ليش الطلاق اهوا افضل حل للخيانه؟؟؟؟؟ أبي رايج دشي

قوه بنات اشلونكم الموضوع باين من عنوانه ..انا لاحظت ان اكثر البنات في المنتدى يقولون اذا ريلي خاين مالي عيشه وياه وراح اتطلق…
السؤال ليش ؟؟؟؟؟؟!!!!!!!
ليش ما أتم وياه واغيره وآخذ أجر من وراه ؟؟ ليش ما أنا أعيش حياتي مع عيالي واقول ظل راجل ولا ظل حيطه؟
ليش ما أطنش الموضوع واعيش حياتي وألبس وستانس وأطلع وضربه بالحيطه وأقول مرده لي؟
ليش ما اصبر وادعي ربي بان يهديه لي و لي عيالي؟ او ان ادعي ان الله ياخذ حقي منه ويعلمه اشلون صبرت عليه وعلى عيوبه ورده لي مكسور راكع تحتي وما يتمنى إلا رضاي؟
ليش ما اخليه يلعب بذيله والعب انا بذيلي مثله وأخليها وحده بوحده؟

اسئله واااايد وبصراحه تعبت ما اقدر اكتبها….. شنو رايكم بنات شنو اتفضلون؟؟؟ طبعا شغله ثانيه غير الطلاق
كبري عقلج وحلي الامور بأكثر عقلانيه وحكمه وسالي نفسج ليش سوه فيج جذي ؟ ليش ربج بلاج بهاا الشغله عن غيرج؟
ليش عشان تقربيله اكثر بالدعاء والصلاة ؟ ولا عشان تعاملين ريلج مثل يعاملج وتصير وحده بوحده؟ولا عشان تكرهينه ويبعدج عنه؟
وااااي تعبت من لاسئله
بس ياريت قبل ما تجاوبين اتفكرين عدل وتعطيني الحل باكثرررررررررررررر عقلانيه

_03ba:

الكلام سهل

والله ادري عشان جذي اقول باكثر عقلانيه حبيبتي شضنو بنظرج
وبعدين شنو؟ منتي عارفه نفسج ؟

انا اقول اول شي الله يبعدنا عن الخيارنه يارب ويبعد عنا الخاينين
وثاني شي اتوقع ان الي ريلها يخونها بتنصدم بتكون لها رده فل طبيعيه وهي طلب الطلاق ووقتها ماراح تفكر ولا راح تسأهل هالاسئله
واحنا ما نقدر نحدد قانون للخيانه لان لكل وحده ضروفها
والي ايده بالنار مو مثل الي ايده بالماي
وسلامتج
ويسلمو عالموضوع

انا ماأشوف انه الطلاق اهوه الحل بلعكس الطلاق اهو بدايت مشاكل
وبعدين في حديث عن الرسول
(جهاد المرأ حسن التبعل)ومعناته انه جهاد المره اهو الصبر على الزوج
وبعديد بدال ماتحاول تسحب ريلها صوبها وتعطيه جرعت اهتمام اكثر
تطلب الطلاق هذا هروب موحل
لو شنو كانت نوع الخيانه او كثرتها المره مالازم ترضى ابخراب بيتها لازم اتصيرين مثل اللبوه شرسه ماتخلين احد يهدم حياتج

هذي وجهت نظري

شوفى لو اخذها بعقلانيه مثل ماتقولين واسكت واننطم واستمر وياه

يمكن راح يصيبنى الامراض الله يكافينا الشر الخيانه يعنى الجنس

الجنس يعنى امراض اشكال والوان يعنى اهانه لذاتى لشخصيتى

لكرامتى لانوثتى انا مومقصره وياه بشئ

واذا كنت مقصره الشرع حلل 4 خل يتزوج بنات ناس

ويبعد عنى وعنه الامراض ولا يعاشر كل يوم وحده شكل

من فلبينيه واندونيسبه وووووووو

انا قلت لزوجى خيانه ماكو زواج اوكى تبى تتزوج ماتشوف شر تزوج

لكن محبتك فى قلبى راح تقل ويمكن تنمحى راح اكون وياه جسد من غير روووووح

الرجل لما يكون خاين .. ما يكون خاين بس

لان خان زوجته .. ماراح يهتم بمشاعرها وتلاقينه يهينها .. وغير هذا يبخل عليها .. ولا يهتم فيها ولا بعيالها .. ويحسسهم طول الوقت انهم

عبء ثقييل عليه .. واحتمال توصل للطق …..

وانا متاكده لو كانت خيانه بس ويقوم بكل واجباته مافي بنت تفكر بالطلاق وبتحاول تغير زوجه .. بس عدم اهتمام الزوج ويشوف زوجته

وجودها وعدمه واحد .. واكيد الزوجه تحس بهالشي .. فماكو غير حل عندها الا الطلاق بس عشان ترتاح ترد ثقتها بنفسها وتثبت لزوجها

انها مو بحاجته ومثل ما اهو قدر يخونها ويستغني عنها حتى اهي تقدر ………

تدرين ليش؟؟

لانه احناا ما قصرناا بحقهم ولا فكرنا ناطالع فيرهم وقايمين بيتناا وعيالنا ونفكر فيهم قبل نفسناا وهذي اخرتهاا وجزاتناا منهم ( الخيانه ) ,,

بس طبعاا مو اني اروح سيده اطلب الطلاق من غلطه شفتهاا طبعاا لاا ,,

اصارحه اشوف ليش سوى جذي وادور سبب مقنع ؟!

او يمكن قصرت بشي معين مو معناته تروح تخون !؟

اهم من كل هذا لازم يكون الصراحه بين الزوجين اول الزواج ..
لازم التفاهم والنقاش والحب والاحترام عشان الواحد يتجنب الكثير من المشاكل ,,

وبالاول والاخير الطلاق مو حل الحل انه الوحده تصبر وتصحح الاخطاء اذا كان في او تصحح الغلط الكبير الرجل وتغير مخه وتفكيره بتجديد حياتهاا معاه ,

يا الله كثرهم وزيدهم

مشكوره حبيبتي على مشاركتج
بس ابي رايج ابي شنو اللي انتي شايفته افضل ان الوحده اتسويه بالنسبه لردود الفعل وووايد انا عارفه راح تكون صدمه لها وفي بنات لا عالجو موضوعهم بكل بساطه وبدون علم زوجها

مشكوره حبيبتي على المشاركه وعجبتني اللبوه
صج المره مهما يصير لو انشالله متزوج عليها لازم ادافع عن بيتها وحقها ماراح يضيع لو شنو

انا من رايي اني ابحث عن حل للمشكله وابحث عن سبب خيانته لي

ومافي مشكله مالها حل بس مو بالطلاق وبعدين صدقيني مو كل بنت عندها على

قدره تحمل و موكل شاب يتعدل بسرعه

للاسف الشديد بس ارجع واقول في حلول وايد

بس ما اسكت واطنش الموضوع لان هالموضوع شي يضايقني ويهمني

ليش اهم عمري وهو مرتاح ومتدلع من داخل البيت ومن بره

تهقين ان الرجال عنده شعور ويحس والمره لا

المره بطبعها قويه التأثير بذات في مثل هالامور

والسكوت علامه الرضى ماعتقد ان انا ناقصني شي

او اني رخيصه عشان اسكت واطوفها

لا ادور حل يرضيني ويرضي زوجي

بجذي اقدر اعيش حياتي مرتاحه من غير طلاق

وبفضل الله سبحانه وتعالى كل شي يصير الدعاء

الاستغفار القرائه

قوه الوازع الديني هي اكثر شي تبعد الرجال عن المحرمات

واشكرج عالطرح الرائع

حبيبتي الخيانه مو بس فلبينيه او اندونسيه ممكن يكون متزوج من وره زوجته مثلا وهيا ما تدري اهني بعد خيانه
وبعدين مافي كرامه بين الزوج وزوجته قولي اهانه قله احترام اوكي انا معاج اهني شي ثاني ممكن احل الموضوع بدون طلاق..في بنات تروح ترفع قضيه نفقه عشان تطالب بحقوقها وحقوق عيالها وناس لا تسكت وتنطم على قولتج عشان ربج ياخذ حقها
ومشكوره حيييل على المشاركه

حبيبتي حتى اذا في تفاهم بين الزوجين مافي احد يغلط وقول انا غلطان بعدين الريال التغيير ليش ربج حلل 4
الا وهم ما تترس عينهم الا التراب وفي رياييل حريمهم ما عليهم قاصر وهم يبون يتزوجون عليهم المشكله مو فينا المشكله بالريال نفسه واحنا علينا بس ان انتحملهم او نبتعد عنهم وربج اهو الوحيد اللي قادر عليهم
مشكووووووووووره