العطلة للرياجيل مو لنا

وتونسوو وتعالوو اذا سامحلج

اقتباس:

المشاركة الأصلية كتبت بواسطة دلوعه زوجهااا حبيبتي كلهم جذي خاص الحين عندج هالجوو مايفاارقون البر والمخيمااااااات يعني مو بس انتي تعانين من هالمشكله شوفي الحل عندي سوي سواتي وانا اختج ولا تبااالين ….. لا تحطين في بالج اي شئ من هالسخافات انتي تقولين عندج سياره يعني مو محتاجه منته ولا شئ خليه مع ربعه وانتي ديري بالج على بيتج وعلى عيالج وعلى نفسج والمكان الي يعجبج روحيله مع خواتج او صديقااتج طلعي وونسي روحج ترا والله مايستاهلون كل هالمحاتااات استانسي بحيااتج وخليه وهو واشكالله >> عاد توي متهاوشه معاه على هالسالفه ههههههههههههههههه

ادري كلهم جذي وانا مرتاحة انه مع ربعه يعني ماعنده خرابيط والله مااقوله شي
بس وجوده ضروري بالبيت
والمشكلة ماعنده وقت يدق علي واذا دقيت ازعاج ربعه
وماله بالمسجات ولا بالشعر
انا احب الشعر واعبر له بأبيات وقصايد من قلبي
وهو مايدري شنو كاتبه له
خخخخخخخخخ

اقتباس:

المشاركة الأصلية كتبت بواسطة @ام ضاري@ انا رجلي اليوم جاااء من البر كان طالع اول ايام العيد وجاء لف راسه ونام عادي ياقلبي وباجر عنده عشاا للحجااج يعني ماعندي مشكله على سالفة الطلعه بالعكس خليه يتونس مع ربعه خليه يشتاق لبيته وعياله كلميه قولي عسى تونستو بالبرر شاكلتو شسويتو متى بترد لربعك اسويلك حلى والا فطاير تاخذه معااك خليج معااه ولا انج اتضايقين واذا طلع واهو مستانس طرشي مسج قولي اصبر نفسي واشوف اللي يرضيك واسويه ولا انج ادقين عليه متى تجي متى نطلع ومتى متى يزهق يتضايق وانتي منتى بحاله تسوقين اطلعي ونسي عيالج دقي على خواتج والا رفيجاتج وتونسوو وتعالوو اذا سامحلج

بصراحة المفروض زوجي يرجع اليوم
لان اغلب الرياجيل جوا اليوم
موباجر وبالليل
هذا اللي مضايقني
تدرين شنهي المشكلة
احس اليوم فيني كتله مشاعر
قاعدة اقلب دواوين الشعر
بس مااقدر اطرش له
ماله بالشعر
خخخخخخخخخخخ

من كثر ماهو متولع فيه
كرهته ولا ابي اروح له

الحل
حقرته وخليته يروح وقمت اشغل نفسي بهالوقت
ولادق عليه
ولاقوله متي ترد
قام يحتر
ويناجرني علي كل صغيره وكبيره لاني موقاعده اناجره علي البر!
شفتي العويه شلون صايره
حتا لو خليناهم بدون نجره اهم يدورونها غصب بقفشه!

اقتباس:

المشاركة الأصلية كتبت بواسطة استبرق أم علاوي لازم تتعودين او خل ايخلي يوم بالاسبوع طلعه حقج

اووووووووووووووه
تبين تحرمينه من نور عينه
من ربعه
حرام عليج
انا اقوله بالشهر مرة يقعد ماريضى
تبين اسبوع لي واسبوع لهم
انا قلت له اقعد اول يوم العيد مارضىىىىىىىىىىى

اقتباس:

المشاركة الأصلية كتبت بواسطة dancing^queen يبتيها علي الجرح حتا انا ريلي صار نهاش نهاش فتى الجبل والبراري والقفار لو عنده بريك ساعه بيروحون الياخور اي الاستراحه اي االاسطبل اي البر من كثر ماهو متولع فيه كرهته ولا ابي اروح له الحل حقرته وخليته يروح وقمت اشغل نفسي بهالوقت ولادق عليه ولاقوله متي ترد قام يحتر ويناجرني علي كل صغيره وكبيره لاني موقاعده اناجره علي البر! شفتي العويه شلون صايره حتا لو خليناهم بدون نجره اهم يدورونها غصب بقفشه!

تدرين اكبر غلط مني اني قمت اخليه على كيفه
اقول عند ربعه ولا انه يخربط
بس قمت اشوفه يتمادى
قبل كنت لما اطلبه يقعد يقعد
الحين لا يقول من عيوني
وتستاهلين
بعدين ربعي كلهم رايحين
بروح وبجي باجر
وبعدين يروح 3 ايام
يعني ماقام يرد علي
انا ابيه يقعد عندي بايام العطل لاني اكون متفرغه له
يعني يوم لربعك والثاني لي
بس مافي
حتى بأيام الاسبوع مايستغني عنهم

اقتباس:

المشاركة الأصلية كتبت بواسطة سوسو العصلة صح الحين كل الرياجيل جذي الله يعينج يارب ويصبرج مالج الا الصبر بس انتي حاولي تجذبينه لج بالشي الحلو بالطيب مو بالحنه والرنه ترا مثل ماقالت ام ضاري يزهق من الحنه دزيله مسج قصير معبر سطرين لاتكثرين كلام وانتي بطريقتج تجذبينه لج ولاتهتمين وايد بس فهمي انج مشتاقتله بطريقتج والله يعينج اتمنى اني قلت شي مفيد واتمنى تتقبلين مروري

حاولت مافي فايدة
بعدين انتي تقولين مسجات؟
لاتجين على الجرح
لو ادز له شطر بيت مايفهم
مخه مايستوعب الرومانسيات
يعني لو ادز له احبك بيرد انا بعد
قمت اطرش صورة ولدنا عشان يشتاق
لاتعليق
خخخخخخخخخخخخ

تقبلى مرورى

انا ريلي دواويين واليووم واحنا طالعيين بالسيارة يقولي بدق عالربع بشوفهم متى يتيمعوون بروحلهم المخيم