|
|
السلام عليكم حبيباتي
بدش بالموضوع على طول
انا تزوجت زواج تقليدي وعمري ما كلمت شاب وطلعت مشاعري واحاسيسي
فحبيته لانه اول انسان بحياتي
على الرغم انه خاني ببداية زوجنا وكان عنده سوالف افلام وجات وكان يكلم وحده
هذي اول سنه ومن عقب هالسنه لي الحين صارلي سنتين ماشفت عليه شي
لانه وعدني حزتها انه ندمان وراح يعوضني ويسعدني وينسيني
انا الحين واااااثقه فيه انه ماعنده خرابيط
المشكله مو هني المشكله
انه هاملني طول هالاسنين ولاحاس فيني جااااف معاي وبارد
وااااايد نتهاوش على هالسالفه انه ليش ما يحسسني بانوثتي ليش مايقولي كلام حلو ليش ما يلمسني يبوسني
والفراش وين ويييين احس اني واحد من الربع ولا اخت من خواته
جاااااف اقوووله انت تحبني ؟وين اللي بيعوضني وينسيني ويسعدني
احس قال جذي عشان السالفه لاتوصل اهلي واهله
قلتله اني احبه ومراعيه ضروفه لابعد الحدود ومستعده اعطيه ماي عيوني
وبالنسبه للكشخه اكشخ بالبيت اكثر من بره
اهم شي عنده الدواووين النووووم والتلفزيون
انا معطيني طاف احس بس ماخذني بس عشان اييب عيال
انا تعبانه مابي اخونه ابيه يحس فيني ويحبني ويهتم فيني
والله المشاكل زادت على اهماله لي
انا تعبانه احس بنقص ومخنووووووقه
قلتله عن اللي بقلبي
مسكبنيييييييي
قولولي شسوييييي كلشي سويت عفيييييه
وادعولي
مشكله البنآآت إذآ كلموا متزوج ودي امسكهم وامصع رقبتهم :@~
حبيبتي إذآ رحتي بيــت اهلج قولي بطول اليوم ولآ تطولين دقي قولي تعآآل كنت بقعــد مع اختي بس زوجهآ مرهآ يبون يروحون يتمشون ..~
قولي له ليش مآتعآملني صح ؟؟ انا شنو مقصرهأْ عليك فيه ؟ احبك واعزك وادآريك ؟ شنو نآقصني شنو مو عآجبك فيني اغيرهـْ؟
مضيقه خلقك قول لي مو متقبلني قول لي ؟؟
انا تزوجت وصدقني مآعرفت الأ انت مليت علي حيآتي كلهآآ ألحين تعآملني جذي ولآتدري عني !!~
قولي له كل الي بـ خآآطرج ..~
بس لآتقولين أخونه مآ أخونه انتي بنت حمآآيل ومآترضينهآ لأهلج وألأ هو بـ الطقآآق 
والله يوفقج وييسر امورج حبوبه :*~
،
عطيه فتره سكب وسوي نفسج مشغوله عنه
يمكن يفقدج
تعرفين حبوبه ان اكثر الازواج عندنا جذيه باااردين ما يهتمون لحريمهم .. تدرين حاولي تقعدين معاه اكثر سولفي شوفي شنو يحب .. تري مو بالكشخة .. اعرفي مفتاح ريلج شنو .. شنو يحب شنو الشي الي يهتم فيه ويشده … يعني شنو الفايدة الوحده كاشخة وعافسه بوزها .. ولا قاعده تتشكا … انتي ابدي ولا تيأسين
الله يهدي الحال
مشكووووره على ردج بس واااايد قلتله هالشي يقولي انتي مو مقصره واقوله فيني شي يقول لا
عشان جذي الهوشات على معاملته لي
ماني عارفه السبب ساعات يقول ما احبج ساعات يقول لو ما احبج جان ما خليتج عندي ليلحين على كثر المشاكل
غلا مشاري
تسلمين حياتي والله عطيته فتره سكب بس انا اللي ما قدرت انا كل شوي اتغير واسوي شي تدرين جوزائيه بعد
بس يوم قمت اصد جم يوم مالقيت نتيجه وانا ماقدرت
بس لا تنسين ان الله فوقج و ما ينسى احد حاولي تتقربين من الله و تدعين و تستغفرين ترى الله ما ينسى احد
انا ادري اني ما راح ارتاح بالخيانه لو بخون جان قبل لا اتزوج كلمت شباب بس ما احب هالسوالف
بصراحه كلامج عدل بس وصلت مرحله ابي احد يحن علي ويحس فيني انا نفسيتي تعبانه من اول ماخذاني واهوا جااااف وبارد
حاولت اسولف معاه ونقعد ويا بعض بس مو لازم يكون هناك شي من جهته انا وحده عنده وبروحنا بالبيت واسوي اغراءات والبس بس حتى كلمه ما احصل
يا الله الستر والعافيه ط
ما يسوى تحرقين اعصابج عشان ريال
ترا الخيانه يعني فضيحه
تضر فيج وبعيالج وتدمر اهلج بعد
مو سهله المراه تخون وتعدي سالفتها
تعوذي من ابليس
الحمدلله الله هداه بطل خرابيط
تبيني تسمعين كلام حلو
قولي له كلام حلو
وحاولي معاه علميه اسلوب اللي تبينه يعاملج فيه بمعاملتج له
والله كريم
شوفي حبيبتي انا بقولج كلمه قبل لايصير اي شي حطيها حلقه بذونج
(مهما صار ومهما شفتي منه لاتزعلين ربج منج)
خليه يكون غلطان ولاتغلطين انتي .. وبالنسبه لطبعه حاولى تقعدين معاه تعرفين شنو نوعه
اذا نوعه جاف خوفج مايحب الحنه والرنه فديربالج ياقلبي
حاولي تاخذين الحنان من اطراف ثانيه امج ابوج بعد شتسوين ولاانج تدخلين بالحرام
والله الله يكون بعونج صراحه والله يكتب لج اجر الصابره المحتسبه
اشكرج على ردج بحاول انشغل عنه بس اخاف انشغل ويروح يخربط والصاحب ساحب وانا مادري شلون صايرين ربعه زينيين شينيين
مادري امشي على كلام الاغلبيه وانشغل عنه بس بنفس الوقت اسوي روحي مستانسه واعطيه حقه !! الله يعيني مادري اذا راح اقدر اصبر على جذي
… ربي يصبرج حبووبتي
وكل عام وانتي بالف خير يا جميل
اهو لوغلط ناقل عيبه هذه مجتمعنا يقول جذى بس انتى شبيكون موقفج لو درو اهلج انج اتكلمين……………؟
بصيرون الناس كلهم ضدج حتى اهلج وماراح يعطونج مجال اتبررين بس الريال يسامحونه ويقولون ريال وغلط
|
المشاركة الأصلية كتبت بواسطة احلى سماء
 انتي على بالج الخيانه هي الحل
يا الله الستر والعافيه ط ما يسوى تحرقين اعصابج عشان ريال ترا الخيانه يعني فضيحه تضر فيج وبعيالج وتدمر اهلج بعد مو سهله المراه تخون وتعدي سالفتها تعوذي من ابليس الحمدلله الله هداه بطل خرابيط تبيني تسمعين كلام حلو قولي له كلام حلو وحاولي معاه علميه اسلوب اللي تبينه يعاملج فيه بمعاملتج له والله كريم |
هلا والله احلى سما
يت فتره قمت اقوله بس ماحصلت شي وعقب ما قمت اقوله
بس تصدقين كلامج عدل يمكن لي عودته اني اقول كلام حلو على طول حتى لو ماحصلت شي بتطلع منه بس بالغصب الله يعيني
والله انكم قاعدين تريحوني وتشجعوني لاني احبه وابي اسوي اي شي عشان احصل اللي ابيه
قاعده استفيد منكم
واسجل نصايحكم
الله يكون بالعون