السالفة تنقلب علي

السلام عليكم 00000

بنات اذا زرت حمولتى نقعد نسولف ونتغشمر مع بعض المهم من السوالف يبنا طاري الزواج

قالت حماتى تغشمر متى بتزوجين بنتج طبعا بنتى صغيرة عمرها 3 سنين قلت ماراح الزوجها الا لمن تخلص

دراستها والا بزوجها واحد غنى عندة فلوس وسفرها كل مكان طبعا كلها سوالف وغشمرة مو صج وكل وحدة من

حمواتى تقول شنو تتمنى حق بنتها طبعا هذا الحجي مرت حماي مو موجودة

ومرة انا قاعدة ويا مرت حماي تفاجاة تقول حق حماتى يعنى نغزة حقي الوحدة اذا بتزوج بنتها مادور علي الفلوس

دور الرجال الكفو انا استغربت عرفت عرفت اهم قايلين لها كل شى 00000 كل ماسولف معاهم غشمرة قلبو اسالفة علي

ومرة كنت رايحة السحب فلوس من البنك بعدين خذيت الفلوس ونسيت البطاقة وبعدين واحد نادانى وعطانى البطاقة

رحت عند خالتى زوارة ولا اقول حق خالتى شنو صار معاي بالبنك جان دش بنت اختها جان تقول لها شفتى مرت ولدي الدايخة ناسية بطاقة البنك وضحك اسلوبهم واهم يسولفون حدة سخيف

ومرة كنت السولف عن بنت خالهم اقول وايد تغيرت شكلها كبر شوي راحو وصلو لها الحجي 0000

الحين كرهت السولف معاهم او التغشمر الحين صار لي مدة الزورهم بدون سوالف اقعد واطالع التلفزيون وما اطول

بسرعة اطلع 000 لان كل كلمها اقولها اتحاسب عليها شنو الحل الله يخليكم 00000

يعنى مو حلوة اقعد معاهم ساكتة

الله يهدي سركم
بس دايم اخذي حذرج بالكلام
يعني الكلمه حسبي لها الف حساب
كوني شبه رسميه معاهم
كله يوم واحد بالاسبوع فيعدي ان شاء الله على خير
لاتحسسين ترى الكل صار جذي مو بس اهل ريلج صدقيني
بمجتمعنا صار شي عادي وروتين عندهم
فلازم ناحسب نفسنا ع الكلمه قبل ما ننجرح من حولنا

حبيبتي اذا كان الكلام من فضه فالسكوت من ذهب
لاتسولفين معاهم مدامج مقروصه منهم وااايد بس شاركيهم السوالف الي يقولونها وخلي سوالفج والمواقف الي تصيرلج حق صديقاتج و اهلج

زين سويتي خلاص لاتسولفين إلا بشي رسمي لاتغشمرين دام السالفه مطالب

زين اشوة انج عرفتي طبعهم
عشان تتحذرين بالكلام
ومو كل شي يصيرلج تقولينه ولا كل شي تفكرين فيه تقولينه
خاصة ان الكلام تتغير تفاصيله لما ينتقل من شخص للثاني
ويمكن يوصل بسالفة ثانية ،، مثلا انتي قايلتها على غشمرة
تنتقل على انج قايلتها جد وانج جنج متحلطمة

صيري رسمية
وسولفي السوالف اللي ما تأثر لو تم نقلها

لاتتكلمين الا بالرسميات واشياء عامه اريح لج

مشكورين علي الردود شكلي خلاص معاهم رسمية الله يوفقكم دنيا واخرة

نفس الي كنت بقوله

خليج منهم في ناس اذا ماعندهم سوالف قعدوا يضغطون بعض

فزين سويتي خليج رسميه بالتعامل معاهم وصدقيني انتي الربحانه

البنات ماقصرو قالو الي كنت بقوله

لاتندمجين بالسوالف وياهم وعطيهم على قد عقلهم

ومو كل شي يصير وياج تروحين تسولفين فيه

وحطي لنفسج شخصيه قويه وان افكارج راقيه مثلا يعني لو احد سألج شنو بتزوجين بنتج

قولي دكتور ولا مستشار ولا سفير ولا امير يدللها ويرزها ومرت حماج لما تقول عن الريال قولي لها صاجه معاج حق اهم شي الريال

يعني لاتصيرين حساسه على كل شي

واذا على سالفه البنك اذا طحتي بلسانج رقعي حق روحج قولي اشوا مانسيت البطاقه من كثر ما المكينه بطيئه

وبعدين اهل الريل كلهم جذيه عينهم على الجناين يعني تيك ات ايزي

انا اقول خليج ساكته احسن اعرف هالنوعيه
انتي مو بحاجه انهم يسمعون سوالفج صدقيني في ناس يدورون الزله ويبون يتصيدون اي كلمه ويفسرونها على كيفهم
موفقه ,,,

الله يعينج عليهم

حبايبي ماقصرتو

؛
؛

عدل كلامها

خلاص دام عقلهم صغير و كل سالفه يقعدون يكبرونها و اهي ما تسوى خلج رسميه شوي ولا تسولفين شيصير معاج جدامهم

؛
؛