|
|
سلام للكل – شلونكم انشالله بخير
في موضوع شاغل بالي هاليومين
مرات نسمع قصص حب وتتم بالزواج (الله يهنيهم ويسعدهم يااااااارب)
هالقصص من الصديقات او الاهل او غيره – اكيد كل وحده فينا سامعة جم قصة شلون الوحده تعرفت على حبيبها وخذوا بعض عن حب والله وفقهم بحياتهم
اسفة طولت عليكم بالمقدمة
سؤالي اهو اذا كان الشاب حاب يتعرف على وحده شافها واعجبته – شلون احنا يالبنات نعرف ان الشخص هذا صج يبي يرتبط وقصده شريف؟؟؟؟؟
يعني شلون اعرف اذا مو نوعية من الشباب بس يبي يكلم ومغازل ويلعب مع البنية وبعدين يمل منها
قصدي شلون اعرف ان نيته صافية ويخاف الله ومو من الشباب اللي يبي يلعب!!!!!!!!!!
ادري سؤالي صعب بس انا ماعندي خبرة بهالمواضيع – فحبيت انكم تفيدوني من خلال خبرتكم بالحياة
وايد من البنات اعرفهم تعرفوا على شريك حياتهم وصج كانوا قصدهم شريف والله تمم عليهم
بصراحة انا صارت معاي موقف – مع شاب في مكان عمل كانت عندي معاملة وعقبها دزلي مسجات (طبعا لان بياناتي موجودة بالمعاملة) من غير ما اعرف ان اهو (اساسا انا ماكنت منتبهة عليه لاني ماشفته عدل)
المهم – دزلي مسجات وفهمني انه يبيني وقصده شريف وحاول انه يتصل علي ويكلمني بس انا رفضت
بصراحة كنت حدي خايفة وماعندي خبرة – وماكنت ابي استعيل
فرفضت انه يكلمني بالتليفون – اهو يعرف اسمي بالكامل وتاريخ ميلادي
انا عبالي اول شي انه اهو الموظف اللي سوالي المعاملة – بس اخرتها اكتشفت انه مو اهو!!!!!!!
اكيد تسئلوني شلون عرفت! سئلته عن اسمه وعمره طلع غير الموجود بالمعاملة!
من صارحته قاللي انه اهو زميل الموظف اللي كنت يايه عنده!!!!!!!!!!!!!
حسيت انه خدعني من البداية!!!!
تضايقت من الحركة!!! قتله ليش سويت جذي قاللي كان خايف !!!!!!!!!!!!!!
اذا اهو الريال خايف على نفسه حتى اسمه ماقالي اياه في البداية وانا عبالي موظف ثاني طلع زميله
واهو عارف اسمي بالكامل وتاريخ ميلادي
طبعا ماقمت ارد على مسجاته لان ما احب احد يخدعني
مادري انتوا شرايكم باللي صار معاي
انا ماعندي خبرة بالمواقف هذي
حبيتكم تفيدوني وتنصحوني
طبعا اهو خلاص ماقام يدزلي مسجات لاني ماقمت ارد عليه (صارله فترة اسبوعين)
فحابة اعرف اذا صارت معاي موقف مشابه شلون اعرف ماية الريال
واسفة اني طولت عليكم بالسالفة
قوليله اهلي موجودين انا ماراح اكون علاقه معاك
و خلي اهلج يسألون عنه
والله مادري عنه لانه كان يحن يبي يكلمني بالتليفون حسيته وايد مستعيل – والشغلة الثانية تضايقت وايد من جذب علي باسمه!
ماكنت ادري شسوي يومته –
المهم مشكورين على الردود الحلوة اللي صج تسعدني
وساعتها فكري واستخيري واسألوا عنه والله يكتبلك اللي فيه خير
بس تدرين ضحكتني بدليتك بالعنوان خخخخخخخخخخخخخخخخخخخخخخ
اي والله لاحظت البدلية حاولت اعدل العنوان بس ماني عارفة شلون!!
والله انا مابي اتكلم بموضوع الحب ولااعمم الكلام على الجميع
لكن الي يطلب تلفون وانه يكلمج عادي يطلب شوفتج وانه يطلع معاج اعرف بنات وايد على هالحال
وتزوجووا من بعد زواجهم يقولون اي طلعنا وكانت احلى ايام ولي قلتي حرام يقولون الحين التلفون موحرام الطلعه حرام؟؟
خوو اقصاها طلعه ماسوينا شي وبعدين خلاص تزوجنا والله يهداهم ينشرون سوالفهم بين البنات والبنات يتأثرون
زين فرضا عقب كل هذا ماتزوج وطلع يلعب؟؟؟ يفترض تحطين هالاحتمالين وتشوفين اذا انتي هالجو يلائمج ولالا
نصيحه لاتخلين الموضوع بينكم يكبر بالطريقه هذي وقولي راح ابلغ اهلي ان تماديت انا بنت عايله تبي تعال من الباب
انتي مورخيصه وعرفي قدرج 
صراحه هذا شكله بيلعب لانه ماكان صريح معاج من البدايه وجذب بأسمه ولو صج غرضه شريف مايجذب بأسمه ؟
ومايبدي جذي
هذا عطيه بولباس .. وشلون نعرف ابو غرض شريف انه يكون واضح ويطلب منج تليفون ابوج ويصير معاج محترم ومايطلب مكالمات وخرابيط
الله يوفقج ويستر عليج ياارب
وأكيد ما فيها بركة
والله يوفقج
خلي الموضوع عليه واذا يبيج صدقيني بيخطبج
خلاص تركيه ولا تردين عليه عشان تكبرين في عينه بعد
مشكورين وايد وايد وايد على الكلام الحلو اللي صج حسيته طالع من القلب ومشكورين بعد على النصايح الحلوة صج صج صج استانست من الردود – الله يعطيكم العافية – حسيت ان عندي صديقات ينصحوني ويوجهوني
ودي نتواصل مع بعض دايما ونكون صديقات
انا مو دايما اشبك بحكم وظيفتي وبالليل اروح الجامعة بس انشالله اذا في فرصة مناسبة نتواصل دايما مع بعض
مشكورين خواتي