|
|
السلاااااااااام
اخباركم؟؟
بليز اللي بقول عيب وتبي تتهاوش واللي بتنقد لا ترد
احنا حريم نبي نتبادل الخبرات وهذا قسم الحياة الزوجيه
بليز مابي انتقادات اللي بترد حياها الله
واللي بتنقد تقرا بدون ماترد
نبدأ>>>>
انا عروس صارلي8 شهور وعمري 20
وزوجي منهبل يقول من وين لج هالافكار ماشالله عليج كل اسبوع تصدميني
وانا حبيت انقل لكم تجاربي اللي كل الافكار اللي بقولها من تأليفي>>>شفتوا الطفش شسوي..
شهر 12 رحت الغانم شريت آي فون ولابتوب وشفت الطابعه طرت ع بالي شغلات وااااجد قلت لزوجي ابي طابعه
طابعه استغرب قلت علشان المعهد احتاجها شراها لي اللي معاها سكنر،،
((واحنا راجعين سوينا حادث )؛ بعيد الشر عنكم حبيباتي..
وطارت الافكار،،قعدنا متكسرين تقريبا شهر..عقبها داوم>>وطرت ع بالي فكره خياااال
انا شقتي اول ماتفتحين الباب صاله مربعه صغيره فاااضيه بس فيها منظره مالت الاستقبال>>اكيد عرفتووها!
المهم شغلت الطابعه وخذيت صوره لزوجي وسويت لها اقتصاص للعين وللشفايف كل صفحه فيها عينه مكبرتها وورفه الثانيه كبرت شفايفه ونسختها 5 نسخ
وباقي الاوراق كتبت عليها عبارات بالعرض( مشتاقتلك ياروحي/ فديت عيونك/لبى الشفايف//مجنووونتك رسميا// احبك يامجنووون) ونهاية كل ورقه كتبت فيها p.s:i love you يعني مع تحياتي:احبك وكل ورقه ضبطها مع قلوب وحركات وبعض الاوراق احط صورته كامله صغيره ع طرف الصفحه//وكل ورقه 5 نسخ!!! يعني صار عندج اوراق واااجد
وعقبها رحت الصاله وصكيت باب المطبخ والصاله وغرفتي وعلقت الاوراق كلها بالصاله نشرتها بالطوف كلها بشكل عشوائي وحطيت الشمووووع دار مادار الصاله ع شكل مربع علشان اذا طفيت الليتات تكون الشموع منوره ع الطوفه وتبين الاوراق والكلام
وحملت اغنيه اليسا (اجمل احساس)مدري ليش طرت ع بالي هالاغنيه وحطيته بالصاله..ولبست قميص اسود طويل الظهر كله طالع ورفعت شعري بشكل مغري والحمره الحمره مع عطر>>>لبست طويل مو قصدي….نغزه يعني بس كاشخه علشان الحركه،،،
وقعدت بالغرفه انطره >>كان راد من الدوام الساعه 12 بليل شفتات وهو يصعد الدرج شغلت الاغنيه ودخلت الغرفه
اول مادخل الشقه خلصت الموسيقى وكانت توها باديه الاغنيه انصدم تنح بالاوراق ع كلمات الاغنيه ( اجمل احساس بالكون)) بعد 10 دقايق وانا ع اعصابي دخل وعيونه متغرقه دمووووووع وضمني وخانقته العبره ومن بعدها بين فتره وفتره يسألني نبين حبر اوراق انتي بس علميني وابشري<<<عجبته السالفه
ويقول احلى حركه سةيتيها صورة الموقف للحين ابالي(:
ادري طولت عليكم ومليتوا بس حبيت افيدكم
ولاتحرموني من ردودكم فديتكم،،
بس جريئه ماشاء الله 8 شور وتكتبين هالكلام
شخليتي حق السنوات القادمه هههههههههههههههههههههههههههههه
عالعموم الفكره رووعه روووعه بس يبيلها وحده فاضيه انا مو مال هالسوالف خخخخخخخخخخخخخخ عشان عيالي يشققون الاوراق وتصير عفسه …
يلا بعد نبي من حركاتج …
بدعي
شكرا حبوبه عالفكره و نتقرب المزيد من الأفكار
موفقه …
الناس والله هذي الاشياء الي تفرح ومنكم نستفيد وسلامتكم
فكرتج حلوة يعطيج العافية
عليج بألف عافية ياقلبي ويارب يوفقكم
اكييييد انتظروا الاحلى والاحلى(: سوري ماحطيت صور لانها من زمان وانا توني عضوه جديده اي شي جديد بصوره
انتم تامرون امر(:
فديت الرومنسيه والله جد جد غووووورقت عيوني …
فديت اليسا ….رحت احمل اغانيها ..
ياجماعه والله نسوي ويطلع منا حركات بس …. ( وين اللي يقدر…؟ )
جاااافين الله يسلمهم
الله يهنيج ويوفقج ..
يلا هذا زوجى يبغى يصلح الطابعه وله سنه ماسواها هههههههالله يعيينى بس
او لمايضبطها علا طول بحط صوورى واعلقهم وكلام حلووو يستاهل