|
|
السلام عليكم
شلووونكم بنااات 
بغيت مشوورتكم بشغله
شوفوا يا بنات الحلال .. الحين انا ساكنه في بيت ماخذه نصف الدور الثاني . ( شقه خاصه فيني انا وزوجي )
و الحين اليوم قبل شوي . سكنوا بالشقه اللي يمي بالضبط معاريس رجال وحرمته
المشكله اني اول مره يسكن عندي احد ! وما اعرف شنو اسوي .؟
قبل شوي اتناقش انا وزوجي اني لازم اجيب هديه حق اهل الشقه اللي عندنا ( بما انهم معاريس ) الله يبارك لهم يارب . و يرزق كل بنت الزوج الصالح
بس ما عرفت شنو اجيب ؟
ريلي يقول بمناسبه نزلتهم للبيت نجيب لهم غدا باجر ( وانا قلت له شلون ؟ توهم اول يوم يمكن يبون يطلعون يستانسون ينامون يعني تعرفون توهم معاريس ! )
وفكرت انا بحلو بس الحلو يبي له قهوة وصراحه انا ما احب قعدت القهوة و الحلو .. احب العلاقات الرسميه ..وبنفس الوقت ما ابي اقطع مع الحرمه . يعني الكبر لله .. وما يصير
ريلي اقترح نشتري بوكيه ورد
ووقفنا صناعي او طبيعي ! ومنو يودي الورد ؟ اطرشه مع المحل او انا اشيله واطق بابهم !
قلت اشتري هديه بس مو عارفه شنو ؟ ثاني شي البنت انا ما شفتها ولا اعرفها ..
يعني عطور ولوشنات اكيد البنت مزهبه عمرها |.|. بعد عروس
صراحه احس عقلي وقف
ادري الموضوع ممكن يكون بسيط .. بس مأزمني حيل لاني ما ابي اطلع بسواد الوجه مع الناااس وشكل البنت صغيره لاني شفت زوجها توه صغير .. وابي احسسها اني من الجيران السنعيين الذووووق …
فكروا معاااي بالمناسبات اللي مثل جذي شنو تسووون ؟