سرقة النوم من داخل عيوني.!! سالفتي سالفه ابي رايكم ومساعدتكم

السلام عليكم ورحمة الله وبركاته
أنا سالفتي سالفه.. مأرقتني من سنه كاملة من صارت وانا ماانام زي الناس بطول عليكم شوي…بس الحمدلله على كل حال

حرصت اني اكتب موضوعي بمنتدى الحياة الزوجيه بالرغم اني موب متزوجه بس ابي راي اصحاب الخبره
أنا مخطوبه لي سنتين ( خطبه بدون عقد) من قريب لي..

مع العلم ان الي خاطبي كان خاطبني عن حب..

أول سنه من الخطوبه كان زي العسل رسايل وكلام حب وغرام ومكالمات << ماكانت كثيره.. بالمعقول بس كنت اشوف اللهفه فيها.. كان مندفع بشكل كبيييييييير تجاههي يمكن بشكل نادر

بعد سنه بالضبط الوقت الي جابو فيه الشبكه انقلب الرجال 180 دررررجه مايرسل ولا يكلم ولا ولا ولا انا سكت ولا ناقشته

بالموضوع لمدة 4 أو 5 شهور قلت يمكن الرجال مل وزهق خليه يامره يشتاق .. وقريت في كتاب ان الرجال يحتاج انه

ينسحب فتره عشان يشتاق وبعدها يرجع .. عشان كذا صبرت هالفتره كلها…

بس مافيه فايدة ولاااا شي …

قررت بعدها اني اكلمه واسأله وبعد اصرار شديييد مني اعترف وقال : انه اذا جاء يرسل مايقدر يرسل واذا جا يكلم مايشتهي

يكلم ولا انه يظن انه رسل بالأخير يطلع مارسل ..!!!

يعني الموضوع كله صاير غصب عنه على مافهمني ..

قلت يمكن صايبته عين ونصحته بالقرآءه والإذكار وعلى كلامه انه خف ..

لكني مااشوف الوضع تغير كثير احسها كلها مجاملاااات << بالمناسبة بعد ماكلمته قلت لأمي وقال ضروري نعلم اهله عشان

يصيرون في الصوره

حرصت بعدها انه يشوفني كم مره ابي اشوف ردة فعله اذا جد عين او شي يخوف بينفر ولا يبي يشوفني بس كانت ردة فعلة عاديه يعني مانفر ولا كان متحمس مثل قبل … <<< خلا راسي يلف زياده

ومرة الآن السنة الثانية… وأنا على هالحال.!!

نفسيتي تعبت من كثر التفكير ماادري شالي فيه بالضبط وماادري اذا هو يجامل ولا شلووون !!

سألني قبل كم اسبوع اذا ابي اظل اسكن بيتهم ولا بشقه برآ واخترت شقه برا .. ومنها وهو زااااااايد بشكل موب طبيعي

لدرجة يقول انا بتنازل هالمره وبسكنج بشقه برا بس حطي ببالج انج بتتنازلين عن اشيا بكره <<< هنا انا ماقدرت استحمل

شلووون يقولي كذا ؟؟؟؟ يهددني؟؟؟ مو معقوله واحد يقول لخطيبته هالكلام

وداااايم يتكلم عن الماديات وانه يبي يوفر وووو << معلل هالشي انه مايبي يقصرنا شي بعدين بس مو معقوله بزيااااده صاير

وبعدها قام يقولي انه لا تتوقعين ان كل الأيام وناسه ووو..ا وتوقعي ان بيجي اليوم الي ببخل فيه عليج !!!<< أنا حالتي

صارت صعبه من جد

جلست اصييييح مااستوعبت الي صار شلون يقولي كذا ؟؟ هذا تونا المفروض تصير اجمل ايام حياتنا .. المفروض يقولي

احلى كلام.. اذا ماقاله اللحين متى بيقوله ؟؟؟

بعدما سكرت منه .. قلت لازم اصارحه واسأله السؤال الي لي سنه كامله خايفه اسأله له..

اتصلت عليه وقلت له فلان… قلي اياها وعلى البلاطه انت تبيني ولا لأ؟؟

إذا مو متقبلني وماتبيني لا تجامل هالشي مافيه مجامله !!

بعدها انقلب فجأه وقام يمدح فيني انتي لو ايش مالقيت مثلج انتي لو ايش ماقليت ظفرج .. انا ماعمري فكرت بهالشي ومن هالكلام ..

** انا هنا انتكس رآسي**

يعني قمة التناقض … شسالفه؟؟

محتاره اذا الي فيه عين ؟؟؟ او انه شي نفسي يعني جايته انتكاسه لأنه شي اندفع عليه بشده وبعدها صارت عليه ردت فعل عكسيه؟؟؟
أو انه انسان بخيل لأني ربطت التغير من وقت جيبة الشبكه ؟؟!!

او انه انسان شخصيته متقبله ؟؟ << سمعت عن ناس كذا بس ماادري شسالفتهم !!

قولو لي شالي اسويه ؟؟ احس راسي يلف ونفسيتي جدا تعبانه

تتوقعون شالي فيه بالضبط حاله نفسيه ولا ايش؟؟

مره مرة عليكم زي هالحاله ؟؟

ادري طولت عليكم بس فيه تفاصيل حسيت لازم اقولها

بليييز لا تطنشوني ابي رايكم وقبلها اكيد دعواتكم

وواااضح انه مايبيج يكرهج للحياه معاه
بس غريبه ليش تراجع يوم سألتيه !!!
يمكن احد ضاغط عليه
الله يعييننج لاتزوجين الا تأكدين عدل منه ومن مشاعره
مووفقه

الي مبين ان خطيبج محد مساعده على مصاريف العرس واهوا حيل متحسس من هالناحيه
او احد قايل له عن الحريم وصرفهم
ولاتخافين كل الرياييل جذي ..بس انتي بذكائج قوليله لا تضايق انت اكبر من جذي انت تقدر ..قوليله انت اصلا ماراح تردني اذا طلبتك ولا راح تبخل علي .. قوليله انتي شنو متوقعه منه خليه يحس بقيمته عندج
ونصيحه يا اختي لا تكثرين اتصالات ولا رسايل اثقلي عليه وانشغلي عنه تلقينه يجي وراج ويدورج

تعاملي معاه على اساس الشي الي تتوقعينه منه لا تكبرين المشاكل ..عشميه انه يقدر على كل شي وان انتي بعد ماراح تأذينه ..

واضح انه يبي يكرهج للحياه معه<< نفس كلام امي لي وعشان كذا انا قررت اتصل واساله بكل صراحه اذا مايبي الموضوع يتم
ويوم اتصلت عليه عشان اسأله كنت متأهبه لأي اجابه بعد الي قاله

واستغربت كثيييييييييير من ردة فعله وشلون انقلب فجأه وصار يبيني ومتمسك فيني !!!

انا سألته اذا منحرج من اهله او اهلي وقال لي لألأ هالشي مافيه مجاملات!! <<< بس هنا ماكنت متأكده والله من كلامه

المشكله ابي اعررررررف شلون اتأكد من مشاااعره ؟؟؟ سألته على البلاطه وبكل صراحهه شسوي ؟؟

والله مافهمت عدل ولاعرفت شقولج بس الله يعينج يارب ويهديه ويصلح حاله ويهدي لج ويبينله مشاعره لج واذا عين الله يشفيه والله يهدي يارب ويوفقكم يارب اذا خير لكم يارب يكمل واذا مافي خير الله يعوضج بغيره واالله يوفقج يارب والله يهنيج يارب

الصراحه الله يعينج ..

لان شخصيته تحير بصراحه ..!

الله يعينج

خطيبج محد مساعده على مصاريف العرس واهوا حيل متحسس من هالناحيه << اهله حالتهم الماديه كويسه وبالعكس اتوقع بيساعدونه خصوصا انهم مساعدين خوانه من قبل
بس جد حسيت انا انه كثيييير متحسس من هالسالفه ليه مدري !!
او احد قايل له عن الحريم وصرفهم<<< هذا الشي يكرره كثيييير .. بس انا فهمته انو هالشي غلط
بالضبط انا هذا الي احاول اسويه
وبآخذ بنصيحتج اكيييييد

ماقصرتي يالغاليه جزاج الله خير

حبيبتي اول مادفع الشبكة حس بالمسؤلية وتلقينه حسبها وخاف من مصاريف بكرة وجيتي عميتها بسكن لوحدك يعني اجارات ومصرف اكل وشغاله .. تعب نفسيا … لاتحاتين بس يمكن ماعنده والسكن عند اهله اوفر له

آآآمين الله يتقبل مادعيتي آآمين

ماتتخيلين شقد محيرتني ولاااافه رااااسي وموب عارفه شسوي

شكرا

والله مادري بس يمكن حس بالمسؤوليه كل يوم تكبر عليه

الي بعيد عن العين بعيد عن القلب
يمكن لم تزوجون الوضع يتغير
قوليله هذا زواج مو لعبه واذا حاس منت قد المسؤولية مو لازم تم الزواجه

كثره الدعاء واقري سوره البقره يوميا يمكن عين وصابتكم لانه متمسك فيج ويبيج وما يبي يخسرج

انا ربطة الي صار بالشبكه وقلت يمكن عشان كذا وولا ادري

قلت يمكن خايف بزياده وصارت ردة فعله كذا !! مدري والله