هالانسانة خلت حياتي كلها رعب ومو قادرة اعيش مثل باجي العالم

بنات بقولكم سالفتي الى اول مره اكتب عنها

بنات انا تزوجت واحد كانت بيني وبينه علاقه بسيطه قبل الزواج

وهالحمدلله تزوجنا ومن اول ليلة خذاني شهر عسل و سوالي كل الى تتمناه كل بنت

لكن مادريت الا وانا رادة من شهر العسل بهالشي

احنا عشنا بالدور الثاني ببيت اهله وكانت مثل شقة بعدين تطل على صالة بعدين اكو غرفة

هالغرفة فيها الاانسان الى خلتني من اول ليلة ولي الحين اعيش برعب

الى اهيا بنت عمته

لا تشوفونها يا بنات ماشالله تبارك الرحمن جميلة جمال

سألت ريلي ليش عايشه عندكم قال لي اهيا يتيمه وماعندها غيرنا ومعانا من يوم كانت صغيره يعني جنها اختي

انا لما عرفت السالفة سكتت

لكن يابنات هالبنت ماخلتني اعيش لحظة وحده وكله خايفة منها

بختصار هالبنت مينونه وراعيت سحورة

انا من دريت انها جذي انقلبت حياتي

طلعت تحب ريلي وريلي مو مطعيها ويه لانه يعتبرها مثل اخته

يابنات ماقامت تطلع الحره الا فيني

وكل ما اقول حق ريلي يقول لي ترى بنت عمتي وصبري عشاني

تخيلو ياناس وياي بنفس الدور ومينونه

يتني فترة تلفزيون صالتنا مايشتغل وكنت اروح الصالة المشتركة

كنت اقعد وكانت تييني ،، والله انطر بس متى اقوم او متى تقوم اهيا

و ريلي كان ايي واهيا كانت تتحيلق واااااااااااي قلبي

المهم انا تعودت على يننونها هالبنت

بس مره حبت تثبتلي انها بايعه عمرها عشان ريلي

وبتحط البلوه علي

كان في دري وصوبه دريشة شوي عوده ومحد ايي صوبها

كان تهددني انها تطب منها !!!!!!!!!!!!!!!!!!!!!!!!!!!!!!!!!!

انا ماكنت ارد عليها لاني بالاساس خايفة من داخل

ومن هالحزة قمنا نسكر الباب مال الدري عشان هالمينونه

وكل ما قلت حق ريلي ان تصرفات بنت عمتك مو طبيعيه يقول لي انتي تتبلين عليها وادري ماتبينها بالبيت عشان الغيره وهالسوالف

بس الحقيرة تبي تبين جدامه العكس، ان اهيا السنعه وانا المينونه !

بيوم من الايام كنا قاعدين بنفس الصالة ولا تيي وتقعد وياي وتسألني

باب الدري مبطل؟؟ قلت له اكيد لا قافلينه

جان تقول بقوم اتاكد

قلت لها قومي تاكدي

وراحت ولا مبطل،، انا اهني مادري شصار فيني

قمت وياها

وصار بينا حديث صغير صوب الدري بس ما اتذكر بالضبط بس اتذكر انها قالت

انا راح اطب من الدريشة لانج خذيتي حياتي مني !

انا اهني من الخرعه يابنات مادري شثول مادري شسوي

مشيت عنها بروح الصالة

ولا تقط روحها من الدريشة !!!!!!!!!!!

انا اهني جمدت بمكاني يابنات

سمعت صوت طقة قوية

جمدت ماقدرت اتحرك لفترة

ما اسمع الا صراخها واهيا تقول اااااااااااااااااااااااه

جنها تقول لي تعالي شوفينييييييييييي

انا اهني ماقدرت ركضت لي غرفتي وقعدت ابجي

ماعلمت زوجي ماعلمت احدددددددددد

زوجي كان مسافر

قعدت بغرفتي يوم كامل لاني مصدومه

ثاني يوم لبست عبايتي ورحت الفرع يم بيت ريلي بالضبط رحت مشيت وشريت الجريدة

ولا اشوف حاطين صورت السياره راحت فيها

طلعت قاطه روحها ومتعمده على سيارتي !!!!!!

شوفو الحقاره

بنفس اليوم رد زوجي ودرى بالسالفة

انا كنت طول الوقت ساكته وقال لي لازم اروح لها

قلت له عفية لا تروح

عشاني

وراح لها

يابنات البنت قطت روحها من الدور الثاني وطاحت على سيارتي وللحين عايشة !!!

انا كل الى خايفه منه انها تطلع وتسوي فيني شي

عااااااااااايشة كل دقيقة برعب يابنات

قمت ما اطلع ما اروح مكان

وللحين ما ادري عن البنت ولا ابي ادري عنها وكنت اتمنى موتها لما قطت روحها من الدريشة ولا تعيش عقب الى سوته

بدعتي