|
يابنات انا زهقت
الموضوع هو زوجي
زهقني طفشني ماادري احس لزقة وحارمني من بعض الشغلات
قبل من بعد عرسي ب 6 شهور زعلت عليه ورحت لبيت اهلي المهم قعدت 3 ايام وبثاني يوم رحت مع خواتي الصالون وقصيت شعري ودقت علي عمتي وقالت عشا بنتي تعالي وتوهقت قلت الحين حريم حمواني بياخذونها فرصة بحجون عني المهم دقيت على زوجي ورجعت بعد وعود وعهود والحمدلله تغير بس يوم جيته قلت يا فلان شوف شعري قصيته عصب قال متى وشلون قلت يوم ازعل ثاني رحت الصالون زعل وطنقر قال ليش ما تبلغيني انج بتطلعين قلت انا زعلانة شلون ادق عليك ومنها حرمني اني اروح مع اهلي لاي سوق او صالون تضايقت وتكدرت وقلت مايخالف تحملي وصار اهو يوديني ويجيبني السوق الطبيب الزيارات بس تدرون الرياييل يزهقون بالسوق والزيارات مرات ودج تروحين مع اهلج وخواتج وناسة عقبها حملت زاد غلا اهلي حيييل لدرجة ماتصورون وكرهت بيت اهله من الوحام واكلهم حتى الطبخ صار مالي خلق اول شهر ونص من حملي تفهم وضعي الحين انا بالشهر الرابع ومليت زهقت الطلعات بالحنة يلا اطلع قبل اسبوع اختي ولدت المهم قالي شوفي بقطج عند باب المستشفى قلت اوكي وانا مستغربة قلت لا كلامه مو طبيعي جان يطالعني ويضحك قلت شفيك قال انتي من صجج بخليج راح اوصلج بنفسي لغرفة اختج قلت ادري ماتغيب عنك هالسالفة وتخيلو قعدت عند اختي ساعة والا يدق يلا امشي قلت بقعد عند اختي واهلي شفيك عيب اروح قال مالي شغل امشي اوديج بيت اختي قلت يافلان عيب قال انا عند البا المهم الجمعة رحت لاهلي وتدرون بجر ومستعجلة بعرف اذا بنت او وولد دقيت عليه قلتله تكفه ابي اسوي سونار قال لا قلت اروح مع اهلي قال لا انا زهقت مو لهالدرجة حكرة جان اخذ اختي واروح اسوي سونار حوبته قال الياهل مسكر رجوله قالت اختي تكفين ابي امر السوق دقيقة ابي جم شغلة قلت اوكي مانطول رحت وشفت خامات وعجبوني حق البيت وقصيتهم واختي راحت تخلص اشغالها سبحان رحت الحمام تكرمون حق السوق ولا زوجي داق قال وينج قلت بالحمام قال دقي من بيت اهلج ابي اتاكد انج بالبيت انا انجنيت دقيت على اختي وطيران على البيت وطول الطريق يدق وانا احقر لمن وصلت البيت دقيت من البيت قال انتي تجذبين علي قلت ما اجذب قال امبلا بجي بعد شوي ابي احلفج بالقران انا سكت وتوهقت صحيح اني غلطت اني طلعت من غير شوره بس زهقت من الحكرة المهم رجعت البيت معاه قال حلفي قلت لحظة ووريته ورقة السونار قام وعصب قلت شفيك انا علمتك وانت ترفض جم مرة اطلب منك ابي سونار وانت ترفض حس فيني ابي اعرف شنو اللي ببطني المهم طنقر ابو نص ساعة بعدين رضا وطاح الحطب بس الحين يوووه زادت الحكرة شوي انقثيت يابنات ادري اني غلطانة بس اخخف من حكرته مليت من بيت اهله كله ضيقة خلق وبيت اهلي وناسة عندهم اختي نفاس وكل يوم حريم واهله كلش ما احد يزورهم حتى استخصر افصل شي جديد لهم لانه نفس الناس حتى بالعيد اكشخ ومن حريم واتعب واقط على روحي ما احد يجي لا بنات عم ولاعمة ولا بنات خالة مقطوعين بس حمواتي وحريم حمواني العيد عندهم ضيقة خلق بينما اهلي وناسة وبنات عمي وعمتي وبنات خالتي وبنات خالي والعمات والخالات ووناسة بس اهو مايخليني اطلع واجد مليت زهقت ودي اروح مع خواتي للسوق نختار مع بعض او اطلع معاهم واتونس او ازور احد وياهم وناسة مع امج وخواتج عكس اهله اللي مايطلعون كلش من البيت يابنات مليت جيت بالتفاهم ماكو فايدة جيته بكل الطرق ماكو فايدة حتى رفيجاتي مانعني عنهم اللي تولد واللي تتزوج ويعزموني يقول مو لازم انا اولى منهم تكفون شنو الدبرة مليت من الحكرة
ادري طولت بس هذا شوية انصحوني
انتي غلطاانه لانج تطلعين من غير شوره،، حتى لو قولتج حكره لاتطلعين من غير شوره،، الملائكه تلعنج من تطلعين لين تردين،،
وهو صااير حكره معااج لانه صاير مايثق فيج عشان جذيه مايخليج تطولين عند اهلج يخاف تطلعين وماتقوليله،،
الحل حبوبه،،
انج تكلمينه بتفااهم وبدون هوااش،، كلام حلو،،
قوليله انا احلفلك على القران اني ماطلع الا لما استاذن منكـ
بس انت ارحمني ابي اطلع واستاانس يكفي نفسيه الحمال،،
تفااهمي معااه بود وكلام عقلاني،،
لاتزعلين من كلامي،،
انتي حددي معه يومين بالاسبوع تروحين حق اهلج
وكلميه بكلام واسلوب حلووو وانشالله ربي يهديه ويسخره لج
انا معاج بس من قبل لا اسويها هم كان حاكرني انا ماسويت وطلعت الا من زهقة ودايما كلمة لا عنده بس انا طلعت الا عند الطبيب مارحت مكان ثاني والسوق عشان اختي فهمتي الحين
المهمم جابت اول ولد وثاني ولــد وربي لاتششوفينه الحين والله مايدري عنهاا هو اربع وعششرين سساعه برا وإختي عبايه الراس قطتهاا وساقت سسسيااره وتطلع وتجي حتى ما تسستآذن منه معطيها الضووء الاخضضر ~
دايم الرياجيل اوول سسنه جذي بعدين عاادي يطخوووون
تحمملي ششوي انتي تووج متزووجه حيااتي الله يهووون عليج وتوولدين بالسسلاممه ~ عاد ممماقلتي ششنو طلع بالسسونـآر بنت ولا ولد خخخخخخخ
انتي مو تطلبين كل يوم تطلعين >> وقبل لا تطلعين اي مكان او تزورين حددي معاه الوقت اللي تبين تقعدين فيه يعني بتزورين اهلج بوسط الاسبوع قوليله وصلنى لهم من الساعه مثلا 5 العصر وتعال بالــ 9 تكونين ارتحتي واستانستي
واذا بيت اهله زهقه عزمي رفيجاتج عندهم مدري انتي بشقه او بغرفه >> بس اذا عزمتي رفيجاتج قوليله لازم ارد الزياره ما يصير يزوروني وانا قاطعه فيهم
شي مقابل شي بالطريقه هاذي تكسبينه ويعرف انج مو بس تروحين للناس لا هم بعد يزورونج
واذا على السوق قولي له ابي راي اختي وتواعدي مع اختج بالسوق وخليه قاعد ينطر باي كافيه لين تخلصين وانتي تسوقي مع اختج ولي خلصتي روحيله
اشوي اشوي على الزوج >>> انا مريت مثلج باول زواجي حتى السياره اللي كنت اسوقها ببيت اهلي باعها ، ومع الوقت اهو شرالي سياره
الله يهون عليج ويرزقك بالذريه الصالحه
استحملي اهو يغير وايد وهذي من محبته لج
يمكن لان الحين توكم بالبدايه ف استحملي لين يطخ شوي
وتره النساه لها دور في الملل وضيقه الخلق
و تره مو مهم تطلعين
خلي خواتج ايونج ولا رفيجاتج
غيري جو معاهم
تره اليمعه حلوة وراح تنسين الضيقه
تخيلي حملت على طووووول وابي اهلي ابي انام عندهم لو ليله يوافق لا جت الساعة 11 قال اطلعي انا عند الباب والله اقعد ابكي مع انه موفر لي كل شي ومونسني وشايلني بعيونه بس ابي اشتاق له شوي خخخ
عقب ما ولدت طخ شوي ومن يومها وهو الله هاديه لي ومسخره ما اطلب طلب الا يسويه بس الفرق بيني وبينش اني عمري ما طلعت عتبة الباب الا بشوره واذنه لو بروح الفرع اللي عند البيت وانتي اصبري مع الوقت والعشره بيتغير
وعسى الله يتمم لش على خير ويسعدش يا رب
تكفين لاتزعلين منى اعتبرينى اخت
وين تلقى الوحدة زوج يحبها ويخاف عليها ويحرص عليها ويوديها ويجيبها
انا وحده زوجي نادر تعرفين شنو نارد اركب معه السيارة كله مع السايق
والله انقهر لما اشوف المرة وزوجها في سوق والا جمعيه والا طبيب
اتمنى انه يودينى بس ماقول الا صبر زين ومصير الايام تغيرة افهمى والله مع الايام يتغيرون
وبعدين تقولين وناسة عند اهلك ترا ذالوناسة مؤقته اختك مصيرها تطلع من النفاس
وتروح لزوجها حبيبها والجمعات موكل يوم ولو لاسمح الله رحتى وقعدتى عند اهلك كم اسبوع
والله بتملين وتحنين لغرفتك وزوجك ومكانه لان فيه استقرارك
كبري عقلك ودايم تعوذي من الشيطان
وبكرة بيجي النونو ان شاء الله وكل شي بيتغير
ودي اعرف ليش الوحده ماترضى بقسمتها ترا حنا احسن من غيرنا
انتى متزوجه وغيرة ميته تبي زوج يستر عليها وغيرنا سنين وهي تدور الضنا وحنا ربي رزقنا من او عرسنا
وفي نعم يالله لك الحمد كثيرة بس وين اللى تحمد
اختى حبيبتى انتى لاتنظرين له من منظور انه حكر او صاك على
قولي انه يحبني ويخاف على ويبى خوتى معه فكل مكان
تراك في نعمه يابنت اعقلي واركدي
ونبي اخبار حلوه ياحلوة