واااي شهالتخلف امبيه لا معقوله في ناس جذي !!

السلام عليكم ..

بنات بدش بالموضوع على طول ..

رفيجتي مالج عليها واحد مايصير لها .. بس من نفس القبيله .. وبحكم عاداتهم وتقاليدهم مايصير تكلمه او يكلمها ..

مو هني المشكله ..

المشكله ان رفيجتي عرسها شهر 4 واهي مخلصه ثنويه بس نسبتها مو ذاك الزود مادخلتها كليه ..

قالت بتسجل معهد دورات خاصه .. ودشت معهد واختارت دبلوم علوم كمبيوتر ..

تعرفت على بنات و من ظمنهم بنت خالة خطيبها ..

بعدها بفتره اتصلت ام خطيبها على امها .. قالت يا ام فلان .. فلان يقول خلي فلانه تطلع من المعهد مايبيها تدرس كمبيوتر !!

بناااااات شدعوه وين عايشين احنا بأي قررررن @@

رفيجتي تحطمت معنويا كانت حاطه في بالها ان لما تتزوج بتاخذ الاب توب معاها وتستفيد منه في حياتها معاه وبتقدر تتواصل معا رفيجاتها الي برا الكويت..

و الله يشهد ان ماعندها خرابيط واهلها ماحطوا لها نت الا واهم متأكدين من اخلاقها ..

الحين اهي معنده تقول ماراح اطلع وانا ماسويت شي غلط ادرس حالي حال خلق الله

انصدمت انه انسان متحجرررررررر مع انه خريج بريطانيا

يعني المفروض يكون انسان مثقف و واعي ويدري ان الكل صار يعرف كمبيوتر ويدش نت و ان النت مثل مافيه الشين فيه الزين

بنات ابي حل لها المسكينه ماتدري شتسوي .. اهي متمسكه برايها ومصره عليه وبنفس الوقت خايفه تطلق وتصير علج بحلوج الناس خاصاّ ان السالفه ماتسوى و الناس ماترحم بيزيدون كلام وبيخلون العيب فيها ..

ابي حل لها بلييز

انااا اقوووووووووول خل تسمع كلام زووجهاااااا
لانها بهالطريقة تكسبه
والله نصيحة اخت لختهااا ولووانهااا اختى كان قلتلهاااااا اطلعى من المعهد ودشى اى دوورة ثانيه يااخى الرجال مايبى كمبيووتر خلاص بلا هالكمبيووتر التخصصات وااجد لكن الزووج واحد
وصدقينى اوووكى اهو يمكن غلطان لكن اذا سمعت كلامه بتكبر بعينه وبعدين اهوو بيطيعها ويسمع كلامهاا

سووورى ادرى طوولت بس اسمعى نصيحتى
والله يوفقهم

حبيبتي شنو تسوي (حكم القوي على الضعيف ) مهما يكون هذا زوجها وضروري تسمع كلامه وبعدها لما تكون في بيته تحاول تتاقلم معاه وتحاول تغير نظرته الغلط بالكمبيوتر واما انها تتطلق لا طبعا ما تسوى ومثل ما ذكرت الناس ما ترحم راح ياكلونها بالكلام

بالاخير مالي الا الدعاء انه ربي يسخر لها زوجها

السالفه مو داشه راسي .. منييه و الطريج قالها ما ابيج تكملين .. اهو دام ان عنده تحفظ من الاساس جان قالها من البدايه ما ابيح تسجلين كمبيوتر بس اهو ما ادري شنو في باله

انا عكسج يا صيته <<ليش اهيا كل هالسنين تدرس وتتعب وتحاتي امتحانات وتلف هالاعصاب .. وبكل سهوله يقولها اطلعي..؟؟

لا يبا انا من رايي انها ما تطلع كلش وتتمسك برايها ولا عليها من احد ؟؟

حبيبتي بقولج نصيحه عن تجربه… اذا تخلت عن المعهد عشانه بالعكس ما راح تكبر بعينه لا بالعكس راح يتمادى عليها بكل شي

ويدخل بكل شي .. وبعدين المعهد ما فيه شي والحمد الله البنت صالحه وفالحه يعني خلااص

والمفروض انها يوم ملجت جان شرطت عليه دراستها وشغلها .. والله الوحده ما تسوى بدون شهادة ولا بدون وظيفه …؟؟

واسفه ع الاطاله بس والله الموضوع يحر …وترا للحين فيه وقت انه ابوها يكلم الرجال ويتفاهم معاااه…

انا اشوف المفروض اخوانها يكلمون الرجال ويشوفون شنو قصده ويحاولون انهم يقولون له ان البنت تحب التخصص هذا

واذا كلش ما بذنه ماي يعطون الرجال اوراقها ويخلونه اهو يسجلها اي تخصص عشان يحس ان الي يسويه غلط وماله داعي

والمفروض ان اهل البنت يكتبون بعقد الزواج ان الرجال ماله دخل بدراستها ووظيفتها

صيته آآنشتااين

معاج حق انها تسمع كلامه .. بس مو بكل شي ..!!

اهي ماسويت شي غلط !! مافيها شي لو دشت معهد وختارت بتخصص الي هي تبيه!!

الله يعينها ويسخر لها

مشكوره حبيبتي على مرورج وردج

عجميه صريحه ..

المشكله ان هذا مستقبلها.. مافي اي كليه تقبلها فا دخلت دورات خاصه علشان تقدر تقدم على وظيفه!!

و من ناحية النت اهي ودها مسكينه ان تقدر ادش نت بعد ماتتزوج بس ان شاء الله تقدر تقنعه

الله كريم

ماقصرتي حبوبه

الرجال ، معقـد .. وكلن يرى الناس بعين طبعه

واذا تنازلت الحين .. بتنازل بعدين وايـد .. السالفه مو عناد

المفروض الولد يقدم أسباب .. عطنا اسباب رضينا

مو معطينا .. الباب يفوت جمل .. الناس صج ماترحم وكلمة مطلقه مو سهله

بس احسن من باجر تاخذه .. وتجيب منه عيال .. ويطيحون بجبدها من هالابو المتخلف ^_^

ياربي لاتبلانـا ..

pretty sarona

اهم على كلام رفيجتي حجرين على البنات

و اتوقع مايبي رفيجتي تتدرس تخصص كمبيوتر علشان ما ادش نت بعدين !!

<< مايدري ان اهي ادش نت من 5 سنوات

الله يعينها على كل حال

حروف الغـــلاااا

معااج حق بس اهي ماتبي تخطي خطوه وتندم عليها تخاف تعاند و تندم وتخاف تطلع وتتوهق بشهادتها !!

الولد طرش امه تتفاهم معا امها .. وامها قالت مافي شي يعيب المعهد الي اهي داشته!! ولا تخصصها.. حتى الابتدائي يعطونهم كمبيوتر!!

قالت امه تعرفين الشباب مايحبون البنات الي يعرفون للكمبيوتر !! << شدعووووووه

امها قالت الله يكتب الي فيه الخير و ماقالت حق ابوها علشان ماتكبر السالفه تبي تحل الموضوه بشكل ودي و من الاساس تقنع بنتها تطلع .. تقول لها البنت تسمع كلام زوجها

الله يعينها ويسخر لها

مشكوره فديتج على مرورج وردج

lipstick

الله يكون بالعوون .. والمشكله امها ماتبي تسبب مشكله لبنتها و تحاول تقنعها والبنت معنده ومصره ..

مشكوره حبوبه على مرورج وردج

نور الكويت

اهي اصلا مجبوره على هالتخصص نسبتها ماتساعد انها ادش جامعه او حتى كليه .. ومافي قدامها الا المعاهد الخاصه..

و من ناحية ان ادخل اخوانها وابوها بالسالفه .. اهي تقول ماتبي تكبر الموضوع اكبر من حجمه وعلشان جذي ابيكم ادورون لها حيل

الله يسخر لها ..

ومشكوره حبوبه على مرورج وردج

استغفر الله ليش هالتحجر ….!!

بفهم البنت ميولهاا كبيوتر ليش لا ….؟ ماسوت شي غلط وبعدين بيني وبينج داام من اللحين على مجال الدراسه بيقول عيل باجر الله يعينهااا لازم تخلي اخوانهاا يكلمونه ولا امهاا تكلم امه والحيله ليش البنت ماغلطت عشاان يقول خلوهاا تطلع وليش يعني اللي تدرس كبيوتر بيتغير فيهااا شي ولا ماتدرس كبيوتر خووش وحده …؟ نصيحه من اخت لاختهااا لازم من اللحين تشووف نفسها هل اهي تتقبل تتنازل عن دراستهاا عشانه وهل اهي متقبله انه يتحكم فيهاا باللي يسوى وللي ماايسوى …؟ اذ متقبله خل طيعه وتوقف دراسه واذ لاا خل من اللحين تكون وااضحه معااااه … اسفه على الاطاله بس جد موضوعه ينرفز وعسى الله يسخره لهااااااا