|
|
جايبه لكم قصة وحده من صديقاتي عزيزه علي كثيرررررر
صديقتي جميله وكشيخه وجسمها رووعه بس شخصيتها ضعيفة وانطوائية مش إجتماعية وهاديه كثييير
حتى صوتها ناعم يادوب ينسمع
المهم تزوجت واحد من اقاربها مع العلم إن ( امه وخواته راعيات مشاكل )
ولو اتكلم عن أخلاقهم وأفعالهم ماراح تكفيني الصفحات من مدى الشر إللي فيهم
لكن النصيب وداها عندهم وبعد ماجاتهم قاموا يرونها نجوم الليل في القايلة
ويحرشون زوجها عليها إلين صار وهو طالع وداخل لازم يتمشكل معاها حتى المصروف مايعطيها وراتبه يحطه بيد أهله ويقصر معاها كثيير وهي آخر أهتماماته ولا سوق ولا تمشيات وبما إنها هاديه ولاتحب المشاكل صبرت وسكتت لعل وعسى يتغير (بس وين يتغير وأمه واخواته وراه ياكافي الشر)
وانتوا بكرامه حتى زبالة شقتها (غرفة وحمام ومطبخ تحضيري) هي تنزله بنفسها وتسحبها على الدرج بنفسها وهي حامل مع العلم إن عندهم خدامه بس الحقد مايخلونها اتسوي أي شي لها
وصار عندها بنت وهي حامل بالثانية صارت هوشه كبييره وضربها والسبب هم بعد
طفح الكيل فيها دقت على خوانها لأنه رفض يوديها لأهلها فجاء أخوها وخذاها لبيت أهلها
وقعدت عند أهلها 3 شهور وأهلها يبونها تتطلق منه على سواتهم فيها ويدرون عنها مسكينه لا تهش ولا تنش..
طوال فترة وجودها عند اهلها عايشه معززه ومكرمه وهم يصرفون عليها وعلى بنتها وهو ولاداري
وبعدين قام يتصل عليها وضعفت وردت عليه وقام يبكي ويوعدها إنه راح يتغير واهله يحترمونها ومن الكلام الفاضي اللي ماخوذ خيره وفي النهاية رتبت معه إنها ترد له مع اخوها الكبير لأنه اتصل عليه وترجاه يردها من ورا ابوها واخوانها الباقيين لأنهم كانوا رافضين وردت له وولدت وجابت بنتها الثانية ولا أخونا في الله لا تغير ولاهم يحزنون رد يبهذلها وهو وأهله وأمه تحركه وتحرشه على كيفها ويتفنون بتعذيبها وينقزون بالكلام لين وصلت فيهم المواصيل وحده من خواته (اتفلت عليها) وأنتوا بكرامه وطلعت زعلانه مع بناتها وماردت إلا بشقه بروحها لأنهم بصراحه مايتعاشرون واستقرت تقريباً أوضاعهم لأنه قاطع أهله بعد زعلتها الثانية
وهو عارف قيمتها بس هم يلعبون فيه وعارف انه ماراح يحصل وحده هاديه تتحمل اهله مثلها ومتنازله عن حقوقها ويعرف في قرارة نفسها أن أمه وخواتها قويات
وبعد فتره يروح يبي يسلم على ابوه وامه يرفضون لأنه طلع من البيت على هالحال لين تصالحوا لكن بشرط يرد يسكن بالبيت معهم أو انه يطلقها واهلها اصلاً رافضين انها ترد عند اهل زوجها بعداً عن المشاكل
والفتره الأخيره اللي رضوا عليه فيها بشرط يرد عندهم هو تغير على زوجته ماقام يصرف عليها وعلى بناتها ابسط حاجه زاد البيت الأكل مايجيبه وهو يومياً يتغدى عند امه وزوجته وبناته بطقاق ولاهمه لأن رجع التأثير مره ثانيه ويتهاوش كل يوم معها وهي صابره ومتحمله ويقول بنرد لأهلي قالت إذا تبينا نرد عند اهلك ودني بيت اهلي وطلقني وهي الآن صار لها يومين في بيت اهلها تبي تتطلق وبنفس الوقت تحاتي بناتها من يتحملهم ويصبر عليهم علماً ان زوجة اخوها تصير اخت ام زوجها (وسبحان الله نفس طبع اختها العايله مجرده من الأدب والأخلاق) ومن تجي ترسل عيالها يضربون بناتها فالبنت هذي متعذبه من جميع النواحي عند الزوج وعند الأهل لأن امها وابوها أجاااويد وطيبين حيييل ومايحبون المشاكل ويبون الستر وكبار في السن وفيهم اللي كافيهم من الأمراض والهموم والله يكون في عونهم ..
وموعارفه تحسم حياتها تتطلق او ترد كلاهما أمررر ؟؟؟؟
واذا تطلقت وش تسوي عشان تعيش بسلام هي وبناتها عند اهلها ؟؟
واذا ردت وش تسوي بعد عشان تحسن حياتها؟؟؟
وش الحل براااايكم القصه انا اختصرتها كثييير ويمكن ماعرفت اوصفها لأني ماني راعية القصه بس اتمنى اني وصلت زبدة الموضوع باختصااار ولا تبخلون عليها لأنها تبي حلول من طرف محايد فما لقيت إلا الجأ لكم يابنات منتديااات كويتيات وانتوا كفوا ماتقصروون؟؟؟؟
انا من راى انها ترجع لزوجها علشان بناتها
واكيد الحال بتغير ان شاء الله
والصبر مفتاح الفرج
ما لها الصبر وعسي الله يصلح زوجها لها
انا من راى انها ترجع لزوجها علشان بناتها
هي عايشه ولا كأنها عايشه مجرده من أبسط حقوقها الزوجية
الله يكون في عونها
=================
مشكوره ناعم العود على المشاركة والتفاعل
=================
والرجاء اطلب من الجميع المشاركة و لا تبخلون علينا بآآآآرائكم
والله يرفع عنها
صج اخت زوجها هيلق
للأسف مع إن عايلتها لها وزنها ومكانتها في المجتمع
وأبوها والنعم فيه
يحمدون ربهم انه قبل فيهم وزوجهم بنته
بس مو كفو احد يناسبهم
لاحول ولاقوه الا بالله
عبالج بعيده عن الله الله يبينهاا فيها هي وبناتها
انا متاكده ان ه يحبها اهي خل تصبر وتفكر تحط بيت بعيد عن الساحرات
اجتبوون يفرقون بين المرء وزوجته لا حول لاقوه الا بالله
ايهي نقطتها الوحيده انهاااا على نيتهاااا وضعيفه
اول شي خل تسير قويه وعوبه العوابه اساسيه المراة للوصول لحقوقهااا
خل تترك الطيبه الزايده والهنوصه ماله داعي هذا بيتج وهذا زوجج
امه حااااولي تااخذينهاا بالسياسه تقربي لهااا مو حبن فيهااا عشاان زوجج
بعد هذا قدرج تحملي واصبري وخلج عقرب مع اهله كلشي بالسياسه
وحطي ببالج يمهل ولا يهمل
بيض الله وجهك على هالرد ماقصرتي
ومشكوووره على تفاعلك
عاد الا تشيش شنو هذا وين قاعدين واهو شنو من رجال يسمع لهم والله لو ماعندها ها البنات
جان قلناا لاوالله تروح لها ابرك من ها السوالف هذا حتى خدامه عندها مو قادره اتحكم فيهاا الله يصبرهاا ياارب
دام يعرف قيمتها ليش يسوي فيها جذي ماعليه خل تصبر وتكثر من الاستغفار لانه يدفع البلا
وتشغل صورة البقره يوومي والله يهديه لها
مشكوووره على مرورك
كلام جميل ويعطيك العافية ماقصرتي
مشكوووره على مرورك
كلام جميل ويعطيك العافية ماقصرتي