|
السلام عليكم ورحمة الله وبركاته
موضوعنا يقول بعد الصلاة على النبي محمد صلى الله عليه وسلم ,
وهو بقلم مارد البحرين :
زوجج يدخل النت وتشكين فيه يكلم بنت ؟
وانتي ضاربتج حوسه وداير راسج ويازعم حدج ثقة بس عندج شكوك وبراطمج تنفخو تبين تشوفين شنو يسوي ؟
الطريقه مو صعبه واليكم بعض الدلائل الاكيده : عباااااارة شارلك هولمز هـــــــــــع
زوجج يدخل مسنجر او بعض مواقع الدردشات ؟
طبعاً التركيز اكثر شي على المسنجر بالذات لأن وراه مصايب
طيب
أ – اذا كان زوجج يشبك مسنجر وحاسه ان يكلم وحده اول شي تسوينه :
سوي نفسج بتطلعين من الغرفه ( بشرط خذ له فتره ماكتب من الكيبورد ) , فزي وقوليله باروح شوي المكان الفلاني وبرجع , اول ماتطلعين من باب الغرفه نطري ثواني و حطي اذنج على الباب ( رعصيها زين ماوصيج ولاتنسين ان مايكون في صوت ازعاج في الغرفه) اذا سمعتي صوت تطقطق الكيبورد سريييييع وكأن تحول الريال الى اخطبوط , فهذا يكلم وحده
ب – زوجج على المسنجر وقاعد ساااااكت البريء , وانتي في سبحانيتج بعيده عنه وبنفس الغرفه بعد او على سبيل المثال تخشين الجكر , عفواً تحطين مكياج او كما يقال ميك اب , بدى زوجج يتييب على الكيبورد ( يكتب ) على طووول كلميه قوليله اي شي وسكتي من بعدها فتره صغيره ,, رجع يكتب مره ثانيه على طووول انتي كلميه وهـم قوليله اي شي , لاحظي اذا وقت جوابه في المرتين هز ريوله يمين يسار مثلاُ بسرعه فتأكدي ان قاعد يرضع الملعون واعتقـــد واللـــــه اعلـــم انها احلى منج
ج- زوجج على المسنجر وانتي بعـــــد بعيده عنه صار لج مده مادة البوز وتشوفين التلفزيون وبنفس الوقت طالما انتي بعيده عنه اهوه يكتب بسرعه , جربي منه على غفله وبسررعه , اذا وقف بأسرع وقت فهذا قاعد يشلخ على وحده الهيس
جربي هالحركه كذا مره , كل ما ابتعدتي اهوه كتب بسرعه . وكل ماجربتي منه سكت وماكتب فبيكون ضمان ان الريال يكلم بنت
=
د- زوجج على المسنجر يكتب وكل ماتسألينه عن شي يجاوبج ولكن مايحط عينه بعينج و يجاوب بشكل مختصر فهذا يكلم بنت ( بشرط يتكلم بالمسنجر او اي دردشه تأكدي قبل )
ه- زوجج دايما يدخل المسنجر وانتي برع البيت او عند اهلج قاعده هناك على نياتج ويتعذر بحجه ان ملل او ماعنده شي يسويه لأن انتي محد فهذا يكلم بنت الهيس الأربد
و- زوجج يكتب بسرعه على الكيبورد وانتي الى حداً ما جريبه منه بس ماتقدرين تقرين وكل مافريتي ويهج عليه قام وحكحك مثلا صوب يمين خشمه وتكررت هالحركه كل ما انتي تلتفتين فهذا قاعد يكلم بنت سود الله رقاعة سوادن مايبيض التعبان
ز- زوجج غالبا يدخل اوقات متأخره ( المسنجر ) ومسفه لج وكأنج مو موجوده فهذا يكلم بنت
ي- زوجج غالبا يقلب تليفونه ( سايلنت ) وقت دخوله المسنجر فحضرة الباشا يكلم بنت
اخيراً وليس اخراً هذا الجزء الأول وهو الجزء البسيط وستأتي من بعده بعض الاجزاء
جميع ما ذكر في الموضوع معتمد وعلى الضمان من افضل الشركات
جربي الخلطه مره ولن تنسينها بالمره
والى لقاء آخر
والسلام عليكم ورحمة الله تعالى وبركاته
" ان اصبنا فمن الله , وأن اخطأنا فكلنا ذوو خطأ "
موتيني من الضحك بس و الله افكار
مرسي
الله يلعن ابليييسج بس استفيدي وياي
لئن صج ريلي واهله علموني شو اسوي وانتي اتعلمي ههههههه
مشكورة حبوبه واي ونسني ردج
لوووووووووووووووووووووووووووووووول
الله يلعن ابليييسج بس استفيدي وياي لئن صج ريلي واهله علموني شو اسوي وانتي اتعلمي ههههههه مشكورة حبوبه واي ونسني ردج |
هههههههههههههههههههه
تدرين عاد ريلي ماله بالنت ولا له اي دخل فيه كلش
الحمدلله يارب
لاحظي اذا وقت جوابه في المرتين هز ريوله يمين يسار مثلاُ بسرعه فتأكدي ان قاعد يرضع الملعون |
هااهاهاهاها موتييني من الضحك الله يقطع ابليس
الله يبعد هالخرابيط عن رياييلنا
اتغشمر بس صج الحين داشين شنو يتسمونه ههههههه
بس تعالو الله يلعن ابليسكم ريايايلكم لايقرون الموضوع لول مشكورين مروركم صج ونسني يلعن ابليسكم
عادي هالحركات من الرياييل كلهم جذي
مشكورة حبي
مشكوورة قلبي ^_^