|
|
(( يرجى من حبيبتنا المشرفة عدم نقل الموضوع لانه خاص بالمتزوجات ويتعلق بالزوج .. شكرا))
بدون مقدمات …
انتي وزنج زايد ؟؟
زوجج يمكن يتكلم عنه او يمكن يكون ساكت ….
اول ما تقرأين هذا الموضوع … اقبلي التحدي … كلنا راح ندخل مسابقة … منافسة
مو من باجر … لاااااا …. من هذي اللحظة اللي قرأتي فيها هالموضوع …راح تبدأين … لا تفكرين زايد .. بدأي على طول
بدأنا بتخفيف الوزن … بطريقة سهلة جدا وعملية جدا … وما تملل ابد .. ولا هي نظام غذائي صعب ولا شئ …
نظامنا حبيباتي … منذ هذه اللحظة …
(الفكرة تعتمد على تخفيف نفس اكلنا اللي ناكله بدون تغيير … فقط نخفف الكمية .. سهلة .. صح؟ )
1) الريوق .. او ما تتريقين .. او كباية حليب او شاي .. او اي شراب ( واذا ما تتحملين بسكوتين .. بس بسكوتين يا ام تمبة 
2) الغدا .. غداج المعتاد … بس نبي ناكل نصه.. بس النص … يعني شنو تاكلين العادة؟ … اكلي النص بس
3) العصر … حبة فاكهة وااااحدة فقط + كثر ما تبين شاي وقهوة
4) العشاء … صمونه وحده (صغيره) اي شئ تحبينة(واذا تحبين تتعشين .. اكلي نص الكمية المعتادة)
التحدي …
المشتركات معانا ….
كل يوم وزني .. نعم كل يوم
وكل ما تنزلين نص كيلو قوليلنا .. نشجع بعض
انا استهدف انزل 5 كيلو …. واذا اكثر شوية احسن
من الان … سكرت حلجي.. قفلت (نيعي) .. سكرت فمي
مللي زوجج بالاسئلة … دوخي مخة…. كل يوووووم … سأليه … ها شرايك … ضعفانة ؟؟
( طبعا ابدي سأليه كل يوووووم من باجر وكل ساع … لما يمل ويبدأ يقولج اي ضعفانه … هنا يبدأ التشجيع الجبري )
مانبي تنبلة وكسل وملل … ترا القصة سهلة واااايد سهلى
الفكرة … اذا هذا وزنج الحين …. اذا اكلتي نصف الكمية مهما كان نوع اكلج … اكيييييييد راح تضعفين بكل تأكيد … ما فيها طيب …. ومنتي خسرانة شئ ….. جربي وادعيلي ( سبق اني جربتها)
1,2,3
بدأ التحدي … انطلقوا
…………. وتبقى مجرد وجهة نظر
عندي الادهى
شويه كرشه ملوعه جبدي
عقب مايبت ولدي الثالث موراضيه تروح
وصارلي 8 شهور والدة!!!
شسوي؟؟
خوش موضوع
دعواتـج لنا بالتوفيــق …ويااااارب كل شي بالصبـر يصيــر
وبدايــة مشوار الميـل يبدي بخطـوة
ويا آنا يا إنته ياالميــزان << شعاري اليديـــد انتخبونــي ههههههههه
مدننـــة ماننحـرم من افكارـج النيرة ….تسلميـــــن .
بس المتزوجات
واحنا التنابل اللي مو متزوجات
مانضعف ننفجر
صراحه جربت كل انواع الرجيم في قسم الرجيم
نزلت 10 كيلو (ماشاء الله )
بس رجعت 4ونص
ممكن ادخل معاكم >>>> بكل لباقه
شجعوني وبشجعكم بس لا تكشوني
بعد الحمال زدت 15 كليووووووووووو
ابي اضعفف
يمكن مع التشجيع اضعف
انا معاكم وبقووه
معااااااااااااااااكم
بسم الله جتني عين وقف وزني ومو راضي ينزل
شجعوووووني يمكن ينزل سجلوووووووو اسمي وراح احط وزني بعد ماتروح ضيفتي اوكييييييي
جد جد جد متنانه حدي كل شي علي مو حلو وزوجي بدا يقولي امشي خففي شوي ":<<<<<<<<<<<<<<<<<<<
خلاص بنات كل يوم بروح الممشى لو نص ساعه
ان شالله اقدر يارب
اسويله اكل قومي اكلي معااي اقوله مسويه رجيمم يقول بلا رجييييم بلا بطيخ قومي اكلي ولا تجيج السالفه
لما اكون بروحي واطرش من البقاله ويجيني يقول العن ام الرجييم اللي تعرفينه ارد عليه اقوله على الاقل احسن من ماتقعده تالي الليل تعالي اكلي معاي
يعني شفتي شلون عزالله انه عمره ماشجعني هههههه بس الحين انا اكتبلج وعند راسي جاي رويال لان انا خاطري اضعف
تعرفين كرووووشه صغيره من بعد الوالده وصدر اااااااااه يا الصدر مو ضروري تضعف الكرش اهممممم شي صدري مع انه جسمي
الحمدلله حلو متناسق بس ابن ادم طماع والحمدلله الحمدلله عمره ماعيب على جسمي والا جاان من زماااااااااااااااااان صار فيني احباط
بس هممم عندي الارده اني انزل وزني لاااااااااازم ابي ارد مثل اول بس مع هذا ماراح اوزن كل يوم لان اخاف اوزن واطلع نازله
ارووح من الوناسه اكل بالخمس من فرحتي
كل اسبوع جذي احسن واهممممممم شي ان كل وحده رجلهااا هو اللي يشجعهاا انها تنزل
وانشاءلله الكل ينزل وزنه وتصيرووووووووووون خفيفات بالي شيسموونه
واخر شي اقول ياحلو طلتج في القسم
1)الريوق .. كافيه لاتيه وبسكوته وحدة دايجستف(كالعادة ما تغير شئ)
2)الغداء .. اكلت نصف كمية كل يوم … مع زيادة في السلطة
3) مزهبة عصير تفاح حق العصر
3) العشاء .. ناوية توسته وحدة وجبن تشادر .. وتفاحة