|
|
تمنيتك انت هذاك اللي عرفتة حبيبي وطبيبي تداوي جروحي ولكن ياحسرة والفين مرة وهبتك حياتي وقلبي وروحي تدوخلي راسي ياظالم ياقاسي
عشت عمري كلة عذاب ومأسي وانت مع الدنيا صرتووا عليا بلاني بعشرة غريبة عجيبة خلص فيها صبري ومن وين اجيبة وانا اللي حسبتة في قلبي حبيبة طلع وصل همة ونارة ولهيبة ياصبرج ياانا على هالمهانة طلع صح ظني وشكي بمكانة مع الناس خيرك وشرك عليا
حلو هالكلمات هالاغنية لمة اسمعها اطلع الهم اللي بقلبي كلة
بنات اهني بنفضفض ندري كل وحد عايشة حياة حلوة مع ريلها واللة يهنيكم كلنا تمر علينا ايام احلى من العسل وايام خليني ساكتة فالبنات اهني بس طايحيلة حب مع ريايلهم صكوا على مهند ونور وطبعا لازم انطير ريايلنا لي السما يستاهلون فهالصفحة كلنا بنستفيد من بعض وانا ابي ابدي اول وحدة وكل وحدة ورايها
انا اخذت ريلي عن حب اهوة عمرة 30 وانا 22على قولتة ماعندي لا ماما ولا بابا يأذونج بس عرفت انة مو كل المشاكل من الاهل ريلي ماعندة ام وعلى راحتي معاة بس مودايم الام نسرة اللحين تمنيت انة عندة ام تعدلة وتسنعة وتردة شوي اهموة زين لي بس في مشاكل مافي حياة تخلى من المشاكل
انا وايد اشياء تضايقني منة اول شي عندة رفيجة مايخلية دايم معاة يقول حرام طلق وعندة مشاكل ويبيني يمة اهوة بيروح يحل مشكلة الريال مايحل مشاكل بيتة انا وايد متنرفزة منة تخيلو اني بالبيت بروحي صارلة يومين يتغدى ويتعشا برة مع رفيجة يقول حرام ماعندة احد لمة اقول انت هاملني يقولي كل شوي ادق عليج شتبين تبين ارضعج
غير انة مايبي عيال بلعتها وسكت هذي المشكلة الثانية والثالتة انة لمة يتهاوش معاي يغلط علي 
العلاقه تكون معاه مد وجزر
انا صار لي 10 سنوات متزوجه
وعن حب
مرات ريلي يصير يهبل
ومرات كأني ما اعرفه
لازم الواحد يتحمل شسوي
والصبر ثم الصبر
اهم شي عندي ان مايمد ايده ولا يكون راعي خرابيط
وغير جذي كل شي مستعده اتحمله
بس انا ما اشجع المره تطلق لانه مو سهل سواء عندها عيال او لا
حاولي تتفاهمين معاه وتغيرين من ستايلج دوري الشي اللي يحبه ويجذبه
طلبي منه تطلعين معاه كثر ما تقدرين
وان شاء الله يتغير
استهدي بالله وكثري الدعاء عسى الله يهديه ويسخره لج
انا صارلي 5 سنين متزوجه يومين متراضين واسبووووع متهاوشين
هذا الزوااج مستحيل يكون كله عسلوحتى لو تطلقتي الله لايقوله
راح تتزوجين مرة ثانيه وهلم جرة
نفس الحاله انتي سوي اللي عليج وتوكلي على الله وادعي ان الله يسخرة لج ولايكون الزوج اكبر همج
جذي بتتعبين حاولي تشغلين نفسج باشياء ثايه وتهتمين فيه بالمعقول
دايما الزواج باوله يكون صعب
وما يصير التفاهم بسرعة
حتى لو كان الزواج عن حب دام فتره طويله
لازم المشاكل
واذا كل وحدة بتتهرب من مشاكلها ببيت ابوها جان كل البنات اطلقو
لازم تواجهين ريلج دام انج باول حياتج
لا تتهربين
حاوريه واذا ما فهمج وما سوا الي تبينا ذيج الساع دوري حل ثاني
بس انا انصحج بانج تنسين حياتج في بيت اهلج لازم تتعايشين مع حياتج الجديدة
وصدقيني اهي فتره وجيزه وتتفاهمون
لازم اول 3 سنين تتولد المشاكل
اتمنى اني ما طولت عليج