|
|
الســلام عليكم…
الله يعافيكم انا محتاجه مساعده..
انا زوجي ترك ربعه اللي دايما كان معاهم بالدوانيه.. تركهم عشان خلاص يبي يروح مع شباب دينين و ملتزمين
لأن ربع الديوانيه كلهم يدخنون وعاديين ويسمعون أغاني
واهوا خلاص ما يبي يدخن ولا يبي يسمع اغاني
بالمختصر زوجي يبي يتوب ويبي يصير ديين وملتزم..
و اهوا محتاج لشباب دينين يساعدونه..
اهوا يعرف واحد معاه بالدوام وايد ديين ومحترم.. بس لما دق عليه و قاله انا ابي انضم معاكم واييكم الدوانيه مالقى أي ترحيب من صاحبه.. وقاله انا ادق عليك إذا بروح,, و لي الحين ما دق من اسبوع تقريبا..
و زوجي محتار وين يروح وشنو يسوي؟؟
ما يطلع من البيت و بده الملل يدخل حياته
وانا خايفه يضعف ويرجع لربعه الخربانين وخايفه يرجع يدخن
اهوا يبي شباب دينين بس مو عارف وين يلقاهم او شلون يوصل بهم.. زوجي ضايع
يبي يهتدي بس مو عارف شلون!! 
فاللي ابيه منكم خواتي… اهوا التالي:-
اللي زوجها او اخوها ديين ومع الشباب الدينين تقولي عشان يتواصل معاه و ياخذه معاه
وأكيد له الأجر لأن بيساعده انه يترك الخراب ويصير صالح
و زوجي يتقبل الشباب الدينين ويحبهم بس مو عارف يوصل لهم
الله يعافيكم اللي تقدر تساعدني والله ادعيلها
و جزاكم الله خير
والله يعينكم ويعينها على فعل الخير
ويرزقكم بالذرية الصالحه البارة
اقترحي عليه يروح لشباب احياء التراث او شباب الاصلاح بالمراكز
اهوا ما يبي يروح مراكز شباب
يبي ربع و صحبه صالحه بدون مركز او توجه معين
يبي يروح دوانيه فيها شباب ملتزمين
مايبي لجان
عرفتي قصدي؟
ياقلبي انتي حاولي تخففين عليه وتصيرن مو بس زوجه صيريله ام وصديقه ولا تخلينه يرجع لربعه الله يهديهم وادعي ربج ان شالله يلقي ربع ديينين
خل يرووح بكل صلاة المسيد اهناك بيتعرف على وااايد منهم..
والله يثبته ويهدي الكل..
خليه يداوم على الصلاه هناك ويعزم الامام على القهوه
والامام اكيد له ربع يروح لهم ويشرح له واكيد انه بيساعده
وسلاااااااامتك
شغلي وقته خليج كل شي بحياته ولا تخلينه يحس بوقت فراغ
خليه يصلي بالمسجد على طول راح يلاقي الصحبه الصالحه
والله يهديه
وخليه يداوم على الصلاة بالمسيد وهناك بيتعرف على شباب ملتزمين
أو يعزم الإمام على قهوه عنده ومنها راح يتعرف على ربـع الإمام الملتزمين
والبنات إللي يقولون : الإيمان والهدايه بالقلب
اوكي اهي ماقالت شي تدري ان الإيمان بالقلب بس هو ماقال شي غلط يبي يتعرف على ربـع ملتزمين
يفيدونه ويفيدهم و طبيعة الرجال جذي مايستغني عن الربع مو مثلنا احنا يالبنات صديقه وحده ولا بعد تاجات معاها لووووول