فقدت الامل ساعدوني شنو الحل

بنات انا بموت من القهر زوجي هو المشكله كان في منتهى الرومنسيه ومتزوجني لان يحبني كان يبتكر الحركات وطالعات وتليفونات ومسجات حب بالهبل الحين طاف يعني اليوم ضبطت نفسي وشقتي وسويت الابتكارات وحطيت الهديه بمناسبة يوم زواجنا وطلع الاخ ناسي قلت يالله يمكن يحن ويطلعني يمكن يجيب لي ورده يمكن قولي كلمه حلوة بس مافي فايده قعد شوي وراح عند ربعه قلت يمكن يكلم يمكن تزوج الافكار ذبحتني بس انا فتشت مالقيت شي يخلني اشك خصوصا ان زوجي سيده ومايحب هالسوالف طيب شفيه

انا ما ادري ليش انتوا جذي يا بنـــــــــــــــــات

واذا نسى يوم زواجكم شنو يعني ؟ ما يحبج ؟؟ واذا طلع مع ربعه ؟؟ ما يحبج ؟؟

لازم يجابلج اربع وعشرين ساعه ؟؟؟؟؟

والله العظيم وربي شاااهد انه ريلي عمره ما ياب لي هدية بعيد ميلادي ولا بعيد زواجي ؟؟ ولا زعلت ولا تهاوشت ولا تنرفزت

تدرون ليش

لانه كل اسبوع لمن يطلع مع ربعه يرد البيت بهدية حقي ، خاتم او اكسسوار او ملفع او تلفون او اقل شي الككاو الي احبه

مادام اهو ما نساني طول السنه ليش ازعل اذا نسى يوم ذكرى زواجكم ،

اختي الغالية ،، لا تظنين بريلج ظن السو ، نسى ما عليه الايام يايه واحلى عندج العمر جدام ليش تخربين على عمرج ترى ما يسوى تعيشين بقهر استانسي ترى والله ،،،،، راح تكبرين بعينه

ميخالف حبيبتي

يمكن ضغط الشغل عليه

وماتدرين شنواللي نساه لهاااااه

طوفي ولا تتكدرين

قعدي معاه وسولفي شوفي شلي مغيره بس الكلاام الحلو والرومانسية من غير اي نرفزة

وحاولي معاه شوي دلع

والله يهدي سركم

انا بالعكس عادي مابينت له اني متضايقه حتى عزمته قلت خل نطلع قال اشوف وللحين مادق علي يعني مافيه

انتي ترى مسويه من الحبه قبه…………..الله يهديج

نفس كلامي بالضبط

انتو ماتدرون لما يتغير عليج زوجج 180 درجه وكل تصرف كان يسويه تغير ماتضايقين لما تصير حياتكم بارده جافه مافيها مشاعر ماتضايقين لما تحاولين تكسبين زوجج بكل شي وماتلقين ردة فعل ماتضايقين

حياتي انتي مكبره السالفه !!!!

مافيها شي يمكن مزهب لج مفاجأه لا تستعيلين نطري عليه شووي وحتى لو نسى ياقلبي عادي

لاتسوين مشكله من ولا شي الحمدلله ريلج على وصفج ترى زين ونادر الي يسوي جذي مايت على يوم يعني :

نطري عليه لمن يرجع وشوفي شنو رده لج واذا تغير مو معناته انه خاين وتشكين وتدورين يمكن في مشكله مو حاب يقولها لج

لا تستعجلين الامور ياقلبي فتره وتعدي الريال مو على طول بيتم بهالرومانسيه اكيد بتيله فتره فتور وبيرجع مره ثانيه مثل ماكان واحسن

حبيبتي لاتضايقين ولا شي عاااااااااااااادي أغلب الريايل جذي ينسون أحلى المناسبات بس انتي حاولي تذكرينه بالمناسبات قبل جم يوم مثلا قولي له تصدق حبيبي الاسبوع الجاي عيد ميلادي شنو ناوي تفاجأني فيه ومن هالحركااااااااااااات؟؟؟
وبعدين اذا تغير عليج حيل قعدي معاه قعدت صراحة وصارحيه وخل يقولج اللي بخاطره يمكن عنده شي
والله يسخر أزواجنا لنا ان شاءالله

عادي ياقلبي مو شرط الرجل يتذكر عيد زوجه انتي الشاطره وانتي اللي تزهبين كل شي

لا تضايقين روحج ولا شي واذا ماجابلج شي يكفي يكلمج بريج حلو واكيد بيعوضج

بس المفروض قاطه نقزه قبلها بجم يوم