|
|
شلونكم بنت سخباركم
بنات احس اني تعبانه نفسيا من التفكير بالزواج
انا املجه وعرسي بعد 6 شهور
يابنات السالفه ومافيها ان افكر بحياتي ف بيت اهل مدلله اطلع بكيفي انام بكيفي اشبك عالنت لا مواجيب لا شي يعني عايشه عالراحه
احس اني ندمانه اني ملجت ودي اقعد فبيت اهلي يابنات لاتقطون كلام جارح انا قاعده اشتكي لكم مدري علامي هل هذي وسوسه؟ انا اشوف المتزوجات مو مرتاحات ويقولون ليتنا ماتزوجنا ليتنا في بيت اهلنا واكثر من وحده تقولي ندمت تزوجت قبل مرتاحه في بيت اهلي انام اقعد كل شي بكيفي مافي مواجيب مافي مسؤليات
بنات يمكن كلامي مو مرتب وملخبط لاني اكتب اللي بقلبي
وبعدين انا اكره سوالف الحموات يعني انا راح اسكن فبيت حمولتي فمالي خلق تدخلات الحموات يابنات اخاف يغيرون زوجي عيل ويحشون فيني لاني اعرف طبعهم بنات انا تعبانه مرهقه مرات اقول بفسخ الملجه استغفرلله ولما انام واقعد و اقعد اقول ياربي شلون خليت الراحه والجنه ورايحه للنار والمسؤليه راح انسى الدلع والراحه والنوم عالكيف وراح اصير مسؤله وام وزوجه بليز بنات ساعدوني وانا خايفه من ليله الدخله او من شكل البيبي حقي اخاف ما يعجب زوجي يابنات او ينصدم منه لان الاشفار عندي شوي كبيره طويله هل اسوي عمله تجميل او عادي اخليهم ؟ وصج الرجال يحبهم كبار ؟( الاشفار ) اسفه على جرأتي فديتكم وتقبلو فائق الاحترام
مرات ابي العرس قريب حيل
ومرات اهون اقول ياليت يبعد لاني حيل خايفه
احس مننننن صجي؟؟؟
احس مسؤوليه كبيرة مو قدها ونفس مع الحموله وخايفه
ومادري بالنسبه لاخر شي ذكرتيه مافهنله والله ومادري ع اي اساس حكمتي عالحجم ؟؟ كل وحده وجسمها ماتقدرين تقولين ايدي كبيره او صغيره
لان كل وحده سبحان الله ربي خلق اللي يناسبها
بس عمونا اغلب هالوساوس من الشيطان
وووو ذكري ربج وتحمديه عالنعمه غيرج مو محصل
وووو لاتفكرين وايد وكثري من الدعا والاستغفار الله كريم ويتمم علا خير
اي وطلعي من هالقسم انتي توج ان شالله عروس
لاتتعقدين من هالقسم
ولاتقرين تفائلي
والله يوفقج
اب
اب
وكل البنات مثلج يخافون ويحاتون
تعوذي من الشيطان الرجيم
والله يوفقج
كل بنت تمر فيه
بس بعدين لما تتزوجين
عاااااااااااادي
بسم الله عليج
و
بالتوووفيق
وان تطلقتي الحين شنو بتستفدين ماراح تاخذين الا الكلام اللي يغث من ناس ماعندهم لاشغل ولامشغله الا اعراض الناس وسمعتهم الله يكافينا شرهم
الزواج مسؤوليه معاج حق بس ترى فيه لحظاااات وايد حلوه بتمر بحياتج وتحمدين ربج عليها انتي سمي بالرحمن وادخلي حياتج الزوجيه بكل تفاؤل وحرصي انه اسرارج ماتطلع حق أحد الا للضروووووووره القصوى علشان لاتكون حياتج خاليه من الخصوصيه
حبي زوجج وخلي صفاته الحلوه تغلب الشينه عشان تحبينه وماكو احد خالي من الصفات الشينه والحلوه لازم تلقين جذي وجذي
حمولتج رسمي بينج وبينهم حدود لاتكونين وايد ميانه معاهم علشان لايتدخلون بكل صغيره وكبيره خليهم يحسون انج غامضه مو كل شي تقولينه عشان لاتفقدين احترامهم لج .
والنصايح وايد ماراح نخلص الله يوفقج ويسعدج اللهم امين
موفقه
بس بعدين بالعكس .. حمولتج عامليهم مثل ماتبينهم يعاملونج
والمسؤليه راح تشيلنها الحين او بعدين
بس لاتحاتين راح تشيلين المسؤليه بدون ماتحسين
موووفقه
شدراج ان اشفارج كبار ,,,,,,,,,,,,
وشدراج انه فيه صغار
شنو يعني انا مالاحظ لهالسوالف ما فهمت,,,,,,,,,,,,
هههه ملقوفه*
الله يوفقنا
والسؤال الثاااني …شكو عملية تجميييييييل هههههههه ضحكتيني …يعني هو الحييييييين اللي توب …
وكل ما يبتي عيال وكبرو زادت عليج المسؤولية بس هذي سنة الحياة
يعني عادي عندج انج تعنسين ولا تتحملين المسؤولية حالج حال الناس الباجين ؟
القرار بيدج
