يانا العيد و عندي استشاره . .بليز كل وحده حلوه تعطيني رايها بهالشغله

فديتكم انا ودي استشيركم بشغله ،،

انا الحمدلله ولدت تقريبا من 45 يوم و خلصت النفاس ورجعت حق بيت ريلي

( كنت بخليها اول ايام العيد رجعتي بس قلت لانه بروحه بالبيت رجعت)

المعم ،،

شغله في بالي ،،

هذا ثاني عيد لي مع ريلي ،،، العام كان نظام الحريم ان نزور نسوان يده ثلاثه ،، كل وحده ببيتها و مع بناتها و جناينهم و عيالهم والخ الخ يعني زحمه زحمه

فلان اول مره وماعرف احد فالعايله رحت مع مرت حماي من الصببببح تروح عالساعه 7 ونص 8 ..

لكن بعد فتره اكتشفت انها ملقوفه و كتبت عنها بالمنتدى انها وايد تدق علي وانا مارد لانها تحشر نفسها بيني وبين ريلي وعرفت شنو معدنهاا والحين ما ودي اروح وياها هالعيد ،، وهي جارتي حتى لما رجعت ما قلت حق احد لان رمضان وماودي انها تغثني زياده

كلمت زوجي بموضوع العيد ،، قلت له انا بنتي صغيره وماودي اهملها عند الشغاله و ما ودي اروح مع مرت حماي
( يدري بسوالفها) .. قال لي عادي انا بوديج ثاني يوم تسلمين عليهم ،، !!

بعدين استشرت امي قالت لي روحي من الصبح بروحج سلمي بسرعه وطلعي دامج مسويه نيو لوك و كاشخه والحريم من الصبح موجودات …مو حلوه ساحبه ريلج يسير ويتزاور وياج خلاص انتي مره !!

ومشكله لو اروح مع خوات ريلي ماينفع لانهم يروحون عالظهر وانا الظهر اروح حق امي ..

مو عارفه متى ازورهم < ؟ علما ان الليل بزور ام زوجي وخواته ..

بليز شاوروا علي ؟