|
|
السلام عليكم
وشلونكم مع رمضان والمطبخ
—- متزوجات وشاونكم مع الطباخ رييايلكم نفس ريلي
ريلي يحن علي كل رمضان طبخي مالذ وطاب وا طبخ واطبخ واطبخ والمشكلة ماياكل بس يشرب شوربة وحبتين سبوسة
— يقول شبعة حمدلله وبعدين انا انقهر واكل علشان ماينكت حرام 00 
===
يبوووي دشة المطبخ تغثثثث
وحزة الفطور ما راح يدقق بينسى
|
المشاركة الأصلية كتبت بواسطة وحدانيه 22
 استغفرالله ياربي لالازم تكلمينه حرام مادري احس الناس وعت ماقامو يسون جذي اوكي سوي كميات شويه لاتكثرين
|
مشكورة علي الرد حبيبتى بس اهو طبعة جذية -00
بصراحه قمت كلش ما اسوي شي ريلي مايشجع
لا ريلي قصته قصه
عالفطور دياي مشوي وبطاط مفيوح وبيض مفيوح والاخ مندمج ريجيم..
وعالسحور تشريبة ومعكرونه وحلا وعيش ومرق واللي جدامه لوووووووووووووووووووووول فاهم رمضان غلط 
حيرني والله قمت احطله اللي يبيله وبس.
اشتياق وشلون رجيم بفهم والسحور عيش ومعكرونة هههههههههه 000
كلنا جذي ناكل بعيونه لما انكون يواعه
يعطيج لعافيه خيتو
وتمر مع القشطة و قهوة وإن كان لقيمات
بعد الصلاة يشرب صحن شوربة ويأكل فطاير كم حبة
وبعض الأحيان أزين به عصير ليمون بالنعناع او كوكتيل
أو عصير موز بالحليب النستله
بس لكن السحور هو عيش بلحم مجبوس إيدام
ما يرقعه إلا كذا غيره لا يعصب يطنقر
مرة صلحت للسحور مكرونة بالتونة طعمها مرة لذيذ
ولا أفنتق فيها حطيت جبن موزريلا مع شيدر
يعني أيغي أخليها دسمة ينقالي
عشان تشبعه وشرايح ليمون وخيار قطعتها حول الصحن
يعني أنواع الدلع
إلا أقوله شنو رايك قال رأي في شنو قلت له في الطبخة
قال تسمين مكرونة بالتونة طبخة قلت له أجل شنو تسميها إنت
قال بلاش رفع صوت ثاني مرة لا تصلحين مكرونة للسحور
صلحي عيش هو اللي يرقع
لا تطبخين وايد واذا زاد خليه للسحور أنا أسوي شذيه علشان ما أطبخ مرتين
|
المشاركة الأصلية كتبت بواسطة اشتياق
لا ريلي قصته قصه عالفطور دياي مشوي وبطاط مفيوح وبيض مفيوح والاخ مندمج ريجيم.. وعالسحور تشريبة ومعكرونه وحلا وعيش ومرق واللي جدامه لوووووووووووووووووووووول فاهم رمضان غلط حيرني والله قمت احطله اللي يبيله وبس.
|
ههههههههههههههههههه
اشتياق زوجج مبدع
مثل اخوي رجيم وياكل قطايف 
فابدع عاد
كل الفناتك والابداعات اطلعها برمضان
مسكين ريلي اشترك نادي عشان لا يمتن يقولي انتي بتمتنيني مو عارفه شلون
عموما الوجبه الرئيسية اهي اللي تتغير يوميا اما الشوربه انواعها محدوده يا اما عدس والا كريمة دجاج والا خضار والسلطة بس انا اكل
اهم شي عنده الطبق الرئيسي والحلووووووو ولازم يكون فيه ككاو
ثانكس عالموضوع حده يشوق