|
|
السلام عليكم بنوتات
من وحنا صغار ونسمع هالمقوله خصوصا من اخوانا المصريين
لو دخل الفقر من الباب خرج الحب من الشباك
الى اي مدى هالمقوله صحيحه ؟
وفعلا اتحبين ريلج وتغلينه بس اذا فضى بوكه كرهتيه؟
او اتكون حياة الزوجين سعيده اذا الجيب مليان وبس يفضى تبدى النجره والصيحه؟
اتمنى اني اشوف تفاعلكم
عساني ماانحرم منه مو مقصر ولا شي ..
وكان يعطيه في آلشهر مبلغ مآبسوى شئ بس حق أكل وشرب وسآعآت ينسى بعد بس زوجي كآن يستحي يطلب منه
عشنآ أول آلشهور بصعوبه من نآحية آلصرف بس وآلله كآنت أحلى آلأيام ..
آلفلوس مو كل شئ أهم شئ آلحب وآلاحترام بين آلزوجين ..
وأنآ مآأأيد هآلمقولة كلش ^^
و إذا الوحده بتحب ريلها علشان فلوسه فهذا حب مصلحه وحب المصلحه عمره قصير
تسلمين حبيبتي عالموضوع الحلو 
المقوله تصدق اذا كنا نحط الفلوس غايه
اللهم نعوذ بك من الفقر
ياما مرت علينا يخلص المعاش امبجر((لاني لي الحين ادرس وما اشتغل )) ونقعد نيمع الخرده نص من هني وربع من هني عشان نروح شارع المطاعم نتعشى او نسوي اي شي وندور بجناطي ومخابي جينزاته ونضحك لوووووووول
جد لازم نكون مع بعض عالحلوه والمره
اكيد الحب والتفاهم والاحترام هو كل شي قبل الفلوس
بس الفلوس مكمله للسعاده الرجال نفسه اذا نقصته فلوس شوفي نفسيته
بس اني اكره لاخلصت فلوس لا الحمدالله ماني بنت فقر والحمدالله الخير وااجد
من قاال مقوله خطااا
احلى حب حب الفقااارة الحب مايعرف الفلووس
الوحده لما تحب شخص ضعيف ماديا معناها بالفعل تحبه من كل قلبها
لكن اللي تحب واحد غني تسال نفسها هل اذا خسر كل فلوسه وقعد عالحديده بتظل تحبه ولا بتتغير عاطفتها تجاهه؟؟
الفلوس مالها اي علاقه بالمشاعر الانسانيه والله لايجعلنا نربط محبتنا بالفلوس
|
المشاركة الأصلية كتبت بواسطة tamrabarney
 بالعكس الحب اللي مافي وراه مصالح هو احلى حب
صح كلامج عين السيح والله الوحده لما تحب شخص ضعيف ماديا معناها بالفعل تحبه من كل قلبها لكن اللي تحب واحد غني تسال نفسها هل اذا خسر كل فلوسه وقعد عالحديده بتظل تحبه ولا بتتغير عاطفتها تجاهه؟؟ الفلوس مالها اي علاقه بالمشاعر الانسانيه والله لايجعلنا نربط محبتنا بالفلوس |
صح كلامج مضبووط عمر الفلوس مااااتقيس مدى الحب والا اصبح حب باطل وانكشفت بعض الخيانات
والعياذ بالله
الـحـب مـا يـعـرف غـنـي ولا فـقـيـر
الـلـي بـتـحـب شـخـص تـحـبـه عـشـانـه اهـو مـو عـشـان فـلـوسـه
الـلـي تـحـب عـشـان الـفـلـوس هـذا حـب مـصـلـحـه ويـنـتـهـي مـتـى مـا خـلـصـت الـفـلـوس
امـا الـلـي تـحـب مـن قـلـبـهـا تـحـب الـشـخـص حـتـى لـو مـاعـنـده 100 فـلـس
يـامـا نـاس عـلـى قـدهـم بـس عـايـشـيـن بـسـعـاده
ونـاس غـرقـانـيـن بـالـفـلـوس عـايـشـيـن بـهـم ونـكـد