اعترف اني اخطيت من دخلت هالقسم _الله يسامحكم بس _

السلام عليكم ورحمة الله وبركاته

يابنات انا بتكلم بصراحه عن هالقسم اللي بيدمر حياتي للأسف انا كنت دايم اقرا بهالمواضيع اللي بقسم الحياة الزوجية وبعض البنات الله يهديهم طايحين سب في ريياييلهم وتطنز وحش ماله اول وبعض البنات يحرضون بنات على ازواجهم ليش يغلط عليج وليش يسبج وليش تسكتين عنه وكلام اللي يسمعه كانها تتكلم عن عدوها مو ابو عيالها شريك حياتها

انا للأسف اني تأثرت في هالتفاهات من غير ما ادري ونسيت حديث الرسول صلى الله عليه وسلم اللي يقول فيما معناه ( انه لو في احد يسجد له غير الله كان امرت المرأة ان تسجد لزوجها ) هذا من عظم حق الزوج والحديث الثاني ( ايما امرأة ماتت وزوجها عنها راضي دخلت الجنه )
الزوج له كل الاحترام والتقدير مهما سوا حتى لو اخطأ انتي تقدرين تخلينه يعتذر منك ويحس فيك ويحبك بأدبك معه واسلوبك السنع واحترامك لنفسك
اويلي بس من ربي استغفرالله من غبائي تأثرت في بعض السوالف الماسخه التافهه اللي هني

انا الحين حياتي شبه مدمرة ومشتته وكنت قبل من احسن مايكون بس من غبائي اني كنت مطيحه بهالقسم اللي بعض البنات الله يهديم خلوه سخيف بردودهم ومواضيعهم وانا اشهد اني كنت ضعيفه لأني تأثرت بالخرابيط

عسى الله يهديني وترجع حياتي احسن من قبل ويهديكم يابنات ويسخرلكم ويفتح علينا وعليكم ابواب الرحمة والمغفرة

الله يوفقك ويسعدك حبيبتي
وترجع حياتك احلى من اول

الله معاش

؛
؛

الزين والشين موجود بكل مكان بالدنيا مو بس بهالقسم

مفروض ما تتأثرين بأي شخص

الله يعدل امورج

؛
؛

الله يخفف عنك وترجع الامور للاحسن

حبيبتي كل الاقسام فيها الزين وفيها الشين وانتي لازم تعرفين انج ما تتؤثرين بأي كلام .. في رياييل صج ما ينسكت عنهم مو معقولة في حريم يطقها ويدوس على راسها ويسبها ويسب اهلها واهلي تبتسم وتضحك مايصير لازم ينردع !! اعرف بنات بعمر الورد تزوجوا رياييل رايحين فيها ولعوزوهم ماخافوا الله بهالبنات الصغار مايصير الزوجة تسكت على كل شي حرام !!

وما كنتي المفروض تطيعينهم بالشين واللي تعرض موضوعها تييها ردود كثيرة منها الزنيو منها الشين عليها انها تختار الاخف وواذا ما ما فاد تخنار الاقوى ثم الاقوى ودام ان حياتج كانت حلوة على اي اساس تتؤثرين بالكلام !!

عفوا بس مالج حق تلومين البنات بجريمة مارتكبوها وسامحيني على الهجوم بس انتي تؤثرتي بروحج وحياتج زينة انتي اللي ضعفتي وخربتيها

الله يردلج حياتج مثل قبل واحسن انشالله ولازم تنتبهين وما تتؤثرين بأي كلام ينقال

الله يهديج يعني مو كل الكلام تاخذينه و اطبقينه .. كل وحده تتكلم من خلال نظرتها لزوجها .. يعني في ازواج تمشي معاه النصيحه اللي نصحتج فيها عضوه من العضوات و في ازواج لا

المراد ان كل وحده تحكم عقلها قبل اي تصرف تتصرفه مع زوجها و هل يناسبها الحل هذا ولا لأ

والله يكون بعونك و يفرج عنج كربتج

الله اسخرلج ريلج يارب

الله يعينج

مالج شغل بحجي احد انتي سوي اللي يبيه ريلج وسمعي كلامه ماله داعي تتأثرين بكلام الناس

ولو غلط بحقج كلميه بأسلوب هااادي صيري بارده اهو بيحس بنفسه ويتأسف لج

بالضبط

الله يوفقج و ديري بالج مره ثانيه مو كل كلمه تنقال تصدقينها !

للأسف إنك ماتتعلمون إلا لمن تنقرصون ، الحمدلله أنا راضيه عن كل تعليقاتي إلي علقتها على كل مشكله بالقسم لأن الهدف بالنسبه لي جمع مو تفرقه !!

وإنتي الله يهداج شكو تسمعين بكلام كل وحده !!
أنا الصراحه مالوم البنات إلي يعلقون إذا الزوجه مهوله بالريال وقاعده تقول كلام اللهم ياكافي عنه إهي مومحترمته
شلون البنات بيحترمونه!!!!!!!

أكيد بيذمونه ويلعنون فيه ..

العيب بالمراه مو بالناس المره الي تطلع اسرار البيت هذي مومره
"الخلاف لايخرج من تحت اللحاف"

وأتصور حديث الرسول " المرأه ناقصه عقل ودين "
ماورد عبثاً

للأسف عقليات الحريم صغيره وايد عندهم الزواج مثل شرب الماي لا مسؤوليه لاإهتمام وماتحط العيب فيها
كله بريلها وذامته ماتدري إن سمعت الريال من سمعتها إهي وعيالها

باجر إذا كبروا وبيتزوجون تعالوا شوفوا إذا أحد سأل عنهم شيقولون أيي أمهم كانت تقول بلسانها ريلي وريلي!!
فشلون عيالها بيكونون يبا من النهايه الحب يطلع على بذره وتنتهي القضيه بالرفض!!
وبجذي تكونون قضيتوا على مستقبل عيالكم بلحظه طيش وبدون عقل خريتوا الاكو والماكو وزدتوا عليه بعد وبعدها بتندمون وبتقولون ماكنا نقصد!!
ذيك الساع ماينفع الندم طاح الفاس بالراس

يابنات كبروا عقولكم الله يهديكم وبسكم تفاهات ولعب خليكم جادين بالموضوع
عقدتوا الي اصغر منكم بالزواج والسبه مبالغتكم بالكلام وخربتوا بيوتكم وبيوت غيركم!!

مافي بيت بدون مشاكل لكن المره العاقل الي تصبر وتحتسب الاجر من الله
واكرر "جهاد المرأه حسن التبعل" مو بالعناد والملاسن!! والقيل والقال

ختاما أتمنى أن تكون رسالتي وصلت إلى العقوول لا إلى لاحياة لمن تنادي ..

الي كنت بقوله بالضبط

لا حول ولا قوة الا بالله ………………………………… هذا اللي كان قاصرنا

حبوبه الله يهداج …………… ويسخرر لج ريلج ان شاءالله

بس ماله داعي تحطين اللوم علينا

المنتدى يمثل تقريبا كل بنات الكويت من حضر وبدو وشيعه وسنه ومن متحررين وملتزمين ومن ناس هاي ومن ناس طايح حضها

وناس خبره وكلامهم ذهب وناس الله يعينا عليهم

انتي شلون تطبقين شي يمكن اهو مايناسبج ولا يناسب ريلج ولا مجتمعج

وربي الغلط منج انتي وبس وبساسفه على صراحتي بس هذا الحق

الله يسخر لج زوجج وان شاءالله شده وتهون

عن جد عورتي قلبي