طقني قبل لا يتزوجني .بنات حطيت الموضوع كامل

سوري بكمل مادري شفيه جهازي .. قلتلكم كان يحبني ومايبي شي من الدنيا الا ان ياخذني
من اول يوم تعرفنا فيه علي بعض كنت حاسه ان راح يحبني ..عكسه اهو كان متوقع اني نفس البنات الي مرو عليه ..تدرون شنو كان ناوي عليه كان ناوي ان لما يقرر يتزوج يخطب خطبه عاديه ويغير رقمه ويتزوج ..يعني باختصار مومقتنع بزواج الحب نهائيا ..لكن لما عرفني وحس اني انا غير عن البناات الي مرو عليه حبني وصار حلم حياته ان يرتبط فيني وياخذني ..من اول ماحس بالحب علي طول فاتحني بموضوع الزواج لكن كانت عنده ظروف تمنع هالشي تتعلق بشغله وكان يدري ان حتي لو اهله يرضون يتقدمون انا اهلي مراح يرضون فكان الحل ان ننطر شوي لغايه ماهالظروف تنتهي ..وقام يحلم ويكلمني شلون بنعيش حياتنا وانا اسمعه بعقلي مو قلبي لاني مابي اصدق هالحلم ..طبعي اخاف .اعرف نفسي نوعي الي يحب حيل والي يحب حيل ينجرح حيل علشان جذي يخاف حيل

خايفه اعلق نفسي وتمر الايام وما يصير شي وبعدين انصدم ..كنت وايد متحفظه معاه كله يقولي ليش ماتحبيني احس اني احبج اكثر وانقهر من هالشي ..طبعا دايما اذا تزاعلنا اهو لي يراضيني ..اهو الي يقول كلام حب اكثر ..حتي لماانام مرات اقعد من النوم القاه يطالعني وانا نايمه ويقولي احبج ..اول شي يفكر فيه لما يقعد من النوم ان يدق علي ويلمح بالكلام اني ابي اشوفج ولومواعد منو اذا قلتله بشوفك يكنسل واييني ويقولي القعده ويااج تسوي الدنيا ..طبعا حده 4ايام بالضبط ان ما شافني يعصب ونفسيته تتعب ويقعد يتخانق معاي علي اتفه الاسباب ودايما يقارن ..اشمعني كلمتي فلانه ساعه وماكلمتيني ..اي سويتي حق فلانه حلو وانا طلع رمضان ماذكرتيني ..ووييي سوالف وتشره ماله تالي ..مرات يكون باسلوب زين وعشرات المرات يكون بخناق ولاقلتله ليش جذي يقولي انا اين لمااشوفج مهتمه باحد ثاني غيري واتشره عليج اقوله الي يتشره علي وحده ايدزلها مسج ..يدزلها ايميل في عتب ..اغنيه ..مو يدق عليها يتهاوش معاها وينرفزها يقولي انا ماعرف ادلع انتي هديني واخذي من خاطري وشوفيني شلون اصير معاج ..موتفهمون من كلامي اني كنت ناشفه معاه بلعكس كنت وايد زينه معاه ..علمته اشياء وايد ..اشلون يعالج مشاكله بدوامه اليديد ..حتي المقابله الشخصيه كنت احفظه الاسئله واعلمه شلون يتكلم عشان ياخذ الوظيفه وفعلا ياخذها ويقولي اللجنه قالولي طريقه ردك اهي الي خلتنا نختارك يقولي لو باسلوبي والله جان محد عبرني ..وهم وقفت معاه بمواقف لما حس ان الكل تخلي عنه ..بس ماكنت قاطه نفسي عليه علشان مايطمع فيني نفس طبع الرياييل يعني كل شي عندي بحدود ..حتي بالسفر لما شفته صاكه فيه الدنيا لاني بسافر واهو ماعنده ايي معانا قلتله يسلم راسك هات جنطتك وتعال معانا سافرنا ويا بعض وكنت مخططه بالسفره اني اشوفه اشلون يتعامل مع عيالي -نسيت اقولكم اني ترملت وانا صغيره والحين لما كبرو عيالي ودي اتزوج – وهل عيالي راح يتقبلونه ولا لا وكانت المفاجاه ان الكل حبه حتي خواتي وجروبنا مال السفره الكل يقول عنه حليو الرياييل والحريم واليهال وانا اطالع طريقته وابتسم بيني وبين نفسي لاني ماكنت اقرب يمه كلش علشان محد يحس بشي حتي خواتي قالو شكله معجب قلتلهم انا ماافكر بهالموضوع خلوه بعيد عني احسن….لان اختباراته بالنسبه لي ماخلصت… ماجربته بالفلوس كل الي سمعته منه وعود مجرد وعود اذا اشتغلت بعوضج ..خلتمشي الفلوس بيدي واوريج ومن هالكلام …وتمينا علي هالحال مستانسه ان قاعد ينجح بالامتحانات الي اسويها وفرحانه يالحياه اليديده كل شي كان يديد علي الله يرحمه ريلي مامداني اتهنا وياه عشت معاه سنه ونص بس وكان الله يرحمه حيل ناشف بتعامل وماعنده رومانسيه يعني باختصار شفت مع حبيبي الي ماشفته مع ريلي حسيت بالصحبه والطلعات والوناسه والغيره وشعورج ان في ريال يخاف عليج وماكانت كلها ورديه حتي الخلافات والمشاكل كانت غير .. لين دشت قصتي بمرحله ثانيه
اني خسرت فلوسي ..موفلوسي بس ..الا مدخراتي بعد ,,كل ورثي راح لا وفوق هذا طلعت مطلوبه فلوس بعد وموهذي سالفتنا بس اهني صج صحيت من الحب ..من القهر حسيت اني ماعرفت اختار قام في شي بيني وبين نفسي يقولي انتي شنو ماعندج مخ بدال ماتشوفيلج ريال يشيلج رحتي حبيتي واحد انتي تشيلينه ..شهالغباء انتي حملج ثقيل وعندج مسئوليه هاليهال شايلتها من يوم ماكنتي ياهل وليلحين بعد تبين تشيلين !!! قمت اشوفه بمنظار ثاني وقمت اقوله انت ماقاعد اتشيل مسئوليتي ..يقولي قولي الي تبينه وانا اسويه ..الي تامرين فيه انا حاضر ..اقول بقلبي هم يبيني اعلمه حتي هالشي يبي يتعلمه مني ..قمت احس انه ياهل كل شي يبيني انا اعلمه انزين انا منو يعلمني ..منويدير باله علي ..السالفه اذا بكبرها تكبر واذا بصغرها تصغر لان اهو صاير معاي ان عصبت عصب وان هديت هدا يعني كل الامور واقفه علي انا وبس ؟؟؟؟؟
طبعا زعلت بالايام وارد اشوفه اشلون ضايع بدوني ويحاول بردني وارد له بس هالسالفه تقرقع بقلبي ..مااقولكم ماتغير امبلا صار وايد اييبلي هدايا يعني اشياء صغيره بصراحه مونفس الي كنت اييبهم له بس اسمها هدايا اتونسني واتفرحني وتحسسني ان ذاكرني لكن ابي هالصوت الي بداخلي يسكت ..ابدا هالكلام يرن بمخي وموراضي يهدا اقنع نفسي جم يوم وارد وطبعا لما يبين علي اني متغيره اهو يضايق وتصك هوشه علي اي سبب ونتزاعل ونبعد عن بعض وارجع القاه يطري علي بالي ويرجع اهو ميت من الوله علي وطبعا خلال هالفتره كله يقولي يلا خنتزوج وانا اقوله لا خلننطر شوي ,,واتحجج باي شي ومرت سنه ..وانا ادور اعذار ابي اشوف الوضع خايفه من المستقبل ..انا مابيكم تفهمون ان كان عاله علي لا والله حشا اهو كان شايل نفسه بس يعني ماكان عنده كنت مرات اعزمه مثلا ..انا اييبله هدايا بس بلمناسبات عشان مااحرجه واهو بس يطب بايده شويه فلوس خذاني ووداني مطعم عزمني وشرالي من هالخرابيط الي اييبهم دايما بس يعني مايقدر علي هديه حلوه او انه يسافر مثلا ..
والحين ان خذيته هذي حياتي بتصير جذي علي كلامه بيحطلي شقه وبنعيش علي معاشه وهذا الشي مومضايقني بلعكس كل الكويت عايشه جذي بس قلبي ناقزني ليش والله مادري ..ودي اييب عيال واستقر وارتاح بس خايفه ..
خايفه من المجهول ..خايفه مايقدر يشيل المسئوليه وانا وضعي مومثل قبل ماقدر اساعده لا تنسون اذا تزوجت في نفقات راح توقف يعني دخلي بيقل واكيد بناتي مراح يتقبلون فكره ان في احد بيشاركهم فيني والناس كلها بتدري وفوق هذا مااعيش مرتاحه والله هذا الي متعبني ومخوفني ..
المهم اخر مره قبل جم يوم .كنت من صج تعبانه رمضان وماكو نوم وخدامتي ماتعرف شي يعني مسئوليه الطبخ علي ودوام مبجر اهو داق متفرغ يقولي ليش امس قلتلج نطريني بدق عليج مانطرتيني نمتي ..قلت له من صجك انت الحين كل يوم اتنام الصبح قاعد من نومك بس عشان اتدق تقولي هالكلمه ..يقولي اي ومره ثانيه ان نمتي اتدزين مسج تقولين بنام مو بكيفج تنامين قلت له ليش انا عايشه بسجن عشان اتحطلي قانون قلتلي نطريني وانا ناطرتك نمت ما حسيت تعبانه ..بقولي اي حقي انا تعبانه بس رفيجتج امس سهرانه تسولفين معاها عادي صح قلتله يعني تدري اني صارلي يومين مانمت لوعندك كلمه حلوه جان ماقطعت نومتك وقلتها بس لان فيها مغثه قطعت نومتك ودقيت علي ..المهم سكر التلفون وخلصنا وعقب الفطور دق علي قالي لا تاخذين بخاطرج خلاص تعالي انا عازمج عالسحور قعدي معاي قلت اوكي بس انا من داخل شايله علي وقايله بحاجيه طقت جبدي منه قلتله بييك اتكلم معاك شوي واروح ..
رحتله حس ان فيني شي دشيت بالموضوع علي طول بس لاني تعبانه ومضغوطه الاسلوب ماكان ذاك الزود ..
قلتله انت تدري اني شايله مسئوليه وحياتي مو علي كيفي كلش يعني انت ان ياك النوم تدش فراشك تنام عادي لكن انا لا لازم افكر شنو باطبخ ومن باجابل..هاليهال الي تشوفهم اذا انا ماسويت اكل مراح يتفطرون وان ماوديتهم السوق كل وحده تختار الي تبيه مراح يعيدون ..يعني انا لو اموت هذيله يضيعون المفروض اقول حق ملك الموت استغفر الله انطر مو الحين تاخذني في ناس انا شايله مسئوليتهم يضيعون بدوني ..حتي الاكل مرات اكل غصبن علي لان ان ماشافوني اكل ماياكلون طول الوقت اداري واشوف خاطر هذا وهذا وانت بعد تبي اتيي فوق هذا اشحقه نمتي ..سويتي حق اختج عزيمه فطور وانا رمضان طلع ماكليت منج شي ..سهرتي عالتلفون مع رفيجتج ماسهرتي معاي تتوقع انا بتحمل وبتقبل..!!!! وهالانسانه الي جدامك من يداريها منو يشوف اهي اشتبي اشتحتاج اوكي هالعيال مالهم غيري وين يروحون ..بس انت شايل عمرك المفروض وجودك بحياتي يسعدني مو تصير عبا علي اهو الجدول اساسا فل انت تبي تزيده !!والله بنات كنت متضايقه فلوسي خلصت وبناتي يبون يشترون حق العيد ماعندي ..ولد اختي ملج برمضان وشرينا حق الحفله بدل وحق العيد شرو اشياء وماكملو عفيه عليه هالمعاش اشبيكفي ومعاش العيد بنقطه عالمدارس لا وطلعات العيد كلها من فلوسنا ومايصير مااوديهم خواتي بيروحون لازم اروح معاهم ولازم احسب حسابي والكل حاط عينه علي هالمعاش بتجاملين وتساعدين والله الي اييبه حق نفسي مجرد فتافيت ..مااقولكم محتاجه انا الحمدلله اعرف ادبر واخطط بالصرف بس الواحد لازم اتمر عليه ايام ميزانيته تنكسر وانا بعز التفكير بهالمعمعه يايني اهو متفرغ قعدي معاي وسولفي معاي قلتله شوف انت فاضي حق الحب لانك قاعد ببيتكم اكلك جاهز وكل شي بكيفك انا مو مرتاحه يقولي يعني شسوي لا صرتي ابيتي تعالي حاسبيني انتي كل ماقلتلج خنتزوج قلتي تو الناس اشلون احسسج اني اقدر مسئوليه ..جربيني وشوفي ..حلوه جربيني ..
قلتله انت الحين وانت ماعندك اجار ولا مصرف بيت ماعندك فلوس اشلون باجر بتدبر امورك انا قبل كنت اقدر اشيل نفسي واشيلك لكن الحين لا ..انا قلت هالكلمه مابغيت الاعمري قالي انتي بتذليني علشان دفعتيلي انا فلوسج اردلهم علجزمه واقصدهم ..انتي عندج شي مومعقوله هالكلام الي تقولينه تبين تفهميني ان قبل لا تعرفيني كان وقتج كله حق بناتج ودوامج الي بخلانه علي بساعه تكلميني ولا تشوفيني فيها ..موجذي بنات بس انا كنت مستغربه يعني عمره مافكر يعطيني فلوس مصرف حقي ولا قال عندج مسئوليات هاج ..انا لما ساعدته قبل ماكان يطلب مني وكنت الزم عليه علشان يرضا ياخذ واهو ينطرني انا اقوله علشان يتصدق علي بس فالح يقولي تبين شي محتاجه شي اقوله سلامتك خلاص !اشلون اهو قد بيصير قد المسئوليه اذا اهو مو متخيل هالمسئوليه شنو وينطرني انا ابين له واشكي له الحال ..
المهم اهو فهم كلامي اني بفل منه ومابيه وماعطاني فرصه اكمل كلامي انا كان ودي اقوله ان هالشي مراح اعلمك اياه اقعد مع نفسك وفكر وشوف واذا عرفت كلمني وخلنا نفتح صفحه يديده وكنت ناويه عقب مايرد يكلمني اقوله اوكي عالزواج واشيل كل الافكار من بالي واواجه المستقبل بخيره وشره واتوكل علي الله ,,
لكن الي صدمني ان عصب وقام يصرخ علي وقالي انا لي متي متحملج انتي ذليتيني وايد والحين بتخليني وتمشين عقب ماكلمت اهلي وعاندتهم عشانج وقام يطقني بطريقه وحشيه قعدت اقوله ماتستحي علي ويهك احنا بينا عشره ولا اثر فيه كلامي وتميت اقوله خلاص بروح يقولي انا مابيج اصلا قلت اوكي طلعني من اهني وهذا ويهي ان شفتني مره ثانيه وقالي مااخليج تروحين ان طلعتي بتسكرين جهازج ومراح اتكلم علي كيفي لازم امسكج اهني لما ابرد حرتي فيج وتخيلو قفل علي الباب وراح سحب من البنك 100 وعطاني اياها قالي هذا اول قسط من فلوسج الي ذليتيني فيهم وياب ورقه وقلم وقام يكتب اشكثر صرفنا بالسفر علشان يسددلي وانا حاقرته..وخذا تلفوني قام يحوس فيه يدور دليل ان عندي واحد اهو الي مخربني و كل ماكلمني اقوله باطلع بطل الباب وطبعا مت من البجي وماكو فايده يقولي الا اذلج مثل ماذليتيني انا قاعد اسوي هالفعايل علشان خلاص يصير مالي ويه ادق عليج عقبها وكل شي ينتهي اليوم المهم عقبها قام يكلم نفسه انتي شنو تبين انا ماقصرت اسال ربعي شتسوون حق حريمكم واسويلج واييبلج نفسهم ..بس انتي الي طماعه وتبين زياده مع ان ماعليج قاصر دخلج احسن مني وعايشه احسن عيشه .وهم قال انا بتزوج وشنو يعني كلها لما اتييب مرتي ياهل ياهلين بنساج ولا راح تطرين علي بالي.وانا حاقرته ولا كلمه قاعد يحاول يستفزني بلكلام ويقولي ردي علي قوليلي انا شقصرت فيه والله انا زين خالاتي يقولولي يا من حظها الي بتاخذك ورياييل يوقفونلي وانتي تلعبين فيني جذي ..انا الا اضرج مثل ماضريتيني ماتروحين تعيشين مرتاحه وانا قلبي محترق ..المهم السالفه حيل طولت وكلامه طول اخرتها قلتله بس ترا انا تعبت وبروح البيت الناس يقولون ارحمو عزيز قوم ذل وانا انذليت علي قولتك ماتبي ترحمتي !! جان يقوم ويحب راسي ويقولي سامحيني انا اسف ماعا ش الي يذلج وتم يلمني ويبي يشوف اذا عور جسمي ولا لا وتميت انا مصره اني امشي وهو يبي يطول السالفه يمكن يقدر يلف بالكلام ويراضيني وفوق هذا طلب سحور من صجه يبيني اتسحر معاه لكن انا تميت علي كلامي ولما شاف ماكو فايده طلعني وقالي موتدزين مسجات انسبيني فيها لا طلعتي خلاص كل واحد يروح بطريجه ورد حب راسي مره ثانيه وقالي سامحيني علي كل شي وانا حاقرته تخيلو مشي وراي وصلني لي البيت وجنه كان متوقع اني بدق او بقول شي انا ولا كلمه ومن صج كنت مصدومه من كل الي صار ولي يومكم هذا مصدقه ومومصدقه وحتي موعارفه شنو شعوري كارهته ولا زعلانه ولا لا مادري احس من داخل فاضيه موحاسه وهذا الي خلاني اكتب لكم عقلي وقف خلاص …المهم دق علي جان ارد عليه قلتله انا رديت عليك بس عشان تعرف اني انا ارد واشيل التلفون اذا دقيت مونفس ماانت حاط ببالك واذا كنت متوقع اني بدز مسجات سب لا امنت نفسي ببيتنا بقولك لا هذا موطبعي انت كفو تنحقر وبس وشوف احنا عيال ناس والريال الاصيل اذا المره ماحبته مايهينها ويعاملها بالطريقه الي انت عاملتني لا بالعكس يكرمها ويخليها تتحسف عليه وتترجاه ايرد يكلمها بس الظاهر اعيال الناس اختلطو وماقامو ايبينون انا كان فلبي ناقزني منك والحمدلله انك ماخيبت ظني ..قام يقولي والله انا مومتخيل اني سويت جذي والله ماكنت حاس بنفسي انا سمعت الناس يقولون المره اذا طقيتها ونمت معاها ترتاح وتبرد حرتك وتحس انها عادي عندك ولا جنك حبيتها بس انا لا صدقتي يوم قلتيلي مراح تسامح نفسك ولا ترتاح وقام يحلف ويتكفر ان مومصدق ان هذا كله صار .قلت لا صار وكل هذا موبوعيك رحت وطلعت البنك ورديت كل هذا ماهديت وفكرت الا انت نوعك جذي ورجاء الكلام بيني وبينك انتهي فكني ووخر عني وانت الحين بتصيرمعرس لا تضيق خلقك قط كل شي ورا ظهرك وكمل حياتك ..
قالي انا والله مابي غيرج والله انا حبي لج قام ايصير خطر عليج من كثر حبي لج احس ودي اذبحج ولا انج تروحين حق احد ثاني يتهنا فيج ..قلت له بهذي صاج انت حيل خطر علي انت كنت حاس اني وايد عليك وكنت طول الوقت اتحسس نفسك اني مااحبك واني مراح اتم وياك لغايه ماصرت صج مابي اكمل وياك ..انت نفس الفقير الي يابوه وحطو بقصر يقعد يتخبط مايعرف شيسوي انت مستكثر علي نفسك الحب كله زعلان من نفسك لانك اتيي وتراضيني وتحبني مع ان عادي كل الي يحبون راضين لانهم مرتاحين ..مستكثر علي نفسك لاني وقفت معاك ودايما اتقول غلطان الريال الي ياخذ فلوس من مره وحسست نفسك انك بتصير ذليل لين صرت ذليل صج مع انك كنت تقدر لما الله يسر عليك اتعوضني وتعطيني وتكسر عيني بعد لان كل انسان ايمر بظروف ومااخاف من اليوم الي احتاج فيه حق احد لاني ادري اني بعطيه باجر بس انت تميت تمشي ورا افكارك وورا كلام لناس الي مايفيد ..خلهم الحين يمشون حياتك اكثر واكثر وكيفك المهم قام يبجي ويقولي كل كلامج صح انا موريال انا اقولها عن نفسي اشلون انا ارضا اسوي جذي فيج وانتي قطعه مني انا لو اتم عمري كله اراضيج والله شويه بحقج شنو تبين اسويلج بس عشان تسامحيني قلت الله يسامحنا احنا الاثنين انا غلطت بعد مو بس انت والحين روح خلاص الكلام انتهي ومافي شي ينقال قوم صل ركعتين واذكر ربك عشان تهدا وترتاح وتنام ..قالي اوكي سكرته منه وسكرت جهازي عشان ادري بيرد ايدق .
اليوم الثاني سكت لين عقب الفطور دزلي مسج ممكن اكلمج مارديت عليه ..مابي اخذ واعطي معاه خلاص ,دزلي مسج اذا حطيت ايدي عالقران اني مااجيسج ولا اغلط عليج اتسامحيني واترديلي ؟؟هم مارديت تم يدز مسجات ان ردي علي وريحيني راح اطق علقران و ادعي علي نفسي اني ما اسويلج شي مره ثانيه ..عطيني فرصه والله لاعوضج وادلعج بس لا تخليني انا من قلب احبج وتم ليييييييييين وقت السحور ايدز مسجات ورا بعض لين طقت جبدي من اخر مسج يقولي حلفتج ببناتج فكري باللموضوع ورديلي قلت له اوعدك بس لي هذاك الوقت ابيك توعدني ماتدزلي مسجات ولا تدق علي مسجاتك موتضايقني الا تجرحني وابيك تسمع اغنيه حق رويشد اسمها يضايقني اعتبرها اهداء مني لك …
ايضايقني الحجي عنك وتشعل سيرتك ناري ..
واحس بضيقه بصدري ..اذا لك مر اي طاري
خلاص انسا حكايتنا وماضي الحب ياقاسي
دموووع الكذب ماتنفع ..شلتك والله من راسي ….
ولا تسال بعد عني ..ولا تفكر ولو تفكير
مدام انك بعيد انت ..تاكد اني اكون بخير
يااكبر غلطه في عمري ..يااول حب بكاني
يااقسي قلب بالدنيا حاول بس تنساني …حاول بس تنساني ….!!
وبس هذي قصتي اتمني اكون وضحت لكم كل شي ..قلت الي اقدر عليه والي جرح قلبي اكثر بواااااااااايد ..ماتهون علي نفسي اقولكم شنو سمعت منه ..بس شسوي ذكرياتي معاه.. احلامي معاه ..مااقولكم مايطري علي بالي ..مااقولكم ماودي الزمن ايرد واقعد ابيتنا مااطلع عشان مايصير الي صار ..صج ياحبيبي جرحت قلبي من داخل ..وصج لي قالو جرح القلوب غالي

أروح أصلي وأرجع لج

حتي لماانام مرات اقعد من النوم القاه يطالعني وانا نايمه ويقولي احبج

من هالكلام على بالي تزوجج..اثاري للحين
ما اقول إلا الله يهداج ويبعدج عن طريق الحرام اللي أوله خزي في الدنيا وآخرته عقاب من رب العالمين
ياقلبي مافيه احد يتزوج وحده له علاقه فيها .. نصيحه لج اهتمي بعيالج وتقربي من ربج

الحمدالله اللي الله فكج منه وعيشي حياتج مع عيالج والله يعوضج ان شاءالله بواحد يصونج ويحبج ويشيل معاج الحمل الله يعينج حبيبتي

علي فكره البنات الي دمهم خفيف اتمني مايدخلون ويقرون الموضوع عقب ماعدلته ..لاني كتبت سالفه صجيه قاعده احاول اشوفلها حل وانا كنت اقرا مشاكلكم واذا عندي رد اكتبه من قلب لاني احس بمعاناه الشخص الي كتب وتعب نفسه وان ماعجبني اسكت مااملق ..

حبيبتي عندي لج سؤال صغير بس يا ليت تردين عليه !!!!!!!!!!!!!!!!

وين كنتوا لما طقج ؟؟؟؟؟؟؟؟؟؟؟؟؟

وإذا رديتي علي راح أعطيج الحل ،وعد مني ………..

نفس السؤال

اختي الشهد كله ..انا قلت مراح اقولكم من مشكلته هذي ولا اي تفاصيل مالها علاقه بالمشكله نفسها لان المفروض يكون المهم رايكم بلي صار وبس ..واذا ماتقدرين تعطين البنيه حل الا لما تعرفين تفاصيل ماتخصج لا تتعبين نفسج حبيبتي …
استغرب من الناس الي يحبون يسوون نفسهم كونان

خلالالالالالالالالالالاص افتكى منه وهديه هذه امبين على ماعنده اتزان عاطفى ولاعقلى وشخصيته شخصيه طفل انسان مونااااضج

حمدى ربج عرفتى خباله قبل لاتاخذينه توج علبر على قولتهم اصلا ولالالا راح يتحمل مسؤوليه هنوعيه عله انتى بروحج تبين من يعينج

خلى يولى صفحه واطويها وجابلى بناتج احسن لج مو الحب مو كل شي والواقع اصعب وعندج مسؤوليه هذه توه منجووز ويبى يحب الاخ انتى لى تزوجتى انشاله حبي زوجج الحين وفرى حبج حق بناتج لاتصيرين مراهقه ترا غلطت الشاطر بالف وانتى امبين من اسلوبج انج شاطره وناضجه بس عندج عاطفه وطبيعى تبين اتفرغينها بس حطى بالج

ماادري ليش اكو نااس وايد يحبون يدورون اي شي علي غيرهم عشان يطلعون نفسهم اهم الزينين وغيرهم لا …
علي فكره اهو كان مسافر معانا وياما نمت بالطياره وعلي الكرسي بالمطار وبالباص مال الرحلات ..اعتقد جذي انا مسويه منكر صح
سبحان الله طول عمري ادش هالمنتدي واطالع ويااقول خير ولا اسكت ..تدرون اشلون مابي حلكم ومابي منكم شي.. الواحد يبي منكم نصيحه يطلع بفضيحه ..ليش ماقريتو كل الي كتبته ودورتو بس الي انا ماكتبته وقاعدين تدورون عليه !!!!!
صج لما قالو كل اناء ينضح بمافيه

آنا ماني كونان ولاني محقق بس انتي طلبتي حل حق هالمشكلة !!!!!!!!!!!!

وبما إنج ما قلتي عن المكان آنا أقولج !!!!!

إهي قاعدة معاه بشقة ، وعقب ما خربطت لما فيه الكفاية معاه وخلص ورثها يايه الحين تبين لها حل ؟؟؟؟؟

حل حق شنو حق وساختها وخرابيطها وياه ؟؟؟؟؟؟؟؟؟

ولا حل حق ورثها اللي صرفته عليه ؟؟؟؟؟؟

ولا حل حق الطق اللي ياها من وراه ؟؟؟؟؟؟؟؟

ولا حل حق بناتها ، الله يعينهم إذا هذا مستوى أمهم اشلون راح يتربون ؟؟؟؟؟؟؟؟؟

والله يعينهم على ما بلاها ، الناس رمضان المصحف ما يطيح من إيدهم وهذي زعلانة عشان حبيبها طقها ……….

الله المستعان ………..

شوفي حبيبتي انا ما راح اقولج نفس البنات ولا راح اسئلج وين كنتي لما طلقج وانتي مشيتي بالحرام هالحجي مأخوذ خيره ومنتهين منه انا بقولج رايي واتمنى انج تتقبلينه برحابه صدر هذا الانسان يحبج اي لا تستغربين يحبج لانه فاتحج بموضوع الزواج وجاد بكلامه لو واحد ثاني جان ما فكر بهالشي وخصوصا وانتي معاه بدون زواج يعني مرافج وحده ارمله وسوري على هالكلمه , وبعدين الوضع انه ما يصرف عليج شي طبيعي لانج مو مرته وكلمته صح لما قالج صيري عندي وشوفي الريال اذا قال حق زوجته تبين شي وقالتله سلامتك يمشي وما يعطيها شي واهو ريلها يعني لازم المره تقوله ابي فلوس ولا محتاجه عشان يعطيها يعني هذا طبع بالرياييل كلهم ,واهو يقول انا اسأل ربعي شيسوون حق حريمهم واسوي مثلهم يعني كل الياييل جذي بس انا اللي اشوفه انج انتي قاعده تخلقين اعذار عاجبج الوضع جذي عيال وعندج وريال تحاتينه ماكو يعني بكيفج اطلعين وبكيفج اتردين يعني مسؤوليه مافي وتبين صاحب يصيرف عليج وهدايه غاليه طبعا هالوضع غلط وحرام وصدقيني اذا ما تزوجتيه راح اتمين جذي ادورين عالغني اللي يصرف عليج وراح اتمين من واحد ليه واحد بحجه انج ادورين الحب والحنان وبحجه انج وحيده وصغيره وطبعا هذي الاعذار انتي قاعده تخلقينها حق نفسج وصدقيني مافي واحد يصرف على وحده جذي بدون مقابل وانتي فاهمه قصدي
نصيحه تزوجي الريال وستري على روحج وديري بالج على بناتج لان اي شي يمسج راح يمسهم وهذول ايتام وعلى فكره ان ما خذيتيه ماراح تاخذين غيره وراح تصيرين سبيل حق اللي يدفع اكثر

ما اقول الا الله يهديج ويصلحج لاحول ولاقوة الا بالله
احنا بالشهر الفضيل وانتوا طايحين له مواعد وسحور ماشاءالله
اقول خافي ربج واتقي الله انتي ارمله وعندج ايتام لاحول ولا قوة الا بالله
اذا تبين الستر خليه يتزوجج اذا انتوا ميتين على بعض واذا ماتبين كفي خيرج وشرج وحافظي على نفسج ولا تختلين مع رجل غريب عنج استغفر الله العلي العظيم واذا تبين الستر قلت لج خليه يتقدم لج
والمرأة اذا تحب تحب الرجل مثل ما اهو مو ماعطاني ماصرف علي ماشرالي قاعده تدورين مصلحتج والفلوس والرزه قعدي في بيتج ونطري التاجر اللي يتقدم لج

واتقي الله بالشهر الفضيل وبالعشر الاواخر

واستغفر الله واتوب اليه

انزين والحين ليش انتي زعلانه انتي كتبتي الموضوع وتقبلي كل اللي يمر عليج من كلام وما اشوف احد غلط بالعكس كل من قاعد يقدم النصيحه ولا كلمة الحق في هالايام صارت عيب وقلة ادب …؟؟؟؟؟

الله يستر على الجميع