السلام عليكم ورحمة الله وبركاته
بنات بدخل بلموضوع على طوول عندي اخوي الصغير بيروح العزا والدفان بس حيل منحرج ومتوتر وخايف واهو قريب مني حيل يقول ماني عارف اتصرف قتله عادي روح صل صلاة الجنازه وعز على عيال المتوفي وقولهم الله يرحمه انشالله وعساكم تشوفه بالجنه والله يصبركم ومن هلكلام هذا الي اعرفه جان يقولي لا ابي بالتفصيل ولا ماني رايح بوفر احرااج وبلا فشيله وصة ويه وبصراحه انا ماعرف غير هلكلام
… بنات ساعدوني بصراحه احنا ماعندنا ريال كبير قريب منا لأسباب خاصه فلولد مو متعود على هسوالف واحنا لازم نعوده 
هي كلمتين .. [ عظّم الله اجركم ]
.
غالباً العزا مافيه كلام كثر مافيه الدعاء للميت واهله في قلوبنا طبعاً ..
..
يعني قولي له يقول كذا واذا انتوا اقراب حيل للميت واهله .. ف خليه يجالس اللي في عمره وقريبين له .. ويوصيهم بالتصدق للميت ويذكرهم ان الحياه الدنيا فانيه والموت حق .. والميت محتاج للدعاء والصدقه والدموع والبكى يضره ماينفعه ..{
..
الله يرحم موتانا وموتى المسلمين
ويقول احسن الله عزاكم او عظم الله اجركم الله يرحمه ويغفرله واموات المسلمين لاحول ولاقوة الا بالله ،،، اساسآ محد منتبه لكلامه
الناس وعيال الميت مو بيمه بجد والله ،،
أقولج عن شغلة سويتها مع ولد عمتي أهوه اسم الله عليه من الداون
وتعرفين المريض بالداون له تصرفات ممكن تكون غير مقبولة عند البعض
فقمت أنا وبنات عماتي وسوينا مشهد تمثيلي صغير
كانت وحدة معاهم بالمدرسة اهي اللي توفت بمرض انفلونزا الخنازير الله يبعد عنكم الشر
فقمنا ولبسنا دراريع بيضة ويعني حطينا على راسنا غتر وخليناه يدش
وعلمناه شيسوي وشيقول وبالعكس استانس من الفكرة اللي سويناها وايد
وخلانا نعيدها 4 مرات واحنا واقفين على حيلنا
وانشالله تنفع معاج