موقف صار معاي اليوم شاركونى وتعالو نسولف

موقف صار لي اليوم صج وترنى معنه الموقف عادي ويصير كل يوم

السالفه ياطويلات العمر

انه

اليوم رحت الجمعيه انا وامى .. ولا في واحد لاحقنى اووووووووف << لين الحين متوتره
ماعطيته ويه ولا حتى تكلمت بس اروح من مكان لي ثانى … ابيه يفهم انه فج الله يهديك ويبعدك عنا
انزين افهم ليش جذي اللزقه..
المشكله انه مايفهم ظاهر كل مكان اروح له يلحقنى ويقرب منى ويتكلم .. واختككم بالله عاطيته الطرشه .. مادري شنو يقول .. بس ريكشن االوحيد الى سويته امشي بسرعه واطالع جدام .. مخترعه ومتوتره
صراحه خفت منه وايد
بنات
اهو ريال جبير يعنى بثلانينات .. واكيد متزوج لانه جبير .. انزين ليش هلحركات بس افهم ..
لاء والى يوتر زود غير انه امى معاي .. صادف انه وحده نعرفها وبنتها معنا .. طبعا فضحتنى المكان كله عرف اسمى وسبه هلبنت .. وطبعا انا ماعرفت اتكلم ولا اتصرف عدل << طقها عقر بقر
لاء ويوم ياس يعنى قام يلحقنى من بعيد.. جان اسوى حركه ابيه ينحاش ..طلعت التلفون ع اساس بكلم احد جان يخترع ويروح .. بس مامشت عليه الحركه رجع يلحقنى
واللله توترت حدي .. لين الحين احس متوتره
لاء والى زاد وغطا لحقنى لين السياره شوى ويركض وراي ليش بس بفهم .. حق شنو هشباب يسون هلحركات للبنات
وتهاوشت مع امى بس رضت علي عقبها .. احس انها عارفه المووضع امى ماتدخل بهذي المواضيع عندها الحقران يقطع المصران ..محد توتر وتقطعت اعصابه من التوتر غيري ..

نسيت اقولكم وانا عند الكاشير .. كان واحد وراي جان اخترع وقطيت الى بايدى لووووول شر البليه مايضحك ..
ولا اهو محاسب وناطر عن باب الجمعيه ويتبوسم لي .. مالت عليه .. حلايا ويهة << الحين وين الحجى من ساع

بنات ودى اسئل الشباب ليش يلحقون البنات ..

البنت دام انها ماشيه سيدا لاتطالع يمين ولايسار ولا ملفته لنظر اقصد مكياج ولا لبس ضيج لابسه عبايه .. ليش يلحقونها .. لاء وكلهم متزوجين او اغلبيتهم اهم الى يسون هلحركات ..
صار موقف لاختى نفس الشي .. تعرفون اخر شي طلع منو .. الكاتب الى بمستوصفنا الريال متزوج وعنده عيال جايفتهم وياه بالسوق .. حركات بايخه صراحه ..
شنو يبون هشباب افهم .. بنت لاتبي تاخذ رقمك ولا اصلا عطيتك ويه شتبي فيها ليش مايحترمون نفسهم ..
لهذي الدرجه يعنى .. محرومين ولاعبط ولا شنو سالفه الشباب الله يهديهم ويسخرهم لحريمهم .. امييييييين