زوجي يبيني أخذله قرض ؟ عطوني رايكم بالموضوع

شلوونكم بنات …. كلمني زوجي امس عشان أخذله ( 5 ألاف ) …
مع العلم زوجي مو مقصر معاي ولا مع عياله من طلعات ولبس وسفر كل سنه … وفي شهر1/2010 جتني ولادة متعسره والبيبي دخل الشيشه 5 ايام وكنت في مستشفى خاص وكانت ليلة الحضانه 75 دينار من غير العلاج … طبعا من غير ما يقولي باع سيارته عشان ما يحتاج حق أحد وكان المسكين توه مخلص اقساطها وخله سيارتي يسعملها … لأن حساب المستشفى طلع عليه 1640 دينار … عاد كلمني أمس عشان القرض حق يرتب الأمور مره ثانيه ويدفع مقدم يشتري سياره وقالي ألف نسافر فيه …. طبعا انا أختصرت واايد لكن هذي صورة مختصره …. عطوني رايكم

كنت داخله باقوولك لاااااااااااااااااااااااا
بس صراحه كني غيرت رايي
1- هو مو مقصر
2- قدم تنازلات كثير عشانكم وضغط على نفسه
3- المبلغ مو كبير
استخيري وعطيه مو حلو يحس ان كل اللي يسويه مو مبين بعينك
وموفقه

دامه ريال يستاهل مومقصر معاج وسنع فيستاهل بس انا وايد اخاف من سالفه القرض انتي تعرفين ريلج اكثر والله اذا اهو ماعنده سوالف مني ومناك استخيري وشاوري احد والله يكون بعونج

انا اشوف ان زوجج يستاهل وهو الحين بحاجتج لا تخلينه يحتاج غيرج

زين يا معوده خمس الاف ما طلب وايد

وما بين الزوجين فلوس دام بينكم عشرة وعيال

ومحبة الله يتمم عليكم ,,

ودامج بتفجين ضيقته مافيها شي ابو عيالج

ولا تنسين انه المراه اذا عطت لزوجها شي ينحسب لها صدقة

عن رب العالمين ومدامه ما يبي يلعب فيهم تجارة او خرابيط

ويبي سياره وسفر لكم لو انا مكانج ما امانع

>>>> راي شخصي

نفس ماقالوا البنات,,,مومقصر معاج لو منج آخذ بدون تردد,,,

يستاهل .. ترى غيرج طقو 20 و 30 ألف .. على رياجيل مو كفو .. من قبل وهي تصرف على عمرها وتالي طقتله قرض وأعرف واحد

أخذ بقرضها مهر للمره الجديده ..مهر مرته .. 8 ألأاف ؟؟ من العشرين اللي عطته إياهم ..

وهو بو عيالها وله من نص درزن ..

بس اللي باع سيارته عشانج . ترى مو شويه رجال يقعد بدون سياره ..

والله انا اشوف انه يستاهل الصراحه تاخذين له هالقرض

يعني منو اللي يفكر يبيع سيارته عشان ما ياخذ من احد!!!

ما اقول الا الله يهنيج فيه و يتمم عليكم

بصراحه دمعتي نزلت لما شفت الردود جزاكم الله خير … وللعلم يا بنات ترا زوجي مو من النوع الي كله بره البيت وما يروح الدوانيه ويسهر فيها الا اذا كنت نايمه في بيت ااهلي واذا كنت عنده ما يتاخر عن الساعه 10 ويجي يركض اذا احد من عياله يبون شي او فيهم شي وعمره ماقالي لأ … زوجي من تزوجنا قطع السفر مع ربعه وصارت السفر كله معانا ….

انا قريت عن استشاريه تحذر الف مره من هالشي

صح يستاهل بس ماتعرفين شنو مردوده عقب استخيري احسن

ماشاء الله مو مقصر فيج يستاهل والله مافيها شي اذا المره ساعدت زوجها مو عيب ولا حرام
لو ما يعطيج ولا يصرف لا والله لا تاخذين

والله راح تطلعين بمنظر مو حلو اذا رفضتي لانه عيب عليك هالشي
وزوجك يستاهل ومهو مقصر معك عشان تحتارين

مهما كانت ظروفه .. المفروض ما يطلب منج لأن الريال ما يرضى على زوجته تشيل قرض وتدفعه كل شهر ..
حتى لو كان زلن معاج و يصرف عليج و باع سيارته علشان ضناه هذا شي من واجباته والتزاماته لكم
يبي منج قرض وانتي تدفعين اقصاده ؟؟ لا حتى اهوا يشيل الاقصاد؟؟
اشوفها وايد صعبه والقرار لج

نسيت أقولكم ان زوجي عليه قرض من سنة 2024 كان مرافق أمه للعلاج بلندن و باني الدور الثالث لي لان أحنا ساكنين في بيت أهله وسيارتي جديده أهوا الي يدفع أقساطها … لأن خفت تسألون ليش ما ياخذ قرض على معاشه .

والله اني داشه بقول لا لا لا

بس لما قريت الموضوع غيرت رايي والله رجالج امبين من كلامج انه مو مقصر معاج يكفي بيعته لسيارته عشانج
وألحين هو محتاجج عطيه وربي يستاهل و5 الاف شويه عليه والله
ولو انا مكانج من أول ما طلعت من المستشفى وعرفت انه باع سيارته عشاني والله أروح واشتريله موديل هالسنه من السياره اللي بخاطره وادفع مقدمها واقساطها علي صججج يستاااااااااهل هالرجال
الله يخليه لج ويسخركم لبعض ويبعد عنكم عيال وبنات الحرام
نصيحه يا اختي رجالج هذا حطيه بعيونج لانه نادر بهالايام الله يخليه لج ويخليج له