|
|
السلام عليكم بنوتات شلونكم
مره صار نقاش بيني وبين مجموعه من النسوه (حلوه هذي النسوه)
كنا نتكلم اذا عادي اتخلين ريلج يدام دوام مع حريم يعني يكون معاه بالمكتب حريم
وهل اهو عنده عادي اداومين مع رياييل؟
وشنو نوع العلاقه الي تكون بين الاثنين وممكن تتعدا مواضيع العمل؟
خلوني اشوف تفاعلكم ونعرف الاغلبيه مع ولا ضد العمل في مكان مختلط
وعادي لان زوجي يدري طبيعتي ما اخذ واعطي مع الشباب
حدي سلام ،، ومو كل مرة بعد لوووول
دوام زوجي
الحمدالله انه مو مختلط
على البلاوي اللي اشوفها عندي اقول اشوة ان دوام ريلي ريياييل وبس
وبالنسبه له برا الدوام ماعمري سمعت احد الزميلات اتصلت فيه ولا تعدت الحدود يعني المعامله داخل اطار الشغل وبس
مشكوووورة حبيبتي
انا اعرف وحده ريلها يداوم مع حريم وعادي يدقون عليه بره الدوام يتشكون من رياييلهم وياخذون رايه
انا شرط ريلي الوحيد كان اني ما اشتغل وفعلا فدمت استقالتي وتفرغت له ولبيتي
اما هو موظف كان ببنك يعني معاه احلى الحريم واكشخهم
والحين هم بشركه ومعاه بنات
بس علاقته معاهم انا واثقه انها ما تتعدى العمل والاسلوب ناااااااااشف بعد
لان انا اول مره شفته بالدوام وشفت شلون يتعامل مع الموظفات فما اغار عادي عارفته هو شنو وعارفه طريقته
وشكرا عالموضوع الحلو
انا اى مختلط هو مو عاجبه بس ماااااااا يقدر يطلعنى
و اذا صار كلام بينى و بينى مسؤلي يكون بحدود الشغل و باقتضاب ارد بعض
بس بصراحة ما ارضي زوجي يداوم مع بنات لان اعرف زوجي خفيف و اكيد لما بتيي وحدة تسولف معاه ما راح يقولها لأ و عذره فشله يت تكلمنى شسوى احقرها يعنى كلللللش ذرب عاد مو لايق عليه اي احقرها لان لو انا كنت بمكانك جان صرت بخبر كان
بس اشوه دوامه مو مختلط
انا زوجي دوامه مو مختلط الحمدالله ولوو كان مختلط عادي يعني واثقه فيه وادري ماعنده سوالف
اما دوامي انا مختلط ومراجعين ولويه ويدري فيني حده ماعطي ويه وماسولف اصلا حتى معا الموظفات مالي اي علاقه يمكن عشاني توني يديده بس انا ابي الحال كما هو عليه اني مااخذ واعطي ويا احد اريح 
واهو أيضاً ما يرضى اداوم مع رجاااااااااااال
بطبعي اغار وااايد واشك بعد
وادري فيه لو وحده بتكلمه ماراح يفشلها ويحقرها
بنفس الوقت اهوا مايرضى مو عشان شي لنا مارضى دوامه يكون فيه حريم
يعني وحده بوحده
ثاانكس اخيتي خوووووش موضوع
والحمدالله دواااامه مافي مختلط ..
وانا اكييييد ماايرضى اداووووم مختلط يقولي احش ريولج حش وا فديت اللي يغار خخخخخ .. اشووه اني بصير ابله
وثاانكس قلبي
والحمدلله انه دوام ريلي مافيه بنات والله قمنا نخاف من اللي نشوفه ونسمعه والله يصلح الحال
اما بالنسبه لي انا اي دوامي مختلط وفيه مراجعين بعد واهو مايقولي شي لانه يدري شلون طريقتي بالتعامل مع الرياييل
وحتى مسؤولي اجعمه ههه لانه وايد يسولف فعشان جذي من هالناحيه مايخاف علي عارف انا شنوو وعدل بعد
ذكرتيني بسالفه ريل اختي كان يشتغل بالجيش قدم استقالته وقعد نطر سنه ونص على ماطلع اسمه بالديوان بوحده من هالوزارات
تخيلي قاعده معاه حده بنفس الغرفه مجابلته بروحهم لا ومو متحجبه ولبسها الله بالخير وتسولف معاه تقوله انت شكلك كشخه وين ساكن @@ شوفي قلت الادب والجرأه واهي مو متزوجه بعد اختي ينت وقعدت وقامت كل يوم تسوي قيام ليل انه الله يبعدها عن ريلها لين بيوم من الايام ياي ريلها يضحك يقولها يافلانه صار اللي تبينه والبنت انتقلت لوووووول
صج لو انا منها ماتحمل مع انها كانت وايد تشتكيلي وانا اهبطهااا
انا زوجي يداوم في دوام مختلط
ولاااااا مو اي مختلط بعد
يدوام مع مراهقات ام 17 و 16 سنه من غير زميلات العمل اللي من جميع الاعمار
وبصراحه انا اغار ولما اسأله عن البنات اللي في دوامه يقولي واللي يعافيج تره لايعه جبدي من الدوام اكره ماعندي اني اداوم مع بنات ويييع حدها مو وناسه
وانا متطمنه من هالناحيه لان شخصيته قويه ومنووو اللي تقدر تتجرأ وتطيّح الميانه معاه
اهو ياخذ ويعطي ومحترم وحبوب ويساعد وضحوك بس عنده خطوط حمرا وعنده مبادئ
والحمدالله الحمدالله متطمنه بس اغاااااااااااااااااااااار
وانا عن نفسي مو موظفه واذا توظفت ان شاءالله اهو ماراح يرضى اداوم مع رياييل
بس لو يصير ويكون اتوقع اني بصبر نفسي واتجاهل لان ادري ان
بعــــــــــــــــــــــــض الحريم الله بسامحهم يتلزقون ويقعدون بمكاتب الرياييل وسوالف وضحك
بدوامي وايد اشوف هالموقف وانا ادري ان هالريال محترم بس لو احد من بره ايي ويشوف شيقول؟؟؟
ولو تدخل مرته وتشوفه بهالوضع
والله مع المده الرياييل يخقون ويسايرون هالحريم وهو بني آدم والشيطان شاطر
الله يبعدنا
على فكره
أغلب هالسوالف من الحريم المتزوجات
اما البنات والله بدوامي محترمات ما شفت منهم شي