شلون تتعاملون مع هالنوع من الرياييل

السلام عليكم

شلونكم بنات شخباركم

لو احد يزعلج أو يضايقج المفروض يعرف غلطه ويتأسف

بس اللي حاصل معاي ان اهو يزعلني و يضايقني وهو اللي يزعل

مايتاسف لوووووووووووو شنو

ويكون اهو الغلطان بس مايتاسف ويمد البوز شبرين اي ليش مو انت الغلطان ليش ماتتاسف

وكالعاده انا اللي ابادر بالكلام ونصلح الامور اذا دام الزعل اكثر من اسبوعين

ليش الريال مايتاسف اذا كان غلطان وله اللي عندي حاله نادره بالوجود

اتمنى من البنات يفيدوني

علي حسب الريال شنو ساعات يكون فيهم عزه نفس وااايد ما يحب يتأسف يفكرون انه اذا تاسف جنه منزل نفسه يمكن عشان جذي

التطنيش احسن حل

طنشيه وخليه يحس بغلطته لو يتم زعلان شهرين مو اسبوعين

كثر ما تقدرين طنشى و اشترى راحة بالج شكله تعود ان انتى تراضينه

قرصيه و هالمرة طنشى من امه و شوفى شراح يصير

بداية غلط لأي مخلوق تتأسف لاي مخلوق اذا هو او هي ما غلطت

2- بعض الازواج يختلف تعبيرهم بالاسف

بعضهم يبتسم

والآخر يضبّط جو

وبعضهم مزاجهم يصير عالي

وجزء منهم ينسى المشكله من اصلها

حبيبتي الزوج الكويتي ما يعرف يقول مباشره آسف

بس يقدر يعبّر بطريقة اخرى

حبيبتي هذا يصير طبع بالانسان

اغلب الرياييل جذي .. من ضمنهم ابووي ..

اذا زعل امي عمره ماقال لها انا اسف من واحنا صغار ليمن طالعي شكبرنا .. يبتسم ايضحكها ايسوي اي شي وينسا الموضوع بس مايعتذر
واذا ماقبلت اسفه يسويلها سالفه ثانيه خخخخخخخخخ ويجدد الزعل بينهم ويمدده بعد

الحل انج تعودينه انج ماتراضينه انه يعتذر حتى بدون اسف وقوليله لاتكابر بالغلط لو سمحت ترى جد اكره هلشي مو عيب تغلط بس العيب انك ماتعترف انك غلطت بحقي وانا سكت مره مرتين بس جد لي متى .. واخذي موقف ونشالله يتغير وانتي ادرا بزوجج حبيبتي

كل ريال جذي بس انتي طنشي ولا تحرييييين عمرج

الخير عندنا وعندكم مالج الا اتطنشييييينه

مشكورين بنات ماقصرتو
بس لي متى اطنش شهر شهرين لا انا اكلمه ولا اهوه يكلمني
وانا من النوع اللي مااشكي لاحد حتى امي مااقولها عن زعلنا
شهر مانكلم بعض شلووون ؟

في رجال نوعيتهم كذا طنشي بس اشوش اشوي للين يتعود

انا بالعكس اذا زعلته هو اللي يراضيني

اغلب الرجال هذي نمونتهم والله
زوجي جذيه