب من استشار وتوكل على رب العالمين ,,, " وعلى الله فليتوكل المؤمنون "
وان شاء الله ترتاحين حياتي ,,,,
الله يهديه … بس لاتروحين بيت اهلج واهو معصب … قعدي في بيتج
و ترى الحقران يقطع المصران .. حتى لو يقط حجي مو حلو سكتي و حقريه بيستحي على ويهه و بيحس بغلطته
اما من ناحية روحتج لبيت اهلج .. ان شاءالله المتزوجات ينفعونج اكثر
الموقف تافه
اول شي كشخي وتدلعي نفس اليهااال ولاتقطين روحج عليه طالعي بنظرات من بعيد وابتسمي وبسس
هديييييي اللعب
بس لاتتأسفين
تشرهي عليه بأسلوب ناعم وتدلع اشلون غلط عليج وعقبها كشتي فيه وقومي راح اييج يركض
عامليه كرجل يعاملج كأمرأه
بروحج تقولين خالتي قالتها على ضحك بعد ليش تزعلين
وشكو تيبين طاري اخوه وشنو يسوي حق زوجته
اي شي
واسلوبج بالحوار اسمحيلي يعني
اداحروون الرياييل على كل كلمه وتبون الرياييل يدلعونكم ويدللونكم
لا تتعودين ان لما تزعلين تفارقين ريلج …. لا لا لا لا اااااا
قعدي على قلبه
وترا بيني و بينج و لا تزعلين … السالفة من البداية مو مستاهلة كل هالأكشن …
قال لج روجي جيبي الموبايل … جان رحتي من الأول … ترا مافيها شي … كلنا يكدشونا رياييلنا … والله زوجي مرااات يناديني من الغرفة الثانية تدرين عشان شنوووو ؟؟؟
عشان اجيب له عصير من الثلاجة الصغيرة اللي بالغرفة ""عنده"" يعني المفروض هوو يقوم و يجيب … شفتي الكسل
والله عاااادي و لا اتكلم
انتي يمكن عشاااان محترة و مضغوووطة من السالفة اللي بين زوجج و اخته … فا ما توازنين بين الامور و قاعدة تمسكين عالوحدة ""بصراحة ما الوووومج"
وعسى الله يهدي زوجج .. و يوخر عنه بنات ابليس
المهم مثل ما قلت لج … لا تبتعدين عن ريلج … ريلج على ريله
قلب علي
وقالي مالي شغل بالناس
ومرات يجيني يقولي روحي سوي جذي نفس مرة اخوي
وارد عليه اقوله
مو تقول مالنا شغل بالناس
انا غير وهي غير
قعدي وحقرررررررررريه
كبري عقلج
الحقران
الحقران
عقله وايد صغير سوري على هالكلمه
ماأنصحج تطلعين من البيت خلج على قلبه !
موفقه خيتووو