|
|
شلونكم حبوبات عساكم بخير
ابي رايكم بسرعة وضروري
بنات انا ما اشتغل ناطرة عقب ولادتي انشالله بقدم وصارلي 10 شهور متزوجة .. السالفة ان ريلي ما يعطيني مصروف وطلبت منه هالشي قالي اي شي تبينه اعطيج بس فلوس بايديج كاش لا 
للعلم اهو مايقصر يعني بروح صالون يعطيني بطلع يعطيني بس مو ذاك الشي فاهميني … اليوم يوو ناس يصيرولي كانو مسافرين علاج وقت استقبال زواجي المهم يوو وعطوني هديتي 150 دينار ريلي الحين يقولي اعطيه الفلوس واهو يعطيني اذا ابي انا قلت له ابيهم ودي استانس فيهم او شرايك نص بنص مارضى يا كلهم ياخذهم ويعطيني اذا ابي يا اخذهم ويزعل اهو ماقالي يزعل بس باين
عقب ما تناقشنا شوي وقلت له الي بقلبي ما نفع ما اقتنع بكلامي…
الحين قالي اخذيهم بس احسه منفس شوي مادري شسوي انا في وايد اشياء بخاطري واهو مو دايما يعطيني مادري اعطيه ولا اخذهم؟؟
الحين اليهال عندهم فلوس ومصروف
بس انا اقول لاحول ولاقوة اذا يعطيج كل مره والمبلغ الي انتي تبينه جاريه شتسوين بس اهم شي مايقصر من ناحية مشترى وتسوق واكل الحين الكماليات هالايام صارت اساسيات
ومن نااحيه الفللووس هذوولا حقج ومدام قالج اخذيهم ضحكي عاادي يعني لا تبينين انج ودج تعطينهم له
شوفي انا اول ماتزوجت كان هو طالب وانا بعد صبرت عليه وماكان يعطيني كل شهر مثلج قالي اي شي تبين قولي لي وعلي اخر الايام يعطيني مصرووف وهمن ماتكفيني
الحين اشتغل وماشالله حيااتي عاادي وصبرت ونلت
مو من حقه ياخذهم منج وخليه يزعل بكيفه
بس اذا هو ماعنده ميخالف اصبري لين تتعدل اموره ويعطيج مصروووووف
انا بقولج للي للي قالته لي رفيجتي عشان اعطيج ردها بعد
لا تعطيه
هو مايبي فلوس منها
يعني هي بذمته تاخذ منه ما تعطيه
وما احترامي هذا مو رجال
وصلت المعلومه
ليش فلوس بيدج لاء
قوليله كل ماينزل معاشك عطني مصورفي وخلني اعتمد على نفسي واقسم مصروفي حسب ماابي
واتوقع تصرفات ريلج هذي لانه يبيج دايما محتاجتله
يعني لو يوم كنتي زعلانه وبتطلعين لازم بتكلمينه عشان يعطيج
وباجر لو اشتغلتي هم بيقولج عطيني معاشج وانا اصرف عليج يعني انتي مالج اي سلطه على اي مبلغ بسيط عندج
بس انتي وقفيه عند حده لاتعودينه لانه انتي الي بتتعبين بعدين
انا ريلي يعطيني مصروفي اول ماينزل معاشه ويقولي هذا لج لي اخر الشهر كيفج تحرقينه بيوم بشهر كيفج
وبصراحه احس اني مسؤله عن نفسي ولازم ادبر عمري لي اخر الشهر واتعلم حق المعاش ان شاء الله
وبالنسبة للمصروف مادام يعطيج وقت ماتبين خلااص ماهي مشكلة
اطلبي منه زوود مثلا اذاالصالون تبين 10 قولي 20 والفلوس الزيادة خليهم لج بس
لا تعودينه على هالطريقه لا يصير طبعه ويمشي عليه لي باجر اشتغلتي اخذ كرتج ويعطيج بالقطاره حطي حد حق هالموضوع باسلوب حلو وبالتفاهم
بختصر
المهم حبيبتي خلي الفلوس لج منتتي ملزومه تعطينه ياهم وخل يزعل …اذا تنازلتي يوم بتننازلين كل يوم وبيخليج على ان مالج طلبات الا لمن يقتنع بطلباتج كيفج فلووسج عساج تحرقينهم اهوا شكو شلون تصرفين فلووسج @@
وانتي اكبر من ان تقوليله كل شوي ابي فلوس ويقولج ليش وا وا وا الخ الخ اتلخ مااااااااااله دااعي
قوليله حبيبي انا احتاج مصرووف محدد لي كل شهر انا اقسمه على احتياجاتي واصرف منه لاني بصراحه اتضايق لمن اقولك كل شوي ابي حق جذي وجذي ودي ساعات اسوي شي خااص فيني ابي افاجئك بشي فا يليت تسويلي هلشي وبس وغيري هلطبع فيه
وطبعا انتي لاتاخذين كلامي وكلام غيري بالحرف لانج تعرفين ريلج وتعرفين شيناسبه ورتبي الكلام على راحتج
وطمنينه عنج لا تعطينه ابد ماله حق فيهمم الا اذا من كيفج هذا شي ثاني وهوو ملزووم عليه انه يعطيج مصرف شهري
كلمي حبيبتي ها الوضع مايصيرر الا اذا عاجبج
وانتي دام كتبتي الموضوع اكيد مو عاجبج
والله باجر ان عطيتيه بيتعود وحتى معاشج بياخذه منج وديرى بالج من هالشي عاملى ريلج بالحسنى الا فلوسج ماله شغل فيها
ومتى ماكان محتاج ساعديه بس من كيفج موفرض عليج
خوش رياييل