|
|
الوضع الطبيعي لمعظمنا
من الأمهات اللي عيالهم يداومون بالمدارس
من الأحد لي الأربعا
الصبح مدرسة
يرجعون من المدرسة
تتغدا العايلة الكريمة
الأم تدرس اليهال
تسبحهم
بعدين تعشيهم
وتنومهم
هذا التسلسل اللي نمشي عليه
او اكثريتنا يمشون عليه
باختصار
ماكو وقت لطلعة عائلية
الأم والأبو واليهال
ما عندنا الا الويك اند
اوكي
والويك اند محجوز للشاب اللطيف الزوج
بر ومخيمات
ممكن كل جم اسبوع مرة يكنسل يوم من الويك اند ويكون للعايلة
او ممكن يتم تقسيم اليوم نص لعايلته ونص الثاني للمخيم
في وسط لوية البر والمخيمات
لاي درجة حسيتي بتغيير بطلعاتج انتي واليهال مع زوجج
ولاي درجة تغير جدولكم ؟؟
بالنسبة لي
اذا بطلع مع اليهال وزوجي نتغدا بره
اما نكنسل زوارة اهلي او زوارة اهله
يعني يا يمعة او سبت ،،
نص اليوم لطلعتنا والنص الثاني له
طبعا نحدد وقت الطلعة جنة رايحين المدرسة لوووووووووول
الساعة 1 او بالكثير 3 الظهر طالعين الساعة 6 يطق جرس الهده لاااااااازم نركب السيارة ونرجع البيت
وانتوا
لأي درجة تأثرت طلعاتكم ؟
بس عندي جامعه كاسره ظهري ما ارد الا اربع ونص
ويومنا يصير خايس اكون تعبانه وحالتي حاله
عاد اذااااااااااااااا فكرنا طلع وجيكي على اذا مانكسل الزواره لان زوار اهلنا اثنينا يوم اليمعه
تكون الخميس بليل
ووهذا طبعا مره بالشهرين
مع ان زوجي يشوف نفسه مو مقصر بهالناحية
الا اني اشوفه مقصر
نفسكم ايام الدوامات تعب والويك اند ماتقدرين تحاجينه يتححج بالزحمة والمسخرة الي بالاماكن العامة
ويروح الشالية صيف والبر شتا
ابيه مره قلته ابي استلم شغلة من السوق
قالي اوكي رحنا وبعدها دشيت محلين
طنقر وعصب وسوالي سالفة ليش ماعطيته خبر اني بدش محليين !
قلتيله اشفيك وانا اشدراني بدش ماكان لي نية
ويع كرهت الطلعة معاه
يا تعبان يا يوعان !!!
روضة مو طلعة ازواج
اي وبعد مايصير معاكم احساس ان تبون تخلصون الطلعة بسرعه وان شي يركض وراكم ؟
تصدقين اكره الطلعات وزوجي يكرها احب البيت
صباح الخير
قلبتي علي المواجع
والله فيني بجوة.gif "Eh S(11)")
ايام الإسبوع كلها دوام تدريس العيال … و الساعة 8 يخمدون … و انا 11 أطفي ماكو طاقة
يوم الخميس يوم الماراثون
نرجع من الدوام
نتغدى بسرعة
اروح لبيت اهلي …
و هو طيرااااااااااان
للمخيم
الخميس ارجع لبيتي … و هو ينام هناك
الجمعة … لايزال هناك في المخيم
السبت … رجعة الغالي للدار
وإذا في امي خير أبطل حلجي … أقول نبيك تطلعنا … والله يذبحنا
يقولج ايام الإسبوع دوام
والخميس والجمعة مخيم العبدلي
والسبت ارجع البيت أرتاح … و عندي شغل بدوانية فلان و علان
إنزين و إحنا …. حراااااااام … نبي نشم هواااااا نبي نطلع
قص علينا و يودينا الجمعية …>>> شفتي الحنية الأبوية
بس دايما يقولي … إذا أهلج بيطلعون … ذلفي معاهم …. بس لا تقولين طلعنا …. ان شاء الله لو تروحون المريخ
زوجي باله مو طويل … و عيالي وااااايد شياطين …. شسوي بالله أذبحهم
انا حاليا يروح البر لانه ماعندنا يهال مخليته على راحته
اخاف باجر يتعود
مدام في مدارس مافي طلعه
نهائيا يوم الخميس اليهال يردون من المدرسه ويحلون واجباتهم كلها وعقبها يلعبون ويشوفون التلفزون وبعض الأحيان اوديهم بيت اهلي ينامون هناك
ويوم الجمعه ازوارت اهلي
ويوم السبت لازم لازم نطلع من الساعه 12 الظهر وارد على الساعه 5 اروح انوديهم المجمعات ونغطيهم وعقبها يردون البيت ياخذون شاور ويريحون والساعه 8 نايمين
لا عادي انا وزوجي وعيالنا نطلع أيام الأسبوع اذا حبينا لان بنتي توها مادشت مدرسه ماعندي هالمعاناة للحين هههههههههههههههه
خل يطلع مايشوف شر بس وقتي انا وعيالي لازم يعطينا حقه
انشالله تتخرجين وتفتكين
أجوان
ذكرتيني ابأختي ،، لازم تعطيه مخطط الطلعة ،، واذا طلعوا يمشون على المخطط لا زيادة ولا نقصان
امولة
حبيتج العافية بس ويينج ؟؟ غطيتي !!
طوايف زوجها
اي تصدقين ساعات الزوج اذا قعد بالبيت يصير حنااان اكثر من اليهال
الأماكن
امبييييه ضحكني كلامج ،، يخمدون ،، يذلفون ،، هههههههه جنج انا اذا طنقرت
بزنس ومان
استانسي بكل لحظة بحاتج
Eyena
عادي حبي ،، انا بالنسبة لي اشوف الأحسن ما تلزمينه بالقعدة ،، اذا قعد مغصوب بتصير قعدته بايخة
passion.666
بس شكلج تطلعينهم السبت ،، يا معودة زيين ولا انهم ينحكرون
أتوتا
هلا اتوتا مربى ،، الحمدالله بخير
انا قبل لا بنتي تدخل الإبتدائي عادي نطلع ابأي وقت بس المهم 7 احنا بالبيت ،، بس الحين على ما اخلص معاها دراستها وواجباتها مالنا الا طلعة الويك اند