|
((سولفتي لصديقتج ومخها ضارب؟وسرقت منك زوجك))
اليوم سمعت هالعبارة من مذيعة ردا على مشكلة زوجة تقول صديقتها
تزوجت زوجها ..
المذيعة حملتها الذنب وقامت تنصح المتزوجات
لكن اللي حرني إنها خصت الصديقة المطلقة وقالت بالحرف
مخها ضارب
ووصلت لمرحلة خلاص تبي أي زوج وبأي طريقة
القهر إن هالكلام على فضائية مشهورة
بصراحة مو لهالدرجة الدنيا للحين بخير وعمر المطلقة ماكان مخها ضارب
ولا نفسها خبيثة عشان تحب تخرب على غيرها
يعني شنو أشك بكل مطلقة؟
أراقب كل بنت تمشي؟
أترك كل معارفي من المطلقات ؟
بالله هذا كلام؟
خلاصة الكلام
علينا بالصبر
وحسن النية بالآخرين
وما نوصف المطلقة بهالأوصاف الشنيعة وماننظر لها بنظرة شرية أو شك
/
/
/
والله حرتني هالمذيعة رفعت ضغطي
اصابعناااا موسوى ولا نحكم باكل وحده
اللي مايخافون الله واجد
والله يبعدناا عنهم يارب
اللي شايفين نفسهم وسايئين الظن ببنات الناس خافوا الله وترى الدنيا دوارة اليوم متزوجه باجر ماتدرين شيصير~حسبي الله ونعم الوكيل~
اي والله صاجه
اصابعناااا موسوى ولا نحكم باكل وحده اللي مايخافون الله واجد والله يبعدناا عنهم يارب |
أمين
الله يبعد عنا اللي مايخاف الله
الحين حال المطلقه مو مثل حال الارمله نفس الشي
والناس اجنااس صديقتي على عيني وراسي ادخلها بيتي وحياها الله اما اخلي رجلي يشوفها
وسلام وكلام هذا عيب وغلط
تقبلى مرورى
انا اقوول صفو النيه اذا رجلهاا اهو اللي يبي يتزوج المطلقه شكوو
الحين حال المطلقه مو مثل حال الارمله نفس الشي والناس اجنااس صديقتي على عيني وراسي ادخلها بيتي وحياها الله اما اخلي رجلي يشوفها وسلام وكلام هذا عيب وغلط |
صاجة والله
أصلا مو بعاداتنا إن الصديقة تسلم على زوج صديقتها
لكن المذيعة حاولت تشكك الكل بالكل
أم ضاري
حضورك مختلف
شنو يعني ليش انهآ مطلقه بتحط العين !!
رفيجتي مطلقه والله العآلم شنو تمرمرت بزوآجهآ
توقعت ريلي بيقول لآ تطلعين ويآهآ ولآ تروحين
لهآ بس اهلي وريلي قآلو خلج ويآهآ
وطلعي ونسيهآ وغيري جوهآ
مو كل المطلقآت مثل مثل
بعدين هذا الشي مو يديد مجتمعنا كله حاط على المطلقه
والريال اذا ما يبي يتزوج لو شنو ما راح يتزوج
بس الريال اذا حط في باله الزواج راح يتزوج لو مو المطلقه بايخذ غيرها !
موفقه
الله يستر على الجميع انا اقول
بقولكـ شي انا مطلقه واربعينيه وام
وبنتي بالجامعه
ومع هذا يوم تطلقت اقرب الناس نفر مني
والسبب اني اهتم بنفسي ولبسي وجسمي حلو
هم يبغون المطلقه تقفل على نفسها وتقبر حالهااا
وتهمل نفسها تدرين حتى لمى اسوي بودكير صديقاتي بالدوام
يقولون ليه ماعندك احد تتزينين له
شوفي التفكير المحدود والغبي
هم متزوجات وازواجاهم فيه والوحده كنها رجل من خشونتهاا
مالت عليهم غبيات من جد يقهرون
حتى لمى نجتمع يرمون كلمات ويسموني اللبنانيه
عالم مانقدر نرضيهم اذا اهملتي قالوا مسكينه محتره
واذا اهتميتي خافو منكـ وشكو فيكـ
بس انا شعاري طنش تعش تنتعش
ودي ووردي
احسن شي تكونين حريصه على زوجج بس ماتوصل لدرجة انج تقطعين علاقتج فيها لانها مطلقه