|
|
خواتى انا تزوجت صغيره وحملت ويبت ولد وتالى بنت
والبنت الحين عمرها 18
بنتى مو محجبه وحلوه بس والله انها قمه بالاخلاق وعاجل ومخها كبير وتقولى يمه اذا يالى النصيب زوجى شنو يبى منى انا اقوله حاضر حتى لو بحجبنى
اهى خلصت ثنويه وسجلت جامعه وموبايل بس هالسنه شريتلها وغصب بعد
فيها شبه من هيفاء وهبى وشعرها لاخر ظهرها وضعيفه ونعومه
تعرفون شنو المشكله؟
المشكله انى ميته ميته ميته خووووف عليها من الزواج
خايفه ازوجها ويطلع مو زين—–
خايفه بنتى عقب ماربيتها وانا عارفه اخلاقها عدل تنصدم بواحد يأذيها
خايفه حدى يابنات
بنتى العوده وماعندى غيرها
ساعات اقول مانى مزوجتها من اللى اشوفه بصبيان هالوقت
شسوى بموت من التفكير من خوفى على مستقبلها
كلمونى وقولولى شسوى؟
وشكرا لكم
حبيبتي خوفج على بنتج طبيعي وكل ام تخاف على بنتها وتحاتي مستقبلهااا
حبيبي دايما ادعي لبنتج ان الله يرزقها بالزوج الصالح لان دعوه الام مستجااااابه ودام بنتج تسمع كلامج وباره فيج اكيد
الله بيعطيها على قد نيتهااااااا
ومثل مااهية بتصلي استخارة انتي بعد صلي
كلنا اهلنا كانوا خايفين علينا ومعاهم حق الصراحة خاصة هالوقت
بالعكس استانسي ببنتج وان شاءالله الله يرزقها بولد الحلال اللي ينحط على الجرح يبرى، وترى في منهم وايد
وليش هالنظرة السودة فديتج؟
(الطيبون للطيبات) والله انا اكثر وحده كنت اخاف من شباب هالوقت
بس دايما كنت ادعي انه ربي يرزقني بواحد خلوق وعلى نياته مثلي .. والحمد الله حصل
بكل صلاة وبكل وقت ادعي لبنتج انها تتوفق مع واحد زين يدللها ويحطها على راسه .. وعسى الله يحفظها من خياس شباب هالوقت
ارقيها بالرقية الشرعية دايما وادعي لها .. ودعوة الام مجابة بإذن الله
ان شالله تشوفينها عروس وتشوفينها عيالها
مهما كانت البنت حلوه او جيكره نصيبها بياخذها وان شالله نصيبها يكون ايل تبوونه يارب
وكل واحد ياخذ كتبت ربه
تقدرين اتقولين الموضوع من غير ما توصفين ويه بنتج ومنو تشبه وشعرها لي وين ووين تدرس ومن وين متخرجه
|
المشاركة الأصلية كتبت بواسطة ام جبولي
 ادعي لها ان يرزقها بالزوج الصالح ويوفقهاا على طووووول ادعيلها ترى دعاه الام مستجابه
|
انا معاها
خليها تكمل دراستها لانه الدراسه صدقيني بتنفعها اكثر من الزواج بمليوون مرة
شيل هالافكار السودة من راسج و خلج متفائله
و لا تخلينها تفكر بعد اهيا بالزواج
خليها تعيش حياتها حالها حال هالبنات اللي بسنها تشوف دراستها و بعدي عنها افكار الزواج و مادري شنو
و اذا ياها النصيب الزين و اللي ما يطوف هذيج الساعه لكل حادث حديث
ليش تسبقين الاحداث !
|
المشاركة الأصلية كتبت بواسطة eng.meema
سوري بس احس هذي ( خطبه ابطريقه غير مباشره )
تقدرين اتقولين الموضوع من غير ما توصفين ويه بنتج ومنو تشبه وشعرها لي وين ووين تدرس ومن وين متخرجه |
اختى النيه الصافيه الحمدلله موجوده لما كتبت الموضوع عن بنتى
والحمدلله اهى عمرها 18 مو 38 عشان اخطبلها من النت
كتبت الكلام بعفوية ام لاغير
وانتوا خواتى حبيت مساعدتكم لا غير
وعادى اختى انتى ليش متضايقه يعنى محد تزوج عن طريق خطابه
المهم النيه ومشكوره على مداخلتج المفيده
وترى دعوتج مستجابة وربي يوفقها
بعد اذا تزوجت مو زين هاذي خيرها ولي الله كاتبلها ياه
وعسى ان تكرهوا شيئا وهو خيرا لكم …
كثري من الدعاء وبس …
حرام توقفين نصيبها بسبة خوفج …
الله يوفقها ويرزقها الزوج الصالح الي يقدرها ويخاف الله فيها
اهم شي ادعيلها ان الله يكبر حظها و يرزقها الزوج الصالح هذا اللي بيفيدها