الخطيب رفض .! شسوي !

السلام عليكم ورحمة الله وبركاته

مساء الحب يابنوتات ومتزوجات الكويت ..!

تذكرون سالفتي مع اللي خطبني اللي مايسمع ولا يتحجى ..!

https://q8yat.net/showthread.php?t=318347

اهله جونا

وجفتهم .. وامي قالت لهم اني مو موافقة ولا رافضة ..بس ابي اجوف الولد بـ نظرة شرعية وساعتها اقرر ..بس ابوي ساعتها كان مسافر ورد بعد هالسالفة باسبوع

عاد ماقالوا شي وامه واخته وقالوا من حقها ..

وابوي رد وتمينا ننطر وماحد رد خبر .. ونطررنا والحين صار على السالفة 3 اسابيع من اخر مرة جونا فيها

وابوي يقول مستحيل انا اكلمهم اقولهم تعالوا . لإنهم يدرون ان ابوي رجع من السفر ليش مايكلمونه !

عاد قبل امس والا ابوي جا وجاب وياه الصدمة الكبيرة

تدرون شنو !!

الخطيب رافض يجوفني

يقولون مستحي

واخوه ناداه جدام ابوي ويوم جافهم مع بعض يقول ابوي وجهه مستحي وانحاش الصبي مو راضي يتكلم معاهم

واخوه متضايق يقول عجزنا عنه انا وامي لانه مستحي

شسوي بنات !!

ابوي قال بنعطيهم وقت اكثر لين يقنعونه

وامي تقول انه فيه ميزة حلوة الحيا .. يعني رياجيل هالوقت عيونهم زايغة وعندهم عادي يجوفون البنت ويقعدون معاها ..

عاد قلت لامي ننطر شوي هالاسبوع بس لان السالفة طوولت حيل ومو زين تطول اكثرمن جذي
بس اذا عدّى هالاسبوع وماجابوا خبر

بقول لابوي خلاس .. بابا تكفيني نظرتك انت واذا مقتنع فيه ماعندي مانع

لاني انا مرتاحة للرجال

…

(( مع ان الخطيب اهو اللي طلب بعد الملجة يدخل ويلبسني الشبكة وطلب رقمي ..هالكلام قالته اخته لامي .. عشان مايصير لبس بعدين ويمكن نرفض ))

حبيباتي آنا واثقة برايكم وواثقة بـ عقولكم .. ممكن تشيرون علي !!

حتى ماما يمي قالتلي روحي لرفايجج بالكويتيات وجوفي شنو يعطونج من راي

فدددددددديتكن

اممممممممممم

قولي لامج تقول لامه نبيها هما بروح يقعدون يمكن يستحي يدخل علي جماعه من الحريم
يمكن يفكر ويرضي بسرعه
وان شالله يسعدج ويكتبلكم الخير يااارب ويجمعهم علي الحب

انا ولد عمتي ما يتكلم ولا يسمع متزوج والحمدالله عاايشين بحب ومتفااهمين وتوها من اسبوع زوجته والده وهما صارلهم 20 سنه متزوجين

هلا حبيبي مشكووووورة على ردج الراقي والله يسمع منج يارب

بس ياقلبي .. النظرة الشرعية لابد وجود محرم لي معاه

وآنا بيكون ابوي معاي

وامه عشان ماينحرج

بس مادري شسالفته

زين حبيبتي ولد عمتج .. عياله طلع فيهم شي ..!؟؛

اممممممم
شووفي خل يصير في غرفتين غرفه قاعدين فيها انتوا وغرفه ابوج يمكم بس لا يحس ان ابوج موجود عرفتي

ومن نااحيه اعيال ولدعمتي الحمدالله خمستهم مافيهم شي نطقهم 100% سليم والله
ووحده من اعيااله مشااركه معانا بالمنتدى بعد

الحين زوجته ماشالله عليها تفهمه بسرعه

نصيحه
استخيرررررررررررررررررري
قبل لاتوافقين
وهذا اللي عندي
الله يوفقج ان شاء الله

انا قبل اسبوعين شفت مره ماتتكلم ولا تسمع

وعندها بنات اثنين يتكلمون ويسمعون عادي بس يكلمونها بالاشارات

فاتوقع عادي مايؤثر على الاعيال

واختي تعرف ناس الابو والامو مايسمعون ولا يتكلمون واعيالهم كلهم يتكلمون وعادي

انتي سالي متخصص بهالسالفه يفيدج اكثر عن هالموضوع

لان اذا في احتمال انج تييبين اعيال مايتكلمون لا تتزوجينه لان حرام تظلمين يهال مالهم ذنب يمكن المجتمع مايتقبلهم عرفتي

دامج استخرتي ومرتاحه حق الاصبي انا برايي اذا مو راضي على الشوفه لا تتسرعين

استخيري اكثرر من مره والله يقدم لج اللي فيه الخير

ماتدرين يمكن هالشخص احسن من الف واحد يتكلم بلسان قذر ويسمع اشياء محرمه !!

الله يوفقج ويرزقج الريال الصالح

يعني انتي مو شايفته من قبل؟؟

اذا مو شايفته على الاقل ايبون لج صورته ودام انه ابوج مقتنع فيه وانتي تبينه لاتحاتين عاادي وخلهم اييون يخطبون واكيد اهو بيكون موجود عاد حاولي تطلين عليه من ورا الباب ولا الدريشه << كنت اسوي جذي لمن يه خطبني ريلي

انا من رايي اذ الولد راح خلاص خيررررررررررررره لج والله اما اذ رد مره ثانيه صلي استخاره مره ثانيه وان شاء الله خيررررر حبيبتي اذ لج نصيب بيرجع اذ مافي بيروح وانا اتمني ان الله يعطيج علي قد نيتج حبيبتي

ههههههههه صعبة ياقلبي

لان الاسلام اقر النظرة الشرعية بوجود محرم مايجوز اقعد معاه بروحي

ماشاء الله عليهم والله يوفقهم يارب

تسلمين

وهذا اللي صار استخرت وارتحت وراح استخير اكثر واكثر

تسلمين حبوووبة

كلامج عين العقل وهذا الامر مخططة له من زمان اني اسأل دكاترة مختصة بهالشي .. بس من بعد ما اجوفه
وتسلمين على دعواتج وعلى ردج العسل

فدديتج

جفته بصورة .. ولو قريتي موضوعي الاول بـ تعرفين
وارتحت له من الصورة لكن بما انه اصم وابكمعشان جذي قلت لازم اجوفه
منحرجة صراحة ..آنا مابيهم يجون يخطبون رسمي وبعدين ابتلش

مابي احرجهم واحرج ابوي معاهم لانهم قرايبنا

تسلمين على ردج غلاي ماقصرتي والله

حبيبتي دامج مرتاحه حق الريال ومقتنعه فيه حاولي بعد مره تشوفينه اذا مافي امل خلاااص دامج مرتاحه توكلي على الله والله يوفق لج انشالله وتصير حياتج احلى حياه يارب

تتوقعون إن الحيا اللي فيه او الحرج شي طبيعي ..!؟

اذا الحيا موصل حده عند المعرس شوفيه بمكان عام بتخطيط مع اهله يعني جنه صدفه مو مخططين لها

موفقه حبوبه